شوفوا يا نساءبعد السلام
جابلي راجلي لي كروفات عمري ولا طيبتهم يعني مامبا كيفاش يتخدموا ما علاباليش
ساعدوني بسرعة
علابالي ختي باللي بلهدرة ممكن ماتقدريش تفهمي طريقة تنقية تاعو
بالصح تبعي بشوية ههه
شوفي احنا أولا نغليوه شوية فلما
مبعدا كي نحيوه
اولا نحيلو الراس … يعني اجبديه بشوية قوة شغل تكسريه (أو ساهل باه يتنحا)
تانيا روحي من الوسط وين كاينين هاذوك الرجلييين هه
ونحيهم وفي نفس الوقت افتحيه بعد يعني القشرة اي تولي شغل قوقعة برك
تتكسر بسهولة
ونقيه وخلاص
أما عن طرية الطهي درك نشوفلك
احنا نديروه فلبوراك بزاف يجي بنين يهبل
تقدري اديريه سلاطة هايل دارته بنتي اعجبنا جميعا
السلام عليكم و رحمة الله تعالى و بركاته أسمحيلي أختي دخلت متأخرة لكن عندي وصفتين نطيبوهم بزاف
الوصفة الأولى جمبري قريي شوفي نقيه بلا ماتغليه لاخاطر تغليه تروح النكهة تاعو إنزعي الرأس و الرجلين كيما قالت الأخت بصح و هو أخضر و غسليه زوج مرات أو ثلاثة و حطيه في مقلاة ديريلو شوية زيت و راس ثوم و ملح و فلفل أسود و كمون و غطيه و خليه يطيب و ماتنسايش تحركيه و لما تحسي دخلو الطياب أفرغي كاس من الماء و خليه يكمل يطيب و هو راهو يطلق الماء تاعو شوية أمبعد لما يطيب نحي لاصوص و هو زيديلو شوية زيت باه يتقلى فيه و قطعيلو المعدنون و هاديك لاصوص لي نحيتيها ديريها في الأرز بعدما تكوني غليتيه و يجي بزاف بنين صدقيني و راهو مافيهش الروح يطيب بالخف و قدميه مع الأرز
أما بالنسبة للطريقة الثانية يجي صوص حمرا و هي لما تنقيه و تغسليه حطيه في طنجرة و ديريلو بصل مفروم شوية برك و الثوم كتري منو لاخاطر يجب الثوم و طماطم و زعيترة و الرند و الملح و الفلفل أسود و الكمون و راس الحانوت و فلفل أحمر و الزيت و خليه يتقلى فيهم أمبعد مرقيه و يا حبذا لوكان يكون عندك فلفل أحمر حار ويلا ماعندكش ديري مغرفة هريسة راهي تجي بنينة و لما تتقلى مرقيها و خليها تغلي شوية و طفي لاخاطر طيب بالخف و تجي بنينة تاني
أكتبي الطريقتين هكا باش الخطرة الجاية لما يجيبها تعرفي تطبخيها و راح يولي ديما يجيبها و عندي طريقة ثالثة لطبخها في البوراك و هي تنقيها و تغسليها طبعا و إلى الطنجرة ديري البصل و الثوم و الزيت و الملح و الفلفل الأسود قليها شوية و مرقيها و لما طيب خليها تبرد و هي نحيها من المرق و نحيلها لقشور لي فيها لاخاطر لما تنقيها راكي تنحيلها غير الرأس و الرجلين خلي الكركاسة و لاصوص تاعك أخدميها بيشامال ديريلها الفرينة عقديها أو المايزينة و الجبن فقط ثم ارمي الجمبري لي تكوني نحيتيلو الكركاسة تاعو بعد ما طاب و برد و ديريه بوراك راهو يجي بنين هايل و شهية طيبة حنا في البيت هذه هي طرقنا في طبخ الجمبري أتمنى أن أكون قد أفدتك سلام