السلام عليكم ورحمة الله وبركاته
اليوم حابة ندير الكيش اول مرة ههههههههه >>>انجاز زعمة
وماباغياش نتبهدل قدام زوجي خاصة وان الجارة ارسلت لي منو قبل ايام فحابة نتاعي يجي فوررررررررر >>>يالطيف على تخمام النساء
المهم قريت هنا وصفات بزاف تشترتك في اساسها لكن تختلف في بعض التفاصيل
انتوما من تجاربكم واش هي الوصفة للي خرجت عليهكم؟؟ ولا واش هي الاضافة للي خلات عجينة الكيش نتاعك لا يعلى عليها
والثقسسسسسم الثاني من السؤااااااااااال
البارح اول مرة قريت عن كريمة الجبن >>>ما تضحكوش اختكم 80 في الطيب بارمي جديد
بصح لحد الان ما شفت وصفة مضمونة يعني للي قريتلهم يشكو من تكوينها
اعطوني وصفة مضمونة ليها
وكيفاش >وووق ه>ي الكريمة؟؟ زعمة بنين؟؟
وهل تتناسب مع الطون تع الطماطم؟؟
في انتظار ردودكم لان بعد قليل ندخل لمطبخي العزيز هههههههههه
السلام عليكم ورحمة الله وبركاته
ان شاء الله الاخوات يفيدوك
وانا جربت كريمة الفرماج لام رامي في دروس الطبخ وعجبتني.
سلام ختيتي شوفي انا سييت العجينة تاع نينافريت وتاع فلة تجي،بنينة وخفيفة وكريمة الجبنة سييتها شحال من خطرة بصح منجحتليش انا موالفة نديرهم بشوية سوس تاع پيتزا ولحم مرحي وفرماج ونغلق يجو بنان بزاف
https://www.djelfa.info/vb/showthread.php?t=1153451 هادي تاع فلة
https://www.djelfa.info/vb/showthread.php?t=1235575 hadi ta3 ninafret
سلام ختيتي شوفي انا سييت العجينة تاع نينافريت وتاع فلة تجي،بنينة وخفيفة وكريمة الجبنة سييتها شحال من خطرة بصح منجحتليش انا موالفة نديرهم بشوية سوس تاع پيتزا ولحم مرحي وفرماج ونغلق يجو بنان بزاف
https://www.djelfa.info/vb/showthread.php?t=1153451 هادي تاع فلة
https://www.djelfa.info/vb/showthread.php?t=1235575 hadi ta3 ninafret
شكرا لردودكم
يعني مازلنا نعاني من نقص في وصفة كريمة الفرماج
والمشكلة انا عندي الطون تع الطمامطم برك والفرماج
رايو عليا كيفاش نعمر الكيش نتاعي وعععععععععععع
اختي فتاج ماعليش تحطيلنا الوصفة فضلا لا امرا الله يرضى عليييك
اختي تقدري تعمري الكيش تاعك ب…
تقلي شوي بصل تقطعيه طوليا وتزيديلو فطر مقطع ادا عندك حتى يدبالو
عجينة الكيش تكوني حضرتيها وننصحك تستعملي تاع الاخت فلة راهي هايلة
ديريها في المول تاعك ودخليها طيب وكي تخرجيها ديري فوقها فرماج مرابي
ومن بعد البصل والفطر
وفي كسرولة ضربي 3بيض وشوي حليب وشوي كرام فراش وملح وفلفل اكحل
واسكبيها فوق الكيش ودخليه يطيب
ان شاء تجربيه وتنجحي فيه
طيب اعطوني وصفة الاخت فلة في عجينة الكيش حطولي رابطها الله يرضى علييكم
صحة قولووووووولي كون ندير الطون تع الطمامطم بخلطة الحليب والبيضوالكريم الفراش تصلح زعمة
وععععععععع ردولي بلخف
أنا لا انصحك الطون و الطماطم ماشي فووور بزاف مع كريمة الجبن لانو هاد الكريمة توالم الدجاج و الأرز يعني حاجة ناشفة ولا كاش كوكا هاد رأيي حبيبتي و الطبخ اذواق
شوفي جربت مرة كيش بالعجينة المورقة حليت العجينة ثم سويتها علي حساب المول درت couche moutarde و من بعد قطعت الطماطم en rondelles fines و ملحتهم ثم الطون ثم كريم فريش ثقيلة ماشي سائلة و رشيت فلفل اسود ملح زعيترة ناشفة و قصبر مرحي دخلتها four كي طابت من تحت حمرتها من فوق*
راني معاك نعس في التطورات انا
تاني برمي جديد راني 80 ما نلحقش