امهات دبروا عليا ولدي راه في 15 يوم يبات يتقلب ما يرقد ما يخليني نرقد راني حاسة روحي باغية نهبل من قلة النوم
والمشكل ما فهمتش ماله نرضعه نشبعه يرقد نص ساعة من بعد يبقى يتقلب يمين ويسار ويبكي طول الليل هاك
ماراهش كونستيبي والسنين اللثة ماشي حمرة باش نقول السنين
لي قاز نمدله بيبي غاز ومام يخرج لي قاز بزاف ونديرله رياضة لي تخرج لي غاز
ما عرفتش المشكل وين راه شكيت فالدود نحوس في ليكوش نتاعه ما نلقى والو
لي ولدهل ولا بنتهاكان هاك تنصحني ولا ادا حاجة عادية فهموني
ولدي في عمره ستة اشهر
السلام عليكم
صراحتا الاطفال في هاذ العمر صعيب تعرفي اسباب انزعاجهم او بكاء نتاعهم اذا اختي معندوش السخانة و الفضلات نتاعو مهيش خضرا ان شاء الله مكان والو بلاك الفورنو قاوي في الليل والسخانة زاعجاتو واذا مزال مطهرتيهش بلاك راه مريض بيها وخاصو طهور المهم اختي اذا ولاسبب ممن هاذ الاسباب وطولت المدة ننصحك تديه لطبيب وطمني قلبك
شكرا اختي على الاهتمام ربي يفرحك
بالنسبة للطهور طهرناه في 7 ايام الحمد لله برا بلخف وبالنسبة للسخانة منقصتها في بيت الرقاد وما عندهش السخانة والله ما عرفت الحمد لله
شكرا مرة ثانية وان شاء الله نديه للطبيب باش نعرف الا كان حاجة طبيعية نصبر برك
ربي يقدرنا
اختي بالاك وذنيه شوفي اذا كان يبكي ويدور راسو يمين ويسار ولا يدير يدو في وذنو كي يبكي الله يشفيهولك
قداه في عمرو
شحال في عمرو ولدك
أختي بلاك وذنيه بص وعلاش مدتيهش لطبيب هكذاتعرفي السبب ربي يشفيلك وليدك
ولدي عندو 6 اشهر
هو فالنهار ما عنده والو اصلا كي يكون يتقلب ويبكي غير نوضه ينوض يضحك ويلعب
وكي نخربله في ودنيه ما ينضرش
شكرا ليكم
وعلى الطبيب راني نسكن في منطقة مافيهاش طبيب اطفال كاين غير عام
لقيت عندو اثار سنين باينين فاللحم مازال ما بخرجوش بصح اللثة ماشي حمرة ولا منفوخة زعمة منهم
وشكرا مرة اخرى على الاهتمام ربي يفرحكم بولادكم ان شاء الله
ربي يفرج عليك و يشفي وليدك
سبحان الله تقول راكي تحكي على وليدي إلا انو في عمرو عام و مازال هاك .. كل مرة نبحث على الاسباب حتى استسلمت خلاص و تقبلتو كيما هاك نومو خفيف و ازعاجوبسيط يخليه يتقلب كيما الغازات و التسنين
ما لك إلا الصبر و ربي يعينك و يعينا على حسن تربيتهم.
انا نقولك ممكن ما يشبعش كي ترضعيه
|
المشاركة الأصلية كتبت بواسطة ibtihal18
 اختي حطيلو القران و خليه باش يرتاح و يهدا …………..اختي وليدها كيما تاعك ما يرقد ما يخليهم يرقدو لمدة عام تقريبا كي رقاتلو تهنات ولا يرقد عادي و هوما ارتاحو
ربي يفرج عليك و يشفي وليدك |
شكرا اختي الرقية نرقيله انا وحدي رفدتها من المنتدى ….قلت لراجلي دي الما لكانش امام يرقيله فيه ونشوف
وندير فالدار سورة البقرة
ربي يفرج عليك تاني ويفرحك
|
المشاركة الأصلية كتبت بواسطة amani38
سبحان الله تقول راكي تحكي على وليدي إلا انو في عمرو عام و مازال هاك .. كل مرة نبحث على الاسباب حتى استسلمت خلاص و تقبلتو كيما هاك نومو خفيف و ازعاجوبسيط يخليه يتقلب كيما الغازات و التسنين
ما لك إلا الصبر و ربي يعينك و يعينا على حسن تربيتهم. |
ههههههه ربي يقدرنا انا كي نغلب نقول ياربي افرغ عليا صبرا وعوضني بالخير
انا ولدي كان يرقد مليح بصح مين دار 3 اشهر رقاده عواج ومين دار 6 زاد اعواج كتر هههه
كل 3 اشهر يبدل العقلية
ان شاء الله يقدرنا ربي ويصبرنا عليهم
|
المشاركة الأصلية كتبت بواسطة kikimnarim2
انا نقولك ممكن ما يشبعش كي ترضعيه
|
واش راكي دايرة فيها مع بنتك حنونة قولينا نستفادو منك
يا ختي انا راني نرضع صدري وما بغاش يشد لي البيبرون بصح راه ياكل فالنهار مليح