بريوش جميل وساهل وخفيف
اذا جربتوه صدقوني رايح يعجبكم
اشكري وعاودي لهومة هههههههههه
شوفي من تحت كيطايب ذهبي اللون 
الشكل عشوائي جاوني ضياف غصبت كملتو بصح جا خفيف وعجبهم واداو لا غسات
هذو شكلتهم ليك لهومة قلت هذ الحبة لالهام وزدك وحدة اخرى نعرفك مكراشة ههههههههههههههه عولت نزيدك الثالثة خفت نفسدلك لا تاي بصح على بالي لاتاي تاعك ماشاء الله لا زيادة لا نقصان سعدو الي 
محشيين بالشوكولا على جالك شريتها ضرك نصورولك من الداخل
نزيدك الثالثة وانت دبري راسك خبيها خير 
هذو لطقم واش طيبتي اليوم
وهذ لكل اعضاء مدونة الجيريا
نتمنى يلقى اعجابكم ورضاكم
سيتم وضع وصفته بحول الله
سلاااااام
ــآهلااا ثــآنيةً
نروحو للمقادير والطريقة
نصف لتر حليب استعملت تاع الساشي
مغرف كبيرة خميرة الخبز
مغرف كبيرة سكر
ندفي الحليب نمزج كل المقادير هذو كما في الصورة
ونخليهم يخمرو
نوجد مقادير اخرى
3بيض
6مغارف سكر
نصف كاس زيت
نصف ملعقة صغيرة ملح
باكي خمارة القاطو
كغ فرينة ناقص نصف كاس تقريبا
بالباتور طلعي البيض والسكر ثم زيدي الزيت والملح حتى يبياض ممكن بالفويي
نفرغو على الخليط الاول الي تركناه يخمر
نظيف الفرينة ممزوجة بباكي خميرة الحلوى
بحيث نتحصل على عجينة تلتصق قلنا كغ فرينة خليت منو نصف كاس حسب نوع الفرينة لازم العجينة تتلتصق باليد
هكذا
نغطس صباعي في الزيت ونشكل كريات قد حبة المندرين او نبسطهم ونحشيهم شوكولا نصف حبة او حبة او ترابيها وتحطي مغرف صغيرة وتلوي يجي طويل
نخليهم يخمرو
وندهن الوجه بالبيض مخفوق مع شوية فاني ونرش بالجلجلان
هنا خمر ندخلو يطيب في فرن مسخن مسبقا
يطيب من تحت اول ما يبدا يحمار شوية برك من فوق نطفي من تحت ونشعل الفوق ونحمرومليح
هذ المقادير دارتلي هذ الكمية
طريقة بسيطة جدا وكما شفتي ما تدلكيش مجرد خلط فقط
ممكن تقرصيه في لي بلا وكيطيب تقطعيه
كما خبز الدار
سلاااااام
واااااااااااااااو هايل راني دخلت عنجال شفت اسمك ومعليش متعرضينيش راني صايمة هاتي شوية وزيدي هاتي لاغوسات ههههههه بسرعة
الوصفة
الوصفة بسرعة البرق يا بروقة
الله الله عليك بريووش هو حتى انا يخرج ليا بحال القطن
ما شااء الله
واووووووووووو روووووووووووووووووعة
البريوش هذا من الصباح وحنا نستناو فيه وقريب كليناه في الصحور بصح كي عاد لافار فيها حشوة شوكولاطة وكاين حبات ليا مخصوص ندخل
وهذا رأيي بصراحة في بريوشك :
مممممم…..ممممممم ممم م ممم م
فهمتيها ؟ خخخخخخخخخخخخخخخخ راني نهدر ونمضغ خفت يطيرولي بالحبات
شوفي والله يا بريق الأمل ( هدرة راهي رسمي ضرك 
) :
بدون مجاملة وماكي صحبتي مانعرفك :
بريوشك يهبل يهبل يهبل ومثقب هذوك الثقوب الصغيرة كيما اللي يجيو في الكرواسون يعني خدمة على مستوى محترف ( كولومبو يتكلم 
)
وطيابهم مليح يعني حمرتيهم مليح بدوم ما تحرقيهم وهنا نعطيك العلامة الكاملة في طيابو
أما الأشكال عجبتني هذيك الدودة خخخخخخخخخخخخ واش تحبي النا أذواق
بصح الحبة الاخيرة كعوزتيها وجات كبييييييييرة واقيلا هذيك ماشي للجلفة ليك انت خخخخخخخ
بصح كلي درتي بزاف رايحة تسحري عفوا تقهوي الجيران ؟
وزيد أهم حاجة بنناتو طبعا تحسبي فيا رايحة نقول كي عاد من يديك لالا أهم حاجة انو ليا أنا واي واي واي
|
المشاركة الأصلية كتبت بواسطة إلهام07
 كنت رايحة نزعف وماندخلش
البريوش هذا من الصباح وحنا نستناو فيه وقريب كليناه في الصحور بصح كي عاد لافار فيها حشوة شوكولاطة وكاين حبات ليا مخصوص :d:d:d ندخل وهذا رأيي بصراحة في بريوشك : شوفي والله يا بريق الأمل ( هدرة راهي رسمي ضرك |
كنت نستنى في الجرنان تاعك ههههههههههههههه قصدي الرد تاعك بعد التمحيص بصح لو كان شديتي بلاصة ورجعتي كتبتي مقالتك براحتكهههههههههههه
شكرا عسولة انتقديني براحتك لازم قالك خوذ راي من يبكيك وتاخذش راي من يضحكك ويضحك الناس عليك
ههههههههههههه
صح كونتيتي كبيرة وبعثت لاختي الي هي جارتي منو
وخبيت للصحور خاطر راني صايمة ونحبو مع كاس قهوة بالحليب يميم الهم اني صائمة
ما تزعفيش جاوني ضياف
يد فيه ويد في المرميطة ونغسل ونرجع خفت تجي فيه بنة البصلة الله غالب حالة الوحيدة اهئ ماعنديش الي يعاوني
اذا لقيتي بنة البصلة ما تفضحينيش اوك معنيلي بها قولي بنة لافاني تهببببببببببل والفاهم يفهم
شكرا لمروركن حبيباتي
لي عودة لكتابة الوصفة الأسهل من السهلة
ام ادم على بالي بك طيابك يهبل اتحفينا بوصفاتك
وقوليلي طريقتك في البريوش بصح بعدما نكتب طريقتي
للاسف الصور لا تظهر عندي
تنبيه مهم
الدودة لالهام ههههههههه
|
المشاركة الأصلية كتبت بواسطة **أم محمد يحي**
للاسف الصور لا تظهر عندي
|
اهلا منورة
لا افهم لماذا
برقوقتي صور ما خرجوليش للاسف راني متمنيا نشوف
ما شاء الله بروقة روعة وشكرا على الدعوة