السلام عليكم ,,,,هذي وصفة لعجينة الشو دايما نديرها و تنجحلي و ان شاء الله تجربوها و تعجبكم 
و اعتذر لاني ما صورتش المراحل لكن من خلال الطريقة راح تفهموهم
250G فرينة
7الى 8 بيضات
قرصة سكر مسحوق
قرصة ملح
200Gزيدة مقطعة الى مكعبات
نصف لتر ماء
كيقية التحضير
في وعاء تغربلي الفرينة و تخليها على حدى و مبعد في قدر (طاوة )و على نار هادئة تحطي قدر تحطي فيه الماء مع الزيدة و السكر و الملح ,تسناي تذوب الزبدةمليح ….ومبعد تنحي من فوق النار و تضيف الفرينة المغربلة ضرية وحدة
و مبعد تخلطي مليح بمغرفة نتاع خشب و ترجعيها فوق النار الهادئة شوي (للحظات فقط ) .و تكملي تخلطي شوي (تخلطي بسرعة ) و لازم الملعقة تلمس كل الجوانب نتا القدر و تتولهي ما تخليهاش تلصق من التحت خلاص خلاص خلاص
امبعد ديري البيض وحدة وحدة مع الخلط تدريجيا و ما تخافيش لانو شكلها في اللول يخوف ,,,,حتى تتحصلي على عجينة ساطعة ,,,مبعد تديرها في لابوش و تشكلي كيما تحبي ,في بلاطو تكوني رشيتيه بالفرينة ( انا دايما نستعمل البابي سيلبيريزي لانو عملي واحسن ) ,,وو تخليها تطيب مليح حتى تولي لونها بني من فوق ( كي تطيب شكلها يجي يهبل ) تخليها تبرد شوية
و انا مبعد حليته ا و درتلها Créme patissiére ذوق فانيلا شريتها و من فوق درتلها شيكولا و بالصحة والهنا 
شكرا لك على الوصفة
الله يسلمك اختي ام اياد
يعطيك الصحة هايلة
شكراااااااااا جزيلا
شكرا لك رائع
يعطيك الصحة هايلة
بارك الله فيك
يعطيك الصحة و بارك الله فيك