هذه تحلية من المطبخ التونسي تقدم خاصة في سهريات شهر رمضان اليكم المقادير:
300غ بوفريوة مرحية خبرة
150غ سكر مرحي ويفضل وضعه حسب الرغبة
لتر و نصف حليب
2 مغارف نشاء
شوي ماء الزهر او الورد
للتزيين : بوفريوة مدشدشة
التحضير :
نحلو البوفريوة الغبرة في الحليب البارد ثم نصفوها في المصفات وبعد ذلك نحطوها فوق النار و نضيفوا النشاء و السكر من الاحسن ما نزودوش السكر باه ما يغطيش طعمة البوفريوة و نخلوها تغلي مع التحريك كي تبدا تعقد نضيفو ماء الزهر و نخلوها تزيد تغلي كي نشوفوها عقدت نصبوها في اكواب التقديم و نزينوها بالبوفريوة المدشدشة تقدم باردة بصحتكم
مشكورة يا رحيق من اسمك تباني حلوة كيف الحلوة تاعك
واش هده البوفريوة؟؟
واش نسميوها في الشرق؟