مرحبا أخواتي إليكم العيش بالحشايش
(البركوكس بالأعشاب الطبية)
الأعشاب: إكليل،دقفت،خزامة،شيح،زعتر،كل هذا يابس ومرطب
قلي اللحم أو الدجاج مع بصل ثوم زيت ملح طماطم حب مرحية و مصبرة أمرقي وخلي الكل يطيب مع بعض ضيفي الحمص و كمشة فول يابس كصريه نحيلو لقشور و طيبيه في الماءو لوحيه في المرق بعدما يطيب اللحم نحيه من المرق وضيفي العيش ألي تكوني وجدتيه من قبل
خلطي لحشايش في دقيق أرطب و أفتلي بيه العيش و فوريه مرة واحدة لوحي المقدار ألي تحبيه في المرق خليه يطيب و في الأخير ديريلو دبشة مقطعة
ملاحظة:هذا يطيبوه للنافسات إلي يعود عندها 20 يوم تروح للحمام و كي ترجع تلقاه طايب و تاكلو سخون و ترقد
نتمنى يعجبكم
بارك الله فيك
وفيكن بركة عزيزاتي
الله يسلمك
بارك الله فيك
يعيط ك الصحة اكيد يتكل سخون
ومليح يخرج الهواء من النافسة
يعططيك الصحة جانا
هذوا ..دواوات العطرية كيما يقولو …يديروهم على جال النافس….
الله يخليك اختي
ألا يكون مذاه مرا إذا كان الشيح ضمن الحشائش ؟
لا يا اختي ما جيش مر بزاف اجي بنين وفيه اعشاب اخرا انا ما ذكرتهمش اكل على كل حال فيه شوية مرارة بصح بنين و مشكوووووورة
شكرا اختى لكن حابة نسالك قداش ديرى كمية الاعشاب بالنسبة للرطب الى تفتلى بيه ومشكورة اختى