السلام عليكم و رحمة الله تعالى و بركاته
اليوم عملت غريبية جزائرية خفيفة و بنينة بمناسبة نجاح وليد عمي في البيام
–كأسان سمن
–كأس و نصف sucre glasse سكر رطب
–كأس كوكاو مطحون أو القليل من الجلجلانية
–فرينة
و ادا تحبي شويا نشاء باكي برك
تحطي السمن و تخلطيه مليح حتى يطرا ملـــــــــيــــــــــــــــــ ـــــــــــــح
و مبعد كي يطرا ملــــيـــــــــــــح
زيديلو كأس و نصف سكر رطب
و كي تطلع مليح و تطرا تولي ذايبة خلاص مع السكر الرطب زيدي كأس كوكاو و لا شويا جلاجلانية باش تعطي نكهة مليحة كيما انا حطيت الكوكاو
و زيدي خلطي مليييييييييح و مبعد شيحي بالفرينة
و كاين اللي يحب يزيد النشا باش يولي اللون أبيض و كي تولي عجينة متماسكة تقدري تتحكمي فيها قنطيها و أطبعيها بالأشكال اللي تحبي
و أعدليها مليح في البلا و طيبيها
ماتخليهاش تحمار بزاف
و في النهاية شوفي كيفاه تخلص
نتمنى تكون عجبتكم و هادي راها طريقة مضمونة يعني جربوها و ماتخافوش و تجي بنينة بزااااااااااااف و خفيفة
في أمان الله
و بالصحة و الهنا
o_o:
_o:_o:_o:
شكر جزيل انا من مخبي العربية
بارك الله فيك يا اختي
تسلم الأياااااااااااااادى
|
المشاركة الأصلية كتبت بواسطة ام سوهيل
 شكر جزيل انا من مخبي العربية
|
ان شا الله تجربيها وتنجحي فيها شكرا
|
المشاركة الأصلية كتبت بواسطة nor gamal
تسلم الأياااااااااااااادى
|
مرسي بوكو اختي
|
المشاركة الأصلية كتبت بواسطة اقمار
بارك الله فيك يا اختي
|
وفيك بركة اختي
يعطيييك صحيحتك حنونة
ana nhab lghribia chokran
شكرا على الوصفة انا من محبي الغريبية و لكن ملاحظة البيام مازال باقي شهر و يومين.
بارك الله فيك
تسلمي
ربي انجحك في قرايتك
بارك الله فيك