اخواني الكرام صح عيدكم و كل عام و انتم بخير
انا شاب 22 سنة موظف و الحمدلله
منذ اسبوع خرجت من العمل غاضبا بسبب مشاكلي مع رب عملي…و ركبت الحافلة كان بجانبي شاب يبان يكون في مثل سني و بينما الحافلة تمشي عفس على رجلي..قلت له "بالعقل عليك..راك حاسب روحك في سوق الفلاح"؟..قال لي " اسمحلي ماشي بلعاني..مي تبان راك مقلق؟" قلت له و انت "واش راحلك و سبيتو"..قال لي "ربي يهديك" و هنا احسست انه استفزني و ضربته بصفعة و لكن المسكين لم يردها و لم يبدي اي مقاومة..ثم ذهب كل واحد في طريقه و عندما وصلت الى المنزل و tcalmit تفكرت واش درت و عرفت بلي السيد حقرتو مسكين و غاضني بزاف…خرجت نحوس عليه باش نقولو سامحني يا اخي مي الله غالب ما لقيتوش…و الله العظيم راني نكتب و الدمعة محجرة في عيني من الندم لأني السيد حقرتو مسكين و غاضني بزاف..و الله يا خاوتي ماني نرقد فالليل و مانيش ناكل و صماطلي كلش لان الندم ذبحني…
واش هو الحل يا خاوتي باش نخرج من هاذي الحالة لي راني فيها؟؟؟
يا أخي و الله لا أعلم أطلب الغفران من الله عز وجل و إذا لقيت هذا الشخص أطلب السماح منو هو غضتو حب يشوف إذا بيك حاجة برك و بعد على الإنفعال ماعندوا وين يوصلك ماكان لاه ترد الغضب تاعك على الأخرين تعلم كيفية التحكم في أعصابك و أستغفر الله كلما انزعجت من شيئ و إن شاء الله تلقى نصيحة عند الإخوة
اولا اطلب المغفرة من الله ثانيا حاول ان تتعلم كيف تتحكم في اعصابك و ثالثا اقدر لك محاولة اصلاح مافعلت وندمك على فعلتك و غفر الله لك
السلام عليكم
لقد أربحت أخاك أجرا عظيما وهو صبره لظلمك له .
وأظنك مع تأنيب الضمير هذا سوف لن تقع في نفس الورطة,أتمنى لك ذلك .
لا أعرف أخي مذا أقول لك أنت في مشكل أَدعو الله أن يغفر لك وأتمنى أن تلتقي به مرة ثانية
فان رجل مثله صبر على الذي فعلت أكيد هو انسان طيب وسوف يسامحك .
تقرب الى الله بتصدقك على الايتام ودعوه عز وجل ان يلاقيك بصاحبك ….من يدري ربما اصبح صديقاحميما .
و انت تحكي القصة تصورت الطرف الآخر مريضا او اجرى عملية …فلا يعقل ان يقبل رجلا الاهانة الا اذا كان ضعيفا او مريضا
قد لا تجده مطلقا و لكنك حصدت تجربة مفيدة لك مدى الحياة
اما الشعور بالندم فيزول مع مرور الوقت
عاود ولي لنفس الحافلة في نفس الوقت ممكن تتلق بيه
الله يهديك،
لما تلقاه مرة أخرى اعتذر منه،
و من هنا فصاعدا حاول تتحكم في أعصابك،،،،،،،،،،،،
فالله يعلم من هو و سيصله اجرها باذنه تعالى
و استغفر لك و له
ذكرتني بالحديث
ونعم الراي اخ ابو اسراء
وقعت في امتحان صعب من تريد أن يسامحك لا تجده هكذا يا مسكين وكلنا مساكين ندعي القوة والسلطة على الضعفاء منا ثم نريد التوبة فالله يغفر الذنوب ما بينك وبينه لكن مع البشر هيهات أقول لك ابحث عنه وابذل قصار جهدك عليك إيجاده لتتعلم أن لا تأذي مخلوقات الله استغفر الله تصدق وساعد الضعفاء بدل ما تضربهم والله الموفق
الصراحة هذا الإنسان الذي ظلمته له قلب و اعصاب الله إبارك عليه ……………
بالمقابل أنت العكس ……
ذكرتني بموقف مشابه لصديقتي في الجامعة …حدث صدام مع طالب ……قاتلو كلمة كبييييييييييييييييييرة و الله هو ما رد عليها مسكين
انا حشمت لما قالتها ليه ….و بعد ….كلمته و إعتذرت منه ………….لكن سبحان الله الإنسان لما يقول أو يقوم بتصرف في إهانة من الصعب تخطيها ………..
عموما اخي ….انت إستغفر الله عز وجل …….و ثم أطلب الله عز وجل أن تلقاه ….حتى تعتذر منه
وفقك الله أخي
السلام عليكم اخي
والله تخيلتها فقط غاضني السيد مسكين قمة فالاخلاق ما تكلم ما قالك والو ما دافع على نفسو والله واش نقولك اخي إنت الزعاف عماك وحقرت اللي متربي والله لو طحت مع اللي عاصي والديه كان المشكل بينك وبينو كبر ووصل لدرجة كبيرة لكن السيد باين روعة وعاقل واكيد راح يسامحك أطلب السماح من ربي وعاود إركب منين موالف تركب ديما ممكن تلقاه ويسامحك وماكان والو اطلب السماح من ربي وإنو يلاقيك بيه وتعلم كيفاه تضبط أعصابك اخي وممكن الندم اللي راك فيه هذا درس ليك ومليح كي راك نادم دليل على اخلاقك فقط الزعاف عماك موفق
ربي يهدي وغقط
اكتب ورقة تحكي فيها ماحدث وقم بتعليقها في الحافلة التي قمت بركوبها طبعا لا تنسى الاعتذار في الورقة من السيد الذي قمت بضربه في لحظة غضبك