السلام عليكم ورحمة الله تعالى وبركاته
رمضان مبارك تقبل الله منا ومنكم الصيام والقيام
اخواتي الكريمات اليوم حبيت نقدملكم الميني بيتزا لي متعودة نحضرها في رمضان المبارك وكنت قدمتها في موضوعي السابق بدون مقادير وكانت طلبت مني عضوة المقادير وهاانا اوفي بوعدي وانا في الحقيقة نخدم العجينة بدون ما نكيل وفي الامس كيلت الفرينة والزيت وهاده النتيجة
اولا نقدملكم وصفة الصوص وهي نقطع الطماطم قطع صغار ونضيف بصلة صغيرة وحبة فلفل لحلو او نصف حبة نضيف الملح والزيت ونضيف الماء حتى نغطي الطماطم ونخليها طيب 10 د ثم نرحيها بالخلاط الكهربائي
من جهة اخرى نحضر العجينة ومثل ماراه مبين فالصورة
والمقادير هي 3كيلات فرينة + ربع كيلة زيت + ملعقة كبيرة خميرة فورية + ملعقة صغيرة ملح + ملعقة كبيرة سكر + كيلة غير مملوءة ماء دافي
نخلط كل المكونات الا الماء حتى نبسس مليح الفرينة ويدخل فيهﻻ الزيت مليح من بعد نضيف الماء ونطم العجينة ونخليها ترتاح بعد ما تخمر نكسر العجينة ونخليها للمرة 2تخمر
بعد ما تخمر نبدا نخل العجينة ونشكلها حسب الرغبة وندهنها بالصوص ونزينها بزيتون ومعدنوس وندخلها للفرن بعد ما نخرجها نضيفلها جبن مبشور
تحياتي للجميع
صخ فطوركم
يعطيك اصحا ام حمزة جاتك هايلا وبسيطا وخفيفا معا صيام
يعطيك الصحة ام حمزة والله شفتك كي حطتيها في الموضوع وعجبتني
بارك الله فيك مواضيعك رائئئئعة وفي متناول الجميع ربي يحفظك
|
المشاركة الأصلية كتبت بواسطة أم الحبايب 26
 يعطيك اصحا ام حمزة جاتك هايلا وبسيطا وخفيفا معا صيام
|
الله يسلمك حبيبة صح حبيبتي خفيفة مع الصيام وولادي يجوزو ييها يكلوها بدل البوراك
شكرا لمرورك حييبتي
|
المشاركة الأصلية كتبت بواسطة **ام هدول**
يعطيك الصحة ام حمزة والله شفتك كي حطتيها في الموضوع وعجبتني
بارك الله فيك مواضيعك رائئئئعة وفي متناول الجميع ربي يحفظك |
الله يسلمك حبيبتي واش راكي ربي يحفضك انت تان مشكورة على المرور الطيب
روعة يعطيك الصحة بسيطة وجميلة
بارك الله فيك حبيبتي
يعطيك الصحة أم حمزة الغالية على قلوبنا
كل طبق من عندك يعجبني
ربي يحفظك ويعطيك ما تتمناي
ويخليلك الكتاكييت يااااااااارب
جات في وقتها بنتي حابة تجرب ميني بيتزا وماكانش كيما انت احسن معلمة ربي يصلح ولادك حبيبتي
رائعة الله يعطيك الصحة وصح رمضانك
سلمت يداك……….
الله يعطيك الف عافية تاكلوهم بصحة و الهنا مرسي
وااااااااااااااااااو تهبل
هادي المرة الجآية نسييها
جاو هايلين
كي نحل العجين ونشكلها منخليهاش ترتاح شويه ?????
يعطيك الصحة
خرجوولك هايلين
بصحتكم
بارك الله فيك