وصفات لبنات الجامعة 2024.

السلام عليكم
اخواتاتي من فضلكم اعطونا وصفات لبنات الجامعة اللي دايرين الاقامة واكيد ماتكونش نتاع الفرن باسكو تعرفو ماكانش فرن هههه وتكون سهلة هاكا خير من الماكلة نتاع المطعم

والله غير تديرو فينا خير كبير …

اختي غزة وين تقراي؟
+
أنا مرات نطيب روز ونديرلو تون و بيض وفروماج ومرات حتى نديرلو المنيوم ونديه معايا للفاك بويسك ننخرجو على 12 ونبداو على ال1
مام تقدري تسكرفجي بطاطا وديريلها بيض وفروماج وزيتون وديريها ف مقلة علة نار هااااااااااادية باه تطيب مليح

مرات ندير اندومي ..وضرك راني نفكر نشري les soupes من السوبيرات ساهلين تغليلهم الما وتديريهم ……..

وصحا وهنا…
ا

السلام عليكم
و الله حطيتي يدك على الجرح راني ماناكلش في الريسطو و عندي مدة نطيب في لاشومبر تاعي و ضرك نقولك على الاكلات لي موالفة نديرهم :

1- هذي نسميوها شاورما تاع الاقامة سهلة و لذيذة شوفي النهار لي يديرولكم فيه دجاج قطعي الفلفل و الطماطم مربعات صغيرة و قليهم كل واحد وحدو و روحي جيبي الدجاج من الريسطو و فتتيه و اقليه ثم خلطيه مع الفلفل و الطماطم و خليهم يطيبو شوي مع بعضاهم و ديري الفلفل الاسود و الملح و حطي في الخبز و كولي طعمهم مثل الشاورما تاع برا

2- المقرونة و هي اللي تفكني ليلة الكونترول نديرها غليها في الماء المملح لكن ماتخليها تتعجن ثم حطي المقلة و ديري فيها شوية زبدة و قلي المقرونة بعدما تصفيها من الماء و هيا سخونة و تحطيلها و هي فوق النار الفرماج 3 ولا4 حبات يكفيوك و شهية طيبة

3- موالفة كيما نتحرق في نهاية الاسبوع نشري الكاشير و نحمرو في المقلة و نزيد عليه البيض و الفرماج يجي طعمو كيما المرقاز

4-ولا تقدري اذا عندك الوقت تقطعي البطاطا مكعبات و تخلطي معاها الفرماج مكعبات و الكاشير و ضربي البيض و صبيه فوقها و غطيها و خليها طيب كيما الخبزة تجي تهبل و ماتنسايش ديريلها التوابل لازم مقلى نتاعك تكون ماتلصقش

5- و احيانا نطيب الملوخية كيما نقعد نديرلها فلفل حار تجي خير من تاع ماما

6- و كاينة وحدة صحبتي تغلي الارز في الماء و تداوية و تخلط معاه التون ولا كيما تحبي و ديرو كريات و تحطو في البيض ثم الفرينة و تقليه قالتلي يجي روعة

7- و تبقى اشهر و اسهل حاجة هي الاندوميييييي لكنها غير صحية ربي يستر برك

نتمنى اي وحدة تعرف وصفات تفيدنا و هكذا نفيدو بعضانا و نستفيدو و ربي يجعلها في ميزان حسناتنا

مرسي اخواتاتي
اختي نور مش انا اللي نقرى بنت خالتي تقرى في تلمسان

سلامم
اختي yuuke-chan من وين تجيبي الوقت تطيبي هذا الطياب؟ عجبتيني الله يبارك

ف انتظار الاخوات

ربي يعاونكم يالبنات

اممم ايا الشاطرات عاونونا

هههههه فكرتيني في يامات الاقامة
انا وصاحبتي كنا نديومعانا طعام من الدار نطيبوه وناكلوه باللبن
نجيبو الجاج من الريسطو نعاودو نقليوه بالتوابل والخبز
بطاطا نغليوهافي الماء ونديروها سلاطة
مقرون طايبة في الماء بلحليب والفروماج
مقرونة بالتون
فريت اوملات
نعجنو كسرة قيس يومين نطيبوها في مقلات ونسقاهواو بيها
طماطم نرابيوها نطيبوها ونزيدولها البيض
ارز وخضرة مفورة على شكل سلاطة
كيكونو عدنا شوية دراهم نجيبو اسكالوب نديروه فارسي بالحليب
كيمايكونش عندنا الوقت نجيبو ماكلة الريسطو نعاودولها نزيدولها التوابل وزيت الزيتون للبنة
والصح قاع كي تتفاهمي مع صحاباتك في الغرفة تتعاونو في المصروف وفي الطياب

وكي يكون عندنا الوقت نطيبو مسفوف طعام بالجاج عدس شخشوخة البساكرة شربة نديرو بوراك
ان شاء الله قدرت نعاونك وسيي تعاوني روحك بحوايج تديهم من الدار كيما التوابل وطيبي الحلويات الجافة راهي تطول ما تخسرش اي حاجة راني في الخدمة لاني مريت بالتجرة

hhhhhhhhhhhh hbiba hatiti yedek 3la ljorh rana ana w sahbati ntaybou ktar meli ne9rou
okhti yuuke-chan habaltini bwasafatek chatra machaa lah hna ndirou khatratch marga nkhalouha tib fi khaterha
w sa3at nfawrou choufleur w ndirouh khbizat m3a lbayd
nghalou lbatata felma w ndiroha slata wla n3awdou ne9louha

ربي يجازيكم اخواتاتاي تبارك الله عليكم شاطرات :*

رانا كامل كيف كيف يا لبنات انا نطيب كتر ما نقرى مثلا
كي يكون وقت الفلفل نقليه مع البصل و الطماطم و التوابل و نجيب الدجاج من المطعم و نخلط كلش وخطرات ندير الفرماج يجي يهبل
و نطيب المقرونة بالصوص تومات
و سلطة الارز نفور الجزر و البطاطا مكعبات صغار و نغلي الارز اومبعد نخلط كلش بالصوص و نضيف الفرماج
و اللحم المرحي نعود نقليه و نضيف له القرفة و الفلفل الاسود و الجبن يجي هايل
و خطرات ندير لابيري نتاع البطاطا جي بنينة تاني
و مازال نزيد نخترع ان شاء الله ههههههههههههه
ربي يوفقكم

تحذير اخواااااااااااااااااااااتي

الوصفة لنديرها في الاقامة ويحبوها صحباتي هي الماسدوان نغلي الروز وحدوا وبعد نزيد نقص البطاطا والسنارية مربعات صغار ونغليهوم ونقص تاني البصل والطماطم مربعات صغار وتاني البيض مغلين نقطعهوم مربعات صغار مع الفرماج وفي الاخير نخلطهوم ونحطلهوم الخل والزيت والثوم والفلفل والملح الاسود….ديرت الخلطة هدي في الدار وديتها ماعي…. وفي الاخير نحط فوقهوم الطو وبالصحة والعافية _نوصيكوم الروز متعجنوهش وكيطيب صفيوه وغسلوه بالماء مليح_

حنl نديرو كسكس بزlف سهل وسلق ونخبزو لفطير ويوم لجlج فريسطو دوبلي ملقيشي 2 وقللللللللللللللللليه وبطlطl مقلية ومفورة وقولي لممlك تعجلك 2 خبز ديهم وسرقي مدlر لخضرة ولحليب ولقهوووووووووووووة ومي كن l نشومرو لمشير وفصيف سلlطة ورمي عرف شبlح لميدة مقرون سبقيتي شربة بلحليب وتليتلي لبن وزيتون لكشير لمهم تنجمي تشوفي بlب لسlل منين

اقتباس:

المشاركة الأصلية كتبت بواسطة NOUR IMAYA والله غير تديرو فينا خير كبير … اختي غزة وين تقراي؟ + أنا مرات نطيب روز ونديرلو تون و بيض وفروماج ومرات حتى نديرلو المنيوم ونديه معايا للفاك بويسك ننخرجو على 12 ونبداو على ال1 مام تقدري تسكرفجي بطاطا وديريلها بيض وفروماج وزيتون وديريها ف مقلة علة نار هااااااااااادية باه تطيب مليح مرات ندير اندومي ..وضرك راني نفكر نشري les soupes من السوبيرات ساهلين تغليلهم الما وتديريهم …….. وصحا وهنا… ا

السلآلآم علييـــــــــــــــــــــــــــــكم ..
..
شششششششكرآ على الجهد المبذوـــــــــــــــــــــــــــــل ..جزاكم الله خيرآآ