السلام عليكم
اولا شكرا على كل المواضيع القيمة المقدمة في القسم
وارجوا المسساعدة
لدي عزيمة عشاء
انا حديثة الزواج وزوجي عزم صاحبو ومرتو باشباش يردلهم شوي من الفضل ديالهم عليه وانا حيرت واش ندريلهم هدي اول مرة يجيوني ضياف ماشي من العايلة يعني ما نعرفش واش نحط باش الكل يكون راضي
وشكرا وارجوا الرد
ربي يهنيك أختي ويفرحك ويرزقك بالذرية الصالحة فيما يخص العرضة كإقتراح مني ديري شربة أو حريرة قدميها بالبوراك او كيك مالح مع هذا ديري طاجين الزيتون أو مثوم أو شطيطحة دجاج ولا حمري دجاج مع بطاطا مقلية وصلصة حمراء الطبق الثاني يكون فالفرن رانا في موسم الشوفلور دري قراتان بيه أو أي قرتان تعرفيه السلاطة نتاع الخص ، أو بيطراف، أو سلطة منوعة ، ذرك نروحو للمشروبات عصير الجزر أو البرتقال بالنسبة للتحلية المنتدى راه معمر يالتحليات خيري وحدة منهم كلهم ناجحين وموفقة أختي
يعطيك الصحة اختي على الاقتراح عجبتني الفكرة بزاف
ربي يهنيك انشاء الله