سلام الله عليكن اما بعد
انا ام لاول مرة و ابني يبلغ شهرين ومع ذلك فاني اكتشفت اكلات تدر الحليب و تخرج الغازات للرضيع
( حوحو يشكر في روحو) ههههههه
اولا الاكثار من شرب السوائل : الماء و الحليب فقط انا لا اشرب العصائر تسبب مغص لابني
ثانيا البطاطا المقلية
ثالثا الطعام او النعمة او البربوشة او الكسكسي كل وحدة و كيفاش تسميه
رابعا العدس
خامسا الدويدة بالحليب
سادسا البسباس
بالنسبة للدواء انا شربت supplemaman allaitement مليح بزاااااااااااااف
نتمنى نكون افدتكن و لو بالقليل
وكل وحدة تقولنا واش من ماكلة فادتها هي و الرضيع تاعها
دعوة خير تكفيني
سلاااااااااام
شكرا اختي ربي يحفظلك ولادك
مشكوووووورة ، الله يحفظك و يتربى ولدكم في عزكم ، أيضا الكسرة أو المدلوك أو الفطيرة أو الرخساس كل واحد كيف يسميها تدر الحليب بطريقة عجيبة خاصة مع العدس ، و هذا بحكم التجربة لأني نشفت من الحليب بسبب ( الخلعة ) ، لكن بمداومتي على الكسرة و العدس عاد لي الحليب و الحمد لله و أرضعت ابنتي عاما كاملا
mercilikom wana nzidelkom albadenjal wa kromb wa dchich elgamh
حنونة الكرمب غير بعدي عليه يدير لي غاز للبيبي والله يدير فيه حالة
الماكلة اللي هدرت انا عليها تساعدو بش يخرجولو الغازات بسهول
بارك الله فيك الدجاج كذلك مدر للحليب خاصة الصدر حفظ الله ابنك من كل سوء
العدس يدير الغازات للرضيع من الاحسن تبعدي عليه،ونزيدلك حاجة حلوة الترك والتمر اليابس(الاصفر) والبيض المغلي والكسرة،والعجائن بالحليب ،ربي يحفظلك طفلك
انا شخصيا جربت اشياء كثيرة لم اجدها مثل صدر الدجاج او السردين نتائج فورية فقد كان يكفي التوامتين ابنتي هالة وريحانة فالحمد لله على نعمائه هما الان 6 سنوات
|
المشاركة الأصلية كتبت بواسطة أم تيم الله
 شكرا اختي ربي يحفظلك ولادك
|
الله يسلمك و يحفضلك عايلتك
|
المشاركة الأصلية كتبت بواسطة جازية كرم
مشكوووووورة ، الله يحفظك و يتربى ولدكم في عزكم ، أيضا الكسرة أو المدلوك أو الفطيرة أو الرخساس كل واحد كيف يسميها تدر الحليب بطريقة عجيبة خاصة مع العدس ، و هذا بحكم التجربة لأني نشفت من الحليب بسبب ( الخلعة ) ، لكن بمداومتي على الكسرة و العدس عاد لي الحليب و الحمد لله و أرضعت ابنتي عاما كاملا
|
الله يسلمك و يحفضلك ابنتك و عايلتك
صحيح الكسرة تاني و الله نسيتها
يسلمو حنونة
|
المشاركة الأصلية كتبت بواسطة ام اسيد1
بارك الله فيك الدجاج كذلك مدر للحليب خاصة الصدر حفظ الله ابنك من كل سوء
|
الله يحفضك و يحفظلك عايلتك من مكروه
كيما ناكل صدر الدجاج نشوف والله ما تولهت عموما مشكورة اختي
|
المشاركة الأصلية كتبت بواسطة blueflames
العدس يدير الغازات للرضيع من الاحسن تبعدي عليه،ونزيدلك حاجة حلوة الترك والتمر اليابس(الاصفر) والبيض المغلي والكسرة،والعجائن بالحليب ،ربي يحفظلك طفلك
|
و يحفظلك عايلتك ان شاء الله
والله يا اختي انا شخصيا العدس ساعدني انا و وليدي و الله ا علم…..
صحيح حلوة الترك و التمر و الكسرة، لكن البيض انا ما ساعدوش وليدي اني نتجنب فيهم
على العموم يسلمو
|
المشاركة الأصلية كتبت بواسطة ام سرور
انا شخصيا جربت اشياء كثيرة لم اجدها مثل صدر الدجاج او السردين نتائج فورية فقد كان يكفي التوامتين ابنتي هالة وريحانة فالحمد لله على نعمائه هما الان 6 سنوات
|
الله يحفظلك بناتك و تشوفيهم عرايس ا ن شاء الله
يسلمو ع المرور
جزاك الله خيرا
|
المشاركة الأصلية كتبت بواسطة ام ندى 87
جزاك الله خيرا
|
الله يسلمك و يحفظلك ندى و عايلتك