سلااااام لحباب
حبيت نشري كويزينيار لقيت انواع واشكال كاين نتاع 4 ريسان وكاين5 والاسعار متفاوتة كاين حتى تفوت 7 ملاين المهم شفت نتاع ستار لايت فيها ربعة ريسان و الزجاجة نتاع الفور دوبلي يعني فيها زوج واحد فيهم ممكن يتنحى باه تنظفها على حساب فهامتي طبعا هههه والغطاء نتاعها زجاج وهي اينوكس ومشبحة في لي بوتون نتاعها وشابة بزااف شكلا ودارت تقريبا 3 ملاين و600 تقريبا
المفيد وش رايكم زعما مليحة اللي جربتها تقولي و اذا تقترحوا عليا ماركة اخرى مليحة دبرو عليا
اسمحيلي ام اية انا ما سبقليش و جربت هاذ الماركة
ان شاء الله تتوفقي في اختيارك
تحياتي
شكراا حبيبتي سمرا ء ان شاء اوافيكم بالجديد كي نرسى على بر ههه
انا عندي اغيستون مليحة عندها 5 سنين لاباس بها
سلام اختي انا شفت سلفتي شرات انتاع 5 ريسان ب7 ملاين اينوكس طيب روعة وكاين انتاع 4 ريسان ب4 ملاين و500 ربي يوفقك وتشري حاجة مليحو ولو امكن تحطلنا الصور باه نشفوها لاني حابة نشري بصح حاجة رخيسة شوي لاني منقدرش على لخرين ربي يوفقك اختي واسفة اذا كثرت عليك
أختي كانت عندي starlight كارثة ماشي مليحة ماشي قاوية خاصة اذا شعلتي الفور. الفوق تنقص بزاف و تطولي أنصحك cristor ou condor
الله أعلم يا ختي
اذا شريتيها قوليلنا اذا مليحة
اهلا ام آية ان شاء الله احوالك مليحة …
راكي تعمري في دارك بالبركة ان شاء الله …
الماركة للي تحكي عليها ماشي مليحة الكثير يشتكون منها في الفور تولى تطفا وحدها … اختي كانت عندها وحدة بدلتها و شرات كريستور مليحة الى غاية اليوم .
انا عندي بروند هايلة بمعنى الكلمة راها عندي في 07 سنوات ومالقيتش معاها مشاكل و نار نتاعها مليحة
مساء الخير اخواتي انا عندي ماتريكس مليحة
إن شاء الله يفيدوك الأخوات
bravo bravo bravo
كريستور هي الأفضل