السلام عليكم اختي العزيزة هذه الطريقة والمقادير من مطبخي وهي ناجحة باذن الله
المقادير
3بيضات
كاس زيت
كاس سكر عادي
1 فاني
1 خمارة حلوة
بشور ليمونة
الفرينة حسب الحاجة خذي بالط ودهنيه بالزيت ثم خذي صحن كبير ضعي البيض والسكر واالفاني واضربيهم مليح بالباتورثم اضيفي الزيت وبشور الليمون ثم شيحي بالفرينة وخليها شوية جارية شكليها حرابيش طوال قد البلاط وابعدي بينها وزوقيها بالفرشيطة ودهنيها بصفار البيض ودردر عليها السكر خشن او الجيجلانية او ……….وحطيها تطيب وما تفتحيش الكوشة حتى يبدا يحمار ولما يطيب مباشرة قصيه بالموس
شكراااااااااااااااااااااااا اختي الكريمة بوركت
اضافة لما قالته اخت ام خديجة جزاها الله خيرا
للتزين أخلطي صفار البيض مع الكاكاو و اهدني الحبات من الفوق ثم شرطيهم بالفرشيطة يخرجو هايلين و بصحتك مسبقا
السلام عليكم طريقة الاخت صحيحة لكن احيانا يكون كروكي يابس اليك طريقة اخرى
500 غ زبدة صول
250 غ سكر احرش
6 بيضات خميرة قاطو 3
كيلو او اقل فرينة
نخدم الزبدة بوماد مع السكر ثم نضيف البيض والفاني ونضيف الفرينة تدريجيا عندها ننزع من العجينة قبل ما تجف شوية عجينة ونضيف لها كا كاو ونضعها جانبا ثم نكمل مع الفرينة والخميرة حتى نحصل على عجينة متماسكة
نشكلها حربوش طويل ونفتحه في الوسط ونضيف حربوش ارق وندخله في الحربوش الاول ونغلق كيما المقروط
وهكذا يكون طويل مثل خبز الخباز وث نخلط صفار بيض مع قهوة عاقدة كحلة ونخلط جيدا وبعدها نحكم شوكة ونضع خطوط طول وعرض ثم ندهن بالبيض المخلوط وندخله في الفرن حتي ينتفخ ثم نقطعه نقد نضيف له شيكولاطة ولا مربي ولا تحبي يبقى هاك معليش هذه طريقة مجربة وكروكيها اكون هشيش
انا قرأت حلويات نقدر كاش ما نفيدك بصح مش ياسرياسر السلام عليكم
هذه طريقة مضمونة للكروكي جربيها ورايحة تشكريني 6بيضات 2كيسان سكر 3 كيسان زيت 2 اكياس خميرة القاطو مبشور حبة قارس رطل نشاء فرينة للتشياح والطريقة معروفة
الله يبارك فيكم جميعا