سلام بنات و صح رمضانكم و ينعاد عليكم بالصحة و الهنا انشاء الله …راكم عارفين مع وصل رمضان راني حابة نخلع دارنا
و نطيب في رمضان ان شاء الله الحمد لله يعني جربت بزاف طياب و نجحلي الا البطاطا كوشة اللي في حياتي منجحتليش و علابالي بلي كاين الشاطرات هنا اللي يعاونوني تعيشو اعطولي وصفاتكم و تكون مجربة اكييييد …..تعيشو عاونوني
قوليلي تحبيها بالحليب ولا كيفاش
ايه يا الاخت نحبوها بالحليب
معليش معاها الجاج؟؟
تقطعي البطاطا دوائر و تحطي عليها شوية ملح..و تدهني البلا انتاعك بشوية زيت وزبدة و تستفي البطاطا و دخليها للكوشة سخونة.و ماتخافيش راهي تطيب عادي….و في نفس الوقت تكوني عملتي قطع جاج تقليهم ف البصل..مع فلفل اسود و شوية قرفة.. مع جزر مقطع دوائر .. حبات حمص ..تمرقي و لما يطيبوا يكون المرق بقى شوية فقط و هو مرق ابيض.حطي قطع الجاج على جنب.و لما البطاطا انتاعك قريب تطيب بعد ما تكوني قلبتي كل قطعة على الجهة الاخرى..فرغي عليها شوية من المرق و و حطي فوقها قطع الجاج ..رجعيها للكوشة لما تتشرب المرق..جيبي 4 حبات بيض او على حسب حجم البلا ضربيهم مليح مع شويةملح وفلفل سود..و فرغيهم على لباطاطا وز ينيها بالزيتون الاسود..ودخليها للكوشة حتى ينشف البيض و يطيب..و صدقيني البنة انتاعها ما تتخيليهاش… وكاين اللي يحب يضيف دوائر الطماطم فوق البطاطا في مرحلة اضافة المرقة..و كذلك تخرج روعة ..
ملاحظة..من الاحسن تحضري المرق اولا و توجديه باش تجيك ساهلة..
انا نقطع بطاطا دوائر ومبعد تقليهم
* من جهة طيبت صدر تاع جاج مع شوي بصل وثوم وتوابل وخاصة كسبر
ومبعد نشد في مول نستف بطاطا تاعي وتدير فوقها جاج مقتت ومبعد نزيد ندير بطاطا حتى يتغطا الجاج ومبعد نسقسهم بشوية لاسوس تع مرق دجاج لول ومبعد نشد حبة بيض ولا 2 ونخلطهم ونديرهم فوق بلا تاعي وندخلهم للكوشا قسما بيض يطيب برك ويتتحمر
وبصحة وهنا
ان شاء الله نكون افدتك
والله غير حلوة
رمضان كريم للجميع
مع تحياتي
سوسو
شكرا اخواتي و الله افدتوني جزاكم الله الف خير ………..صح رمضانكم
اذا تحبي نعطيك وحدة ساهلة قطعي البطاطا دوائر رقيقة ثم ستفيها في السنيوة ورشيها بالفلفل وجوزة الطيب والملح وقطعي عليها اطراف مرغرين ونص لتر حليب انت وسنيوتك الا كبيرة دري لتر حليب وجبن مكرفج ودخليها للفرن على حرارة متوسطة تجي هايلة واقتصادية جدا
حنونة هاكي وصفة اخرى تقطعي البطاطا دوائر وتزيدي تقطعي البصل والثوم اضافة الى الكابوية وتبعديهم في جيهة وتحكمي صحن تحطي فيه ملح و زعفران و فلفل اسود و كمون وتخلطي مليح من بعد تحطيهم على البطاطا والبصل والكابوية وتخلطي مليح حتى تحسي انو الكا تجانسو تحكمي طاجين وتدهنينه بشويا دهان وتحطي الخليط ودخليه في الفرن و تراقبيه ولا اروع