من لديها خبرة فى فطام الطفل ارجو المساعدة 2024.

بسم الله الرحمن الرحيم
لدى ابن عمره عام ونصف ورانى حابة نحبسلو الرضاعة لضروف صحية بصح ماقدرتش لانو متعلق بيا بزاف
ولازم يرقد وهو يرضع خاصة فى اليل رانى حايرة كيفاش ندير
حبيت تساعدونى وتعطونى نصائح والى عندها خبرة او معلومات تفيدنى بيها من فضلكم

استعملي الحناء

استعملي الحناء يوم ثم الملح
يعني يوم بيوم

السلام عليكم
انا طرت القطران

اولا اختي عليك بالتدرج في الفطام اي لاترضعيه في النهار فقط مديهاله في الليل واشغليه باي شيئ ثم بعد ذالكاعطي له حليب في الرضاعة كي يبغي يرقدولما يبك حاولي تهدهديه وتنشدي له وفي النهار ادهني ثديك بالدوا الاحمر اوقطران او شيء ينفر وربي يعينك

اقتباس:

المشاركة الأصلية كتبت بواسطة afnane28 اولا اختي عليك بالتدرج في الفطام اي لاترضعيه في النهار فقط مديهاله في الليل واشغليه باي شيئ ثم بعد ذالكاعطي له حليب في الرضاعة كي يبغي يرقدولما يبك حاولي تهدهديه وتنشدي له وفي النهار ادهني ثديك بالدوا الاحمر اوقطران او شيء ينفر وربي يعينك

شكرا اختى على الاهتمام رانى ندير كيما قلتى
فى نهارمانعطيلوش
نرضعو فى الليل برك بصح كى درتلو الحليب فى البيبرو ما حبش يشربو كلما نعطيلو يرميها

اقتباس:

المشاركة الأصلية كتبت بواسطة nada ma vie السلام عليكم انا طرت القطران

شكرا حبيبتى نجرب هذا الطريقة

عليك بالحناء

ولدك راه كي كانت بنتي ترضع غير في الليل
انا صبرت معاها اسبوع ودرت مر وصبر في صدري ذاقت بلسانها من تم حبست بصح بقات تبكي مدة اسبوع باش نساتها ربي يصبرك

ديري اي حاجه في صدرك باش ينفره
وفي اللي اعطيه السيرو تاع الرقاد باش ما يهبلكش حتى يتعود
وبعد 3ايام اعطيه يرضع وهو في سابع نومة باش تريحي من الانتفاخ و هو يقنع بالصح لازم يكون راقد وما تشعليش الضو
نتمنى نكون افدتك

اقتباس:

المشاركة الأصلية كتبت بواسطة الأمنيات ولدك راه كي كانت بنتي ترضع غير في الليل انا صبرت معاها اسبوع ودرت مر وصبر في صدري ذاقت بلسانها من تم حبست بصح بقات تبكي مدة اسبوع باش نساتها ربي يصبرك

شكرا الامنيات رانى مازلت نحاول فى قدر نحيهالو بصح فى الليل ماقدرتلوش لازم ينوض ويكون جعان ويحوس يرضع راه هبلنى فى الليل

اقتباس:

المشاركة الأصلية كتبت بواسطة oum radja ديري اي حاجه في صدرك باش ينفره وفي اللي اعطيه السيرو تاع الرقاد باش ما يهبلكش حتى يتعود وبعد 3ايام اعطيه يرضع وهو في سابع نومة باش تريحي من الانتفاخ و هو يقنع بالصح لازم يكون راقد وما تشعليش الضو نتمنى نكون افدتك

شكرا لكى حبيبتى رانى نتبع فى نصائحكم وانشاء الله نلقا حل

والله يا اختي راني حاسة بيك لاني كان عندي نفس الحكاية بصح انا ولدي عندو عامين وماقدرتش نفطمو جربت حوايج بزاف وماحبش يحبس حتى قالتلي سلفتي حطي في صدرك زنجبيل مطحون يكون حار شوية وجربتو وما دارلو والو يعني ما حسش بيه خلاص وفي الاخير قلت والله غير نحطلو لهريسة في صدري ولا ما تفطمش نخليه يرضع حتى يحبس وحدو نهار حطيتهالو كي حب يرضع شافها حمرا قاد يخزر في قلتلو اعععع حارة وعاودتهالو زوج مرات كرهها ولا وحدو يقولي اعععع حارة نتمنى تجربتي تفيدك وربي يعينك ويقدرك ويشفيك امين

هههههههه غادوني مساكن و الله حرام علينا بصح الله غالب ربي يعينك عليه اختي

أختي
هذه فطرة فطر الله عليها الأولاد الصغار التعلق بأمهاتهم
و يزداد التعلق من خلال أمور عدة لعل أهمها الرضاعة الطبيعيه
من أفضل ما قمت به أختي إرضاع صغيرك لما في ذلك من عوامل نفسيه و جسدية مقويه له
سوف تلاحظينها إن شاء الله الآن و مستقبلا

ثم أسفت جدا للأخت التي وضعت نصيحة بمنح الطفل دواء النوم
يا أختي هذه مخلوقات صغيرة و ضعيفة
تعلقها بك عن طريق الرضاعة ليس مرضا نفسيييا تعالجينه
إنما هو غريزة فطريه تحاولين تهذيبعا في طفلك
إستعدادا لتعامله مع العالم الاخارجي(بمعنى أنه ليس كل ما يرغب بع يحصل غليه)
أعضاؤه جد ضعيفه و ليس كل دواء يصلح له
لذا بارك الله فيكن هذا أمر يتطلب وقتا فقط
و لا داعي لإستعمال أدويه أعراضها الجانبية أسؤء من من منافعها

اقتباس:

المشاركة الأصلية كتبت بواسطة عطر الياسمين الاصلي والله يا اختي راني حاسة بيك لاني كان عندي نفس الحكاية بصح انا ولدي عندو عامين وماقدرتش نفطمو جربت حوايج بزاف وماحبش يحبس حتى قالتلي سلفتي حطي في صدرك زنجبيل مطحون يكون حار شوية وجربتو وما دارلو والو يعني ما حسش بيه خلاص وفي الاخير قلت والله غير نحطلو لهريسة في صدري ولا ما تفطمش نخليه يرضع حتى يحبس وحدو نهار حطيتهالو كي حب يرضع شافها حمرا قاد يخزر في قلتلو اعععع حارة وعاودتهالو زوج مرات كرهها ولا وحدو يقولي اعععع حارة نتمنى تجربتي تفيدك وربي يعينك ويقدرك ويشفيك امين

شكرا اختى والله مازال مالفيت الحل انشاء الله نجرب طريقتك وربى يجيب الخير

اقتباس:

المشاركة الأصلية كتبت بواسطة monamimi هههههههه غادوني مساكن و الله حرام علينا بصح الله غالب ربي يعينك عليه اختي

والله راه غايضنى وقطع قلبى بصح المشكلة رانى حاسة انى ضالماتو