السلام عليكم و رحمة الله و بركاته 
وش راكم يا لحراير…صافا ؟…ان شاء الله في احسن حااااااال 
شوفو ليوم جايين عندنا خوالي و لازم التاوييييييييييييل…و عندي خالوطة تاع حوايج هههه و بغيت ندير بيهم كاش تحلية باااااهية..
اول شي عندي عرااااااام قنطاااااار تاع قاطو بيمو…كاين ثاني لي فيه الشيكولا من داخل هههه
و عندي كريم شانتيي
عندي عصير العبوات الصغيرة
الفلون شيكولا ثاني كاين
و اذا عندكم فكرة فيها جنواز او كريم باتسيير ممكن نخدمهم …بصح الفرينة كاين غير 2 مغارف 
و هادوك تاع الزبدة و السكر و … اكيد كاين
ايا مالا يا لفحلات خمو معايا 
و قولولي وش نقدر ندير بيهم 
..كاش خالوطة تجي بنينة 
اني نسناكم ما تحشمونيييييش 
و لي ترد لولة تدي هادو كادو من عندي علبالي لبنات كااااااااااامل يحبو الغووز هيهيهيهيه
سلالالالالالالالالالالالالالالالالالام
اختي
ممكت بيمو لي عندك تكسريه رقيق تحطيه في كيسان تسقيه بشويا عصير تضيفي الفلون لي تكوني حضرتيه كي ينشف الفلون ويبرد زينيه باشونتييي و البيمو مكسر من فوق و الفواكه اذا عندك
ان شاء الله كون افدتك
بصح اني جربت هاداك النهار صبيت الفلون فوق القاطو سع ذاب و تخلط مع الفلون و عييت ناكلو هههههه..المهم شكرا على المرور اختي و صحا فطورك
حطي الفلون هو الاول كي يجمد زيدي فوقه القاطو مكسر و فوقهم الشونتيي
وصفة قاطو بيمو
المقادير :
6 بيضات
رطل مارغرين صول تكون طرية
6 ملاعق كبار عسل
4 ملاعق كبار كاكاو (بامكانك تنقصي الكمية )
ملعقة كبيرة فاني
2 بكيات خميرة
4 علب قاطو بيمو
الفرينة حتى تتلم
طريقة التحضير :
اولا نبداو بالبيض مع المرغرين نخلطوهم مليح بالباتور والا باليد ثم نضيفو العسل والفاني ونكملو الخلط باليد ثم نضيفوا قاطو بيمو مرحي مليح ومغربل وكي تعودوا ديروا فيه تلاحضوا بلي ذاب في الخليط ومن بعد نضيفوا الفرينة و الخميرة حتى نتحصل على عجينة طرية
ونشكلوه ونحطوه يطيب
بالنسبة باه نلصقوهم كريمة ومقاديرها هي
كاس حليب +ملعقة كبيرة زبدة +2 ملاعق كبار مايزينة + فاني + السكر حسب الذوف نخلط المقادير كامل مع بعض ونحطهم فوق نار متوسطة ونخلك حتى تثقال و نحوها ونخلوها تبرد
والشيكولا عادي كل واحد كيفاه يخدمها
مشكورة اختي عبير تعيشي حنونة
و الاخ طهراوي بارك الله فيك
شكرا جزيلا
شوفي ارحي البيمو تاعك النورمال وتاع الشكيولا وزيديلو زيدة وعسل و ديري طبقة مليحة في يلا الي يتنحاو اطرافو وادا معندكش فرشي ورقة المنيوم ودهنيها بالزبدة ورسي الخليط تاعك مليح ودخليه للفرن غير شويا وخليه يبرد
خذي العصير التاعك وزيديلو ميزينة وخلطيه وديريه على النار حتى يختر وصبيه فوق القاطو ديالك لي يكزن برد وخليه يبرد
حضري الفلون تاعك وسكبيه بلطف على الطبقة السابقة بعد ماتكون جمدت ودخليه للثلاجة وكي تجي تفدميه زينيه بالشونتي والبسكوي المطحون
انا اليوم راني مجدو هذا الدسير لكن معنديش الشونتي زينتو بخطوط الشكلاطة منعرفش النحط الصور والا راني ورينولك والله يجي رووووووووووووووعة
واذا حبيتي ديريه في اطباق فردية وبدل مديريه في الفرن في طبقة البسكويت دخليه للثلاجة وصح فطورك
نتمنى نكون افدت
ديري لكريم بالفلان
مرسي حبيباتي تعيشو الله يحفظكم