سلاطة مرقدة لرمضان بثلاث اذواق و بالصور 2024.

السلام عليكم اخواتي ….
بغيت نشاركم وصفة رائعة و مجربة ماتخافوش

المهم نبداو على بركة الله …..
رايحين نديرو العولة في هاد رمضان…..
المقادير : لاكان رايحا ديري في البلارات الصغار بهادو المقادير رايحين يجوك 6 نحتاجو:2 كلغ و 500 نتع طماطم – 1 كلغ و 500 فلفل حلو + 3 فلفل حار ( على حساب الدوق ) – 2 كغ بادنجال –
2 م ص حبق اخضر او 1 م ص يابس – 2 م ص زعتر – 1 م ص زعيترة – 2 ورقات رند – 3 بصلات – 2 قطع سكر – 8 سنات ثوم – ملح وفلفل اسود .
التحضير ساهل ماهل …. ماتشوي ماتنقي ...... عصر السرعة حتى في الكوزينا
قطعي البصل والثوم في الروبو الى شرائح وديريه في مقلة كبيرة مع شوية زيت و الملح يتدبل و في الحقيقة انا ستعملت لهادي الكمية 2 نتاع المقالي …..

و الله عجزت نجبد المقلة نتاع الولايم العزيزة نتاعي و هي من الاحسن ديريها طيب في فيتو كبير لا مقلة لا زوج


… نكملو …الوقت لي يكون يدبل فيه البصل و الثوم قطعي الطماطم و الفلفل الحار والحلو والبادنجال في الروبو الى مكعبات صغيرة كل واحدة على حدى … ماتخلطيهمش … ولا ماكانش الروبو قطعي بيدك
(ملا كيفاش كانو جدودنا بكري )

]كي يذبل البصل و الثوم زيدي كامل هاداك الخير المقطع ( طماطم + فلفل+ بادنجال )… خلطي مليح وتبلي بالفلفل اسود ….
حطي 2 قطع نتاع السكر و الحبق و الزعتر والزعيترة و الرند ….حركي و خليهم يطيبو من الاول على نار قليلة 20د الى 25د وزيدي دوقي لاكان خاص الملح
من بعد نحي الرند و اغصان الزعيترة و اطحني كلش في البلاندور بسرعة 1….حتى تكون la consistance
نتاعها كيما السلطة المشوية …..ماشي روينة شوية شوية ….حطيها في قدرة ثقيلة وخليها طيب على نار قليلة مدة 15 د …….و نصيحة كلشي لي تطحنوه في الروبو رجعوه يطيب هاد المدة ……لاكان العكس ..مرايح يكون اكل صحي …
ومن بعد تكوني ستيريليزيتي ….عياتني هادي الكلمة
البلارات نتاعك …انا ستعملت واحدة ولي نشاء الله تدخل للثلاجة و كي نبغي نحي شوية بمغيرفة تكون ناشفة ونرجع البلارة للثلاجة …هكدا نظمن كلشي …..
من بعد لي تكوني عقمتيهم اقلبيهم فوق سربيتة نقية و خليهم شوية وعاودي امسحي هادوك القطرات بلا ما توشي يدك حاشية البلارة من داخل …. عمريهم بالسلاطة و اغلقيهم واقلبيهم في البلاص وخليهم هاكداك معاقبين حتى الغدوة
اقلبيهم وديريهم في الثلاجة ….
زينيها بزيت الزيتون ولا بالزيتو ن الاسود و لا الاخضر مع التون و كل وحدة على حساب دوقها …
انشاء الله تكون الوصفة عجبتكم … هاكدا تتهناو من اشوي و اقلي في ما يخص السلاطة
نخلو الشويان للحم والقليان للبوراك …
ربي يبلغنا رمضان ويقدرنا فيه على طاعتو … ورمضان كريم لكل المشاركات مسبقا
ملاحظة صغيرة : هادي السلطة جي un accompagnement هايل مع الحوت ولا اللحوم و الدواجن و حتى الروز و العجائن والبيتزا …. رايحا تكون تغميسة فور … وطعمها مانحكيلكش
سلام حبيباتي

يتبع مع الصور

https://www.djelfa.info/vb/attachment…8&d=1402159346
https://www.djelfa.info/vb/attachment…9&d=1402159356
https://www.djelfa.info/vb/attachment…0&d=1402159369
https://www.djelfa.info/vb/attachment…1&d=1402159379
https://www.djelfa.info/vb/attachment…2&d=1402159394

https://www.djelfa.info/vb/attachment…4&d=1402159558

يعطيك الصحة. اللهم بارك لنا في شعبان و بلغنا رمضان

اقتباس:

المشاركة الأصلية كتبت بواسطة الصمت حكمة يعطيك الصحة. اللهم بلغنا رمضان

انشاء الله الرحمان الرحيم
وياتيك الف صحة وعافية

الله يعطيك الصحة

اقتباس:

المشاركة الأصلية كتبت بواسطة khadidja50 الله يعطيك الصحة

حتى نتي ياتيك الف صحة وعافية

امممممممممممممممممممممممممم باينة هايلة بارك الله فيك

يعطيك الصحة اختي ماشاء الله وصفة هايلة

يعطيك الصحة
فكرة هايلة

اقتباس:

المشاركة الأصلية كتبت بواسطة mina-nina16 امممممممممممممممممممممممممم باينة هايلة بارك الله فيك

الله يبارك فيك حبيبتي

اقتباس:

المشاركة الأصلية كتبت بواسطة أم الفرسان يعطيك الصحة فكرة هايلة

شكر … واحكمي عليها بعد ما تطحنيها … راكي ماتشبعيش منها:d:d:d:d:d:d

اقتباس:

المشاركة الأصلية كتبت بواسطة بنوتة الصحراء يعطيك الصحة اختي ماشاء الله وصفة هايلة

شكرا حبيبتي …. بارك الله فيك

بارك الله فيك نقصتي علينا التعب تاع شي الفلفل

اقتباس:

المشاركة الأصلية كتبت بواسطة الحزينة بجدارة بارك الله فيك نقصتي علينا التعب تاع شي الفلفل

شفتي كيفاه … هاني قلتلك نخلو الشي والقلي لحوايج اخرى :d:d:d:d:d
صحة رمضانكم