طبعا الطبخ له مباديء اساسية للمبتدئين هي جبال من الأسرار . لكن في حقيقتها ممكن تكون خطوات بسيطة جداً وبما انوا إحنا هنا باه نتعلموا ونعلموا .. ممكن كل وحدة فينا تكتب نصيحة او خطوة بسيطة لتعلم الطبخ
بما انوا انا من طرح الموضوع راح نبدأ بالنصيحة الاولى
الحب.. الحب .. الحب ..طبعا حب المطبخ هي القاعدة الاولى لتعلم الطبخ واتقانه
ياجماعة وينهم مشاركاااتكم ، اعتقدت ان النصائح ستتهاطل على الصفحة ، لكن!!!!!!!!!!!
معناها انا راح اضيف نصيحة
كمية الملح المضافة تلعب دورا هاما في إظهار ذوق مكونات الاكلة . لذلك انتبهن ايتها الطباخات المبتدئات . يجب تذوق الاكل وتعديله قبل انهاء الطبخة يعني لما نحط الأكلة على الطاولة تكووون مضبوطة 10/10
أول نصيحة : لا تخافي من الفشل, (حتى أكبر شيف يخطئ هههههه) و تغاضي عن انتقاد الآخرين لك.
2- حضري كل المكونات قدامك قبل بداية الطبخ
3- كل ما كانت المكونات طازجة أكثرو جديدة يكون الأكل أحلى
هذا اللي تفكرته, و لي عودة إن شاء الله.
اذا جاك الاكل مالح ضيفي حبة بطاطا فسوف تمتص الملح الزائد
انا نصيحتي لكل اخت تريد ان تكون مرقتها بنينة لازم اتقليها امليح يعني قبل ما تلوح الماء اتقلي باكبر وقت ممكن وكي اتلوح الماء ايكون على فترات وليس دفعة واحدة
نصيحتي للعندها عجانة لازم كيتكمل العجين خاصة المطلوع ماتقرصهاش ثم ثم لازم تخليها تترتاح على خاطر تكون سخونة
وشربة الفريك لازم نمرقوها بالماء السخون
وكينتفكر عفايس راح نقلكم وبارك الله في الاخت اللي دارت الموضوع وشكرا لكل المشاركات راح نستفادو بزاف
شكراااا لكم كامل ، نصائحكم فعلا مفيييدة، لي راح يدخل الصفحة راح يستفاد
اما انا نقول كي تحطي الطبخة فوق النار اوقفي معاها وخاصة اذا كان عندك ضيوف واخري المسلسل والفيلم حتى تطفي عليها
نزيد نقول: لي دارت صوص توماط وجاءتها حامضة تحط شوي سكر يعدل الحموضة
المقرون نغلبها دائماً في ماء غزير و مملح على حسب كمية الماء ، لكي يكون قوامها وطعمها مضبوطين
نصيحة لنجاح الخبز قبل ما تعجنيه إجمعي المكونات بالماء الدافئ و خليها تخمر و ترتاح ثم إعجنيها و شكليها
أنا نصيحتي ما تغليش الزيتون انقعيه ليلة كاملة قبل ما طيبيه
عند سلق الخضر الجذور مثل البطاطا نستعمل الماء البارد والخضر ثمار مثلاللوبيا يكون الماء سخون
المطلوع او خبز الدار او اي عجينة فيها خميرة و تحتاج ان نصيف لها الماء شيئا فشيئا
نضيف الخميرة في الاخير لان الماء كما قالت " يقتل الخميرة " اي يفسد لها الطلوع