بسم الله الرحيم الرحيم
السلام عليكم و رحمة الله
نظرا لكبر مشكلة الخبز القديم و اليابس و التي هي الشغل الشاغل لمعضم العضوات، قررت أن أضع وصفاتي الخاصة و التي جميعها مقتبسة اما من كتاب أو من قناة فتافيت أو من الانترنت مع التعديل طبعا بما يلائم امكانياتي الصحية و المادية. و سيكون متجدد بإذن الله (وصفة في أسبوع أو أسبوعين حسب الوقت). و الآن اترككم مع اول وصفة التي اقتبست فكرتها في كتاب لالة للكيكات و الموفان فقط غيرت في الوصفة و بدلت الفرينة بالخبز و انقصت في عدد البيض.
الوصفة 1: كيكة الخبز بالفرماج
المكونات: 2 بيض، 1كاس ماء الحليب، معدنوس، عرق ثوم أخضر (أو سنة ثوم)، فرماج طري (بورسيون أو مثلثات)، كمية صغيرة فرماج قرويار، 3 ملاعق ك زيت،1 ملعقة ك موطارد ، ملح ، توابل (تصلح للأكل الأبيض)، 3/4كاس خبز يابس مرحي، ملح، ملعقة ص خميرة كيميائية.
الطريقة: يخبط البيض و ماء الحليب و الموطارد جيدا . ثم تضاف باقي المكونات. توضع الخلطة في صينية السيليكون مدهونة بالزيت . يطهى على نار 4/10 مدة 20 د حتى تحمر.
قبل الطهي
بعد الطهي. تقلب في إناء و تقدم وتعجب كل العائلة
شهية طيبة. ذوقها و كأنها كلها فرماج قرويار
ملاحظة: ماء الحليب تجديه في هذا الرابط https://www.djelfa.info/vb/showthread.php?t=547790. ماء الحليب تقدري تستعملي في مكانه الحليب سائل .
الوصفة 2 : خبيزات بفرماج أم قادة المعدل
المكونات: شرائح الخبز القديم ، فرماج أم قادة في هذا الرابط تطبيقي لزبادي الأخت أم قادة
التحضير : تطلى شرائح الخبز بالفرماج و تطهى في الفرن على نار متوسطة بين 5 و 10 دقائق حتى تحمر في الحواشي.
يقدم كعشاء مع سلاطة خضراء يجي لذييييييييذ و يتقرمش أو كمقبلات للضيوف لذيذ و يحمر الوجه حتى انه يفتح الشهية للذين يعانون من فقدان الشهية.
تفضلو تذوقو و تمتعو بالبنة 
ملاحظة : اذا احببتي ان يكون الخبز طري لا تطهيه في الفرن.
الوصفة 3 : بيتزا الخبز السهلة
في الحقيقة رأيت الفكرة في قناة فتافيت . اصبحت دائما اعملها لكن بصلصات مختلفة حسب المكونات الموجودة. اعملها خاصة في العشاء سهلة و لذييييييييييييييذة. عندما كنت عاملة ارجع للدار تعبانة و كانت هذه وجبتي المفضلة في العشاء دائما اعمل صلصة لمدة 3 أيام أضعها في الثلاجة و الخبز مقطع موجود في الفريز.
المكونات : شرائح خبز قديم، طماطم حب، 1 م ص طماطم مصبرة، كسبرة خضراء، توابل ، ملح ، 1 م ص زيت زيتون، زيتون أسود أو اخضر، فرماج أي نوع,
أن استعملت فرماج ام قادة المعدل. تخلط الجميع و ثم توضع في الخبز و تزين بالزيتون و الفرماج و تطهى مدة 10 دقائق حتى تصبح مقرمشة.
تقدم مع السلطة الخضراء
تفضلو ذوقو
الوصفة 4 : سفيرية اقتصادية على طريقتي
المكونات : كيلة ناقصة شوية خبز مرحي، كيلة بطاطا مغلية في ماء الحليب و مهروسة ، 3 بيضات، 1 م ك حليب غبرة، معدنوس، توابل ، ملح ، زيتون اخضر مقطع ، سنة ثوم ، 1/4 كاس ماء الحليب ، فرماج شيدار مقطع مربعات صغيرة.
التحضير : يخلط الجميع حتى تصبح عجينة متماسكة طرية قليلا ، ثم تشكل دوائر كما في الصورة و تحشى بالفرماج ، ثم تقلى مباشرة في الزيت.
هذه الخلطة متماسكة و عندما تقلى لا تشرب الزيت
تقدم مع صلصة الطماطم أو السلاطة الخضراء
تفضلو ذوقوا تاكلو بالصحة و الهناء
تذكروني في الدعاء
هذه الوصفة دائما نعملوها و هي شهية و لذييييييييييييييييذة كل العايلة تحبها و رائحتها رووووووووووووعة
ما ننصحكمش باه تعملوها بكميات قليلة و العايلة في ياسر لأنها تفتح الشهية حالة .
الوصفة 5: كروك ميسيو croques monsieur
المكونات: خبز قديم قطع كبيرة، شرائح طماطم، سلاطة خضراء، فرماج، قطع دجاج (اذا موجود مسبقا)، موطارد (اذا تحبيه)
التحضير: يقطع الخبز الى نصفين، يدهن بالفرماج توضع شرائح طماطم و سلاطة خضراء و قطع دجاج في النصف و تغطى بالنصف الآخر.
يوضع الخبز في مقلاة فيها قطرات زيت على نار متوسطة و بواسطة صحن مسطح او ظاغطة اضغطي على الخبز من كل جهة 3 او 4 دقائق حتى يحمر .
بعد الطهي
تقطع قطع صغيرة و تقدم و شهية طيبة
محتاجة لدعواتكم
هذه الوصفة صراحة من اختراع امي جربتها عدة مرات بالفرماج و التون او باللحم المرحي و الفرماج و اعجبت كل العايلة تجي لذييييييييييييييييييييييذ و طرية تفشفش كالبريوش و تفتح الشهية حالة.
الوصفة 6: بيني مالحين باللحم المرحي
المكونات: شرائح رقيقة لخبز قديم و طري، لحم مرحي مطبوخ مع البصل و البيض و البهارات، فرماج عادي.
للتغطيس: 2 بيض، نصف فنجان حليب، نصف م ص فرينة، ملح
الطريقة: توضع شريحة خبز و فوقها حشو لحم + فرماج (انا نسيته) ثم شريحة اخرى للخبز ، تغطس في خليط البيض و تقلى في الزيت.
بعد الغطس في الحليب
كوني هانية ما يشربوش الزيت
تفضلو تاكلو بالصحة
هذه الوصفة لأمي عملتها كل وحدها الله يبارك فيها، انا صورت فقط
الوصفة 7: خضار محشية باللحم و الخبز
المكونات: 3 حبات جريوات كبار، 4 حبات فلفل، حبات بطاطا صغيرة، كمية من خبز قديم مشمخ في الماء و معصور، كمية من لحم مرحي، 1بقايا جريوات (حشوة)، حبة بصلة، 2 سنات ثوم، معدنوس، 1 بيضة، توابل، ملح
التحضير: تحفر الخضر من الداخل و تحشى بالحشوة (المكونات) بعدما ترحى في ميكسور ، تقلى كل نوع خضر وحدها في قليل من الزيت و 1م ص سمن على نار هادئة في مقلاة تيفال و تغطى و تقلب كل مرة من جهة حتى تحمر
(كمية الخبز= كمية اللحم)
بين الخبز و البصل توجد بقايا جريوات
تقدم مع صلصة بيضاء اذا اردت او وحدها في صحن التقديم
البنة ما عندي ما نقول: طرية و تذوب في الفم
تاكلو بالصحة و الهناء
هاذي الوصفة اول مرة نجربها عجبت كل العايلة و عندما سألتني اختي على مصدر الوصفة مستغربة
,,,قلتها من راسي
الوصفة 8: كوكا الخبز باللحم
المكونات : شرائح خبز بايت، 100غ لحم مرحي، حبة بصل كبيرة مرحية ، سنتين ثوم ، معدنوس، فرماج، بهارات، ملح
للصلصة: 3 كاس حليب (لتر الا ربع) ، 3 بيضات، بهارات، ملح
الطريقة: تقلى البصل و الثوم ، يضاف اللحم و باقي المكونات
للصلصة: تخبط جميع المكونات جيدا
توضع طبقة من شرائح الخبز ثم الحشو و الفرماج ثم طبقة أخرى من شرائح الخبز ثم تسكب الصلصة
توضع في الفرن على نار متوسطة مدة 30 دقيقة حتى تحمر
تفضلو ذوقو تاكلو بالصحة
الوصفة 9: خبزات صغار بالسردين
المكونات: 1 كاس خبز مرحي، 1 كاس حليب، 1/2 كاس زيت، 2 سنتين ثوم، 4 حبات سردين مطبوخة في المنزل، 1 خميرة، بهارات، ملح. للتزيين شرائح الطماطم و السردين.
الطريقة: يخبط البيض مع الزيت ثم الحليب، تضاف باقي المكونات، تصب في كيسات كبار، تزين بالطماطم و السردين.
تطبخ 30 د على نار هادئة
تفضلو ذوقو شهية
صراحة الوصفة فكرة من عندي اول مرة اجربها جات روعة و بنييييييييييييينة
و مغذية و الكل عجبتهم
الوصفة 10 : تارت صغيرة بالسلق
المكونات: شرائح خبز بايت، 1 حبة بصل متوسطة،1 حبة فلفل حلو، 2 سنتين ثوم، قليل من السلق، توابل، 3 حبات فرماج، 3 م ك حليب سائل، ملح، حبة بيض
التحضير: تقطع البصل و الفلفل و تقلى في زيت 5 دقائق فقط، يضاف السلق مقطع مع الثوم و تقلى 5 دقائق فقط ( يبقى لونه اخضر للحفاظ على فوائده) مع التوابل و الملح، تنزع من النار حتى تبرد جيدا، اضيفي الحليب و الفرماج و البيضة و تخلط .
يوضع الخليط على شرائح الخبز و تطهى مدة 15 دقيقة في الفرن على نار متوسطة حتى يطهى البيض و يتماسك، تزين بالفرماج شيدار او اي نوع.
تفضلو ذوقو تاكلو بالصحة و الهناء
تؤكل مع السلطة
لا ادري من اين جائتني الوصفة الا انني من زمان و انا اعمل هذه الشيبس لذيييييييذة و صحية خاصة مع الحبق ( الآن غير متوفر عندي) ذوقها و كانها بيتزا
عجبت كل من ذاقها جربوها و ردو لي الخبر راهي ساهلة و سريعة
الوصفة 11: شيبس طبيعي
المكونات: شرائح خبز بائت، زبدة او سمن، توابل (خلطة تصلح المأكولات البيضاء)، فلفل اسود، فلفل احمر، رند مرحي، نعناع مجفف ، حبق مجفف، او اي توابل تفضلينها
الطريقة: تدهن الشرائح بقليل من الزبدة او السمن، و تذر التوابل كل على واحدة من فوق.
يعني كل شريحة بنوع من التوابل
تدخل للفرن 5 د
تؤكل كلمجة في المساء او مع السلطة تفتح الشهية روووووووعة
تفضلو بالصحة و الهناء
تذكروني في الدعاء
merciiiiiiiiiiiiiiiiiiiiiiiiiiiiii
|
المشاركة الأصلية كتبت بواسطة asil333
 merciiiiiiiiiiiiiiiiiiiiiiiiiiiiii
|
جزاك الله خيرا لمرورك الطيب
اخني رماضنة راني نحوس على طريقة عمل الزبادي في الدار ممكن تعطيني وصفة ام قادة
ربي يسترك في اقرب وقت
|
المشاركة الأصلية كتبت بواسطة halimahalo
اخني رماضنة راني نحوس على طريقة عمل الزبادي في الدار ممكن تعطيني وصفة ام قادة
ربي يسترك في اقرب وقت |
الوصفة راهي في الرابط في الاعلى في تطبيقي و في داخل التطبيق تاعي وضعت الرابط الأصلي لم تلاحظيه فقط
اليك https://www.djelfa.info/vb/showthread.php?t=538666
بالتوفيق
بارك الله فيك
اختي ممكن طلب؟
|
المشاركة الأصلية كتبت بواسطة البلبلة
بارك الله فيك
اختي ممكن طلب؟ |
و فيك بارك الله
نعم اطلبي اذا كان في مقدوري
اختي اتمنى ان تشاركينا هنا
https://www.djelfa.info/vb/showthread.php?t=661664
ومشاركتك اسهل بمان صور وصفاتك محملة من قبل
في انتظار ردك
وعلابالي مش رايحة تحشميني
|
المشاركة الأصلية كتبت بواسطة البلبلة
اختي اتمنى ان تشاركينا هنا
https://www.djelfa.info/vb/showthread.php?t=661664 ومشاركتك اسهل بمان صور وصفاتك محملة من قبل في انتظار ردك وعلابالي مش رايحة تحشميني |
بالتاكيد مانيش راح نحشمك بما انك طلبتيني مباشرة رغم انه جاني نفس العرض من قبل و ماشي بلعاني ما لبيتش لأني لم اعرف نوعية الوصفات المطلوبة أو طريقة المشاركة
تقدري دبري علي و تقوليلي نوع الوصفات و عددها التي راح نشارك بها
والله فرحتيني ختي
تقدري تشاركي باي وصفة تحبي
والعدد غير محدد
المهم تكون مصورة هذا ماكان
والطريقة هي انك تبعثيها للاخت الشعلـ إيمان ـة في رسالة خاصة
وراني سهلت عليك المهمة
يعني كوبي كولي
وان شاء الله تفوزي بوسام
راني شايفة مازال ماعندكش رغم تميزك الشديد في المنتدى
واي حاجة اخرى مافهمتيهاش راني هنا
|
المشاركة الأصلية كتبت بواسطة البلبلة
والله فرحتيني ختي
تقدري تشاركي باي وصفة تحبي والعدد غير محدد المهم تكون مصورة هذا ماكان والطريقة هي انك تبعثيها للاخت الشعلـ إيمان ـة في رسالة خاصة وراني سهلت عليك المهمة يعني كوبي كولي وان شاء الله تفوزي بوسام راني شايفة مازال ماعندكش رغم تميزك الشديد في المنتدى واي حاجة اخرى مافهمتيهاش راني هنا |
حااااااااااااااااااااااااضر
في الحقيقة مشاركاتي كلها لوجه الله نحب نفرح أخواتي المؤمنات بوصفاتي السهلة و الاقتصادية راني عارفة بلي النت ملئ بالوصفات لكن كلها الله يبارك بالمكسرات و او باللحم او ……
و ثاني حاجة محتاجة لدعوات الخير ماشي لأجل الأوسمة او غيرها
اختي البلبلة راكي تقراي 3 ثانوي؟
شكون قاللكم؟
ايه العام الجاي باك ان شاء الله
بصح لااااااااازم تقوليلي كيفاه عرفتي
بديت نتوسوس
واذا على الدعاء ربي يعطيك ماتتمناي ويرزقك بالذرية الصالحة
|
المشاركة الأصلية كتبت بواسطة remadna
حااااااااااااااااااااااااضر
في الحقيقة مشاركاتي كلها لوجه الله نحب نفرح أخواتي المؤمنات بوصفاتي السهلة و الاقتصادية راني عارفة بلي النت ملئ بالوصفات لكن كلها الله يبارك بالمكسرات و او باللحم او …… و ثاني حاجة محتاجة لدعوات الخير ماشي لأجل الأوسمة او غيرها |
الله يحضرلك الخير ويفرحك
كيما راكي تفرحي في غيرك
صح وصفاتك ساهلين
خصوصا للي بداو يتعلمو
باه مايفسدوش ومايبذروش اذا ماصلحوش الوصفات
|
المشاركة الأصلية كتبت بواسطة البلبلة
ههههههههه
شكون قاللكم؟ ايه العام الجاي باك ان شاء الله بصح لااااااااازم تقوليلي كيفاه عرفتي بديت نتوسوس واذا على الدعاء ربي يعطيك ماتتمناي ويرزقك بالذرية الصالحة |
منك بالصح ما عرفتيش كيفاه عرفت؟
شوفي الصورة الرمزية تاعك واش فيها