صباح الخير عليكم
اولا صح عيدكم جميعا ولو انها روتار شويا لكن الكلام الجميل معندوش وقت معين ولا لالا؟
وهذي هدية العيد ليكم خاصة
اللي يعرفوني ويحبوني
https://file.topmaxtech.net/images/ph…3756715771.swf
وضرك نخليكم مع الأطباق القليلة اللي حضرتها في العيد لاننا في الدار مش من آكلين اللحوم ههههههه
منحبوهش 
وقضيناها غير عرضات بالكسكاس او كيما يقولو الطعام
اللي نشالله انحطولكم طريقتنا في تحضيره بالتفصيل الممل 
اولا نبدا بالحلو باش نحلي قعدتنا واللي هي كالاتي:
غريبية وقيلا تاع ام كوثر
جات خفيفة وبنينة تهبل
معمول تاع ام رامي
جاء يذوب في الفم هاااايل
صابلي بالزيت هاي وصفة الشاف مصطفي نسيت الي طبقت هاد الوصفة اسمحليلي حنونتي براف بزاف
جاء هايل وكل ما يطول يزيد يطرى جاء روعة
وقاطو لي روشي هادا وصفة كانت في كراس قديم عندي
جاء فووووووور ولا واش رايكم
خلاص لاه عمبالكم العيد الصغير هادي عبارة بابا هههههههه كل ما يدخل يلقاني نخلط في القاطو
مسكين قلبو خرج مع مصروف العيد
والآن نجيو لنهار العيد انا درت الفطور كامل وحدي أحم أحم زعمة شاطرة هههههههه
شوفو:
اولا كبدة مشرملة جااات تحفة على حساب قولهم لانني ملحقتش بيها كلاوها كاملة هههههه
وهادي صورة أقرب
واش رايكم تشهي ولا لالا؟
ودرت الكسرة بيان سيير:
ولا سالاد خفيفة برك ما لتيتش باش نديكوريها ههههههه زعة راهم يجرو مورايا ههههه
والشليطة الحارة
او كيما تسموها سلطة الفلل او الحميص
وشربة فريك قمة في البنة هجمو غليها هجوم حر خاطر بالجاج ماشي باللحم ههههههه
وخلاص واش رايكم؟
في العشاء نورمالمو البوزلوف لكن بما اننا في الدار واحد ما ياكلو غير بابا لعزيز وهو ما كانش قادر ياكل مطيبناهش درنا بيتزا ههههههه
وفي اليوم الموالي نهار لكتاف كيما نسموه حنا درنا في العدا الطعام بالكتف
وفي لعشا درت رايي هههه
بطاطا سوتي
وشطيطحة لحم بالحمص والفلفل
وهادي عن قرب:
في اليوم الثالث كنا معروضين عند صاحب بابا حطة ماكاش شغل في الدار
بصح صحلي غسيل لمواغن عندهم
أمممممممم اليوم الرابع حنا اللي عرضنا جدة وعماتي يعني في النهار الكسكاس وشخشوخة لازم حاجة تقليدية في العرضات كون درنالهم الشواء كون بهدلونا ههههه
وفي الليل درت:
لحم مقلي
وهادي اقرب:
والمشوي راحلي الفوطو تاعو
جاء هااااايلودرت اقراص الدحاج بكريمة الفرماج اللي دارتهم أم رامي لكن أنا عوض الدجاج المرحي استعملت فيوند أشي
جاو تحفة 
وهادي صورة عائلية هههه
ودرت رولي تاع الوهرانية على ما أضن كان موضوع مشاركتها في مسابقة شاف كوزينتنا
جاء فوووور كنت رايحة نقطغو لكنهم جاعو مساكين معشيتهمش حتى لل21.00 هههه مالا حطيتو كهذا
واش رايكم؟
خلاص
اليوم راني خدامة قلتلهم ما نيش حابة نزيد ناكل اللحم حتى لعاشوراء هههههه
واش رايكم فيا فحلة ولا لالا؟
الله يبارك والله لالات النساء ممكن وصفة الصابلي بالزيت
يعطيك الصحه اختى كل شيء رائع بصحتكم
الله يبارك الله يبارك
|
المشاركة الأصلية كتبت بواسطة fati-es
 الله يبارك الله يبارك
|
الله يسلمك حنونتي يبارك في ايامك
|
المشاركة الأصلية كتبت بواسطة omnadjem.10
يعطيك الصحه اختى كل شيء رائع بصحتكم
|
الله يخيلك ليا حنونتي
|
المشاركة الأصلية كتبت بواسطة oum souma
الله يبارك والله لالات النساء ممكن وصفة الصابلي المقلي
|
مفهمتش واش قصتي حنونتي
الله يبارك كلش روووووعه شكرا
|
المشاركة الأصلية كتبت بواسطة أم إناس
الله يبارك كلش روووووعه شكرا
|
الله يسلمك حنونتي
|
المشاركة الأصلية كتبت بواسطة islam1aya
اعجبني كل الشيء روووعة يعطيك الصحة صح عيدكم عقوبة للعام الجاي
|
وعيدكم والعاقبة لكل عام ان شاء الله
سمحيلي غلطت قصدي الصابلي بالزيت ممكن الوصفة
|
المشاركة الأصلية كتبت بواسطة oum souma
سمحيلي غلطت قصدي الصابلي بالزيت ممكن الوصفة
|
السماح حنونة كي نروح للدار نسجلك الكيفية خاطر راني في الخدمة ونخاف نغلطلك فيها ولا لكنها اقتصادية وزاكية تهبل
ماشاءا الله روووووووووووووووووعة يعطيك الصحة بصحتكم كل شيء
شكرا لكن حبيباتي
https://www.djelfa.info/vb/showthread.php?t=1329058
فقط انا زدت شويا ملون برتقالي ههههه
|
المشاركة الأصلية كتبت بواسطة ريم الفلى
بالنسبة لام سومة التي طلبت وصفة الصابلي هاي مع طريقة في هاد الموضوع
https://www.djelfa.info/vb/showthread.php?t=1329058 |
بارك الله فيك اختي والله حسبتك نسيتيني عن قريب نجربو شكـــــــــــــــــــــــــرا 