اليوم جئت لكم من البوسنة بطريقة عمل البرك و التي تعلمتها من أمي الحبيبة
و هي حقا مقبلة رائعة و شهية جدا و أكثر من ذلك هي اقتصادية و يمكنك ان تنوعي فيها حسب الذوق في الحشو و الشكل أيضا
المقادير
كاس ماء دافي
حبه بيض
ملح
3 ملاعق كبار زيت
و طمي بالفرينة ، ادلكي مليح العجينة حتى تولي ليس و طرية
ولا تقدري تعجنيها في العجانة كيما درت أنا
للحشو
ربطة سبانخ *سلق* مقطعة و مفورة
بصل ، لحم مفروم ، جبن مبشور
في مقلاة تقلي البصل مع اللحم تزيدي السبانخ شوية ملح فلفل أسود
من جهة أخرى في كاسرولة ذوبي نصف كاس زيت مع 4 ملاعق مارغارين
فوق طاولة العمل و من الاحسن تكون طابلة و لا مايدة
فرشي إزار نقيقي ، دردري فوقو الفرينة و حطي العجينة تاعك ، قرصيها بيدك و ادهنيها بالخليط *الزيت-المارغارين* بواسطة البانسو
و غطيها بالازار
خليها ترتاح 15 دقيقة على الأقل و ما تنسايش لازم تغطيها بالازار
بعد 15 دقيقة افتحيها بالحلال
كيما في الصورة و زيدي ادهنيها بالخليط
هاذ الخطرة خليها تريح 20 دقيقة و غطيها ثاني باش ما تنشفش و تتلق روحها
بعد مرور 20 دقيقة :
افتحيها بيدك كيما نفتحو المحاجب * محجوبة عملاقة*
و اذا واحد يساعدك أحسن
في هذ المرحلة مالازمش تخلي جهة خشينة و جهة رقيقة
و متخافيش لاخطرش مشي حا تتقطع نعاك
الأن نبداو بالعمل أنا طويتها من الجهتين ن دردرت شوية زيت و مارغارين من الفوق و حطيت الحشوة
كيما توضحلكم الصور
و هنا نحيت حربوش و زدت درت واحد في الوسط
باش تروليو طبقوها خطرة غير بلعقل و مبعد انفضو لزار دك تترولا واحدها
شكليها كيما تحبي أنا درت محنشة كبيرة ، و ادهنيها مليح بالمزيح ديال الزيت -المارغارين
و طيبيها في فوغ يكون سخون من قبل حتى يتحمرو
قبل ما تطفي خلطي حبة بيض مع الكريم فراش خرجي الصينية من الفرن وسقيها بهذاك الخليط و عاودي رجعيها 5 دقايق و طفي
و اذا تحبيهم يقرمشو استغناي على هذ المرحلة
بالف صحة وعافية
جربوهم على ضمانتي
ماشاء الله روووووووووووووووعه اختي
جزاك الله خيرا
الفكرة جديدة , و فعلا تستحق التجريب يعطيك ألف صحة لك و لأمك
يعطيك الصحة مرام
ربي يخليلك الوالدة
|
المشاركة الأصلية كتبت بواسطة أم ماجد
 يعطيك الصحة مرام
ربي يخليلك الوالدة |
يسلمك يا الغالية وشراكي دايرة مع رمضان ، و شراهي روزا و صلاة، و الله غير توحشتك
|
المشاركة الأصلية كتبت بواسطة أم إناس
ماشاء الله روووووووووووووووعه اختي
جزاك الله خيرا |
شكرا أختي الحبيبة على المرور العطر
|
المشاركة الأصلية كتبت بواسطة cuisineshowdalatifa
الفكرة جديدة , و فعلا تستحق التجريب يعطيك ألف صحة لك و لأمك
|
شكرا عزيزتي أرجو ان تجربيه حقا ، جزاك الله كل خير
|
المشاركة الأصلية كتبت بواسطة idron0
يعطيك الصحة
|
شكرا ،
رائعة حبيبتي تسلم الايادي
روعة يعطيك الصحة وربي يحفظلك الوالدة
شكراااااا الحبيبة و هذي راهي نفسها البرك التركية يعطيك الف صحة كنت راح نحطها موضوع هنيتني ربي هنيك :d
والله تستحق التثبيت
ربي يحفظك و يعطيك ماتتمناي
ويخليلك ماماك
|
المشاركة الأصلية كتبت بواسطة mounia hse
شكراااااا الحبيبة و هذي راهي نفسها البرك التركية يعطيك الف صحة كنت راح نحطها موضوع هنيتني ربي هنيك :d
والله تستحق التثبيت ربي يحفظك و يعطيك ماتتمناي ويخليلك ماماك |
صح تشبهلها مي ماشي هكدا ، كاش نهار نديرهالكم
هوما يديرو بلابات فيلو |، يفتحوها بالمايزينة
تعيشي ختي العزيزة و أمين ان شاء الله كل واحد يرزقو ربي كيما راهو حاب
ربي يهنيك و يمنيك
بارك الله فيك والله غير جات هايلة الف شكر لك وللوالدة ربي يحفظهالك
الله يبارك هايلة
تبان هايلة تعطيك الصحة اختي
بارك الله فيك