السلام عليكم …..
اشرينا كويزينيار و غاز المدينة غير متوفر و تحتمت نستعملوا قرعة الغاز و لما راح راجلي يشري الانبوب تاع قرعة الغاز حوس المحلات كامل تاع الكانكيري مالقاش و قالولو ماولاوش يبيعوا ثيو تاع قرعة الغاز اصبح متوفر غير ثيو تاع غاز دوفيل…دبر صاحب المحل قال لراجلي دير ثيو تاع غاز دوفيل مع الكويزينيار و بالنسبة لقرعة الغاز قال ديرو ثيو رقيق يناسب فتحة قرعة الغاز و داخله نبرونشيو الثيو تاع الغز دوفيل لي جاي من الكويزينيار
دخلنا الثيو الصغير في الثيو تاع الغز دوفيل و سيريناه بوحد العفسة من عند الكانكيري..
درك كي نشعل الكويزينيار من فوق النار قاوية حتى توسخولي كامل الماعن من اثر النار على الجوانب و اذا نقصت النار تولي ضعييفة ماتطيبليش الحاجة بلخف ..
هل فعلا مثل ما قال الكانكيري الناس كامل لي ماعندهاش غاز دوفيل تدير هكذا و لا راني نريسكيو برواحنا…و اذا كان كذلك واش الحل مع قرعة الغاز كيفاش نستعملوها من فضلكم و ربي يجازيكم بالخير
المشكل في البياك الي راكبين في الكويزينيار راهم نتاع غاز المدينة يكونو واسعين شوية
لازم تبدلوهم كامل
كاين الي غاص بالغاز العادي و كاين الي خاص بغاز المدينة
الاجهزة الجديدة المفروض تباع راك عليها نتاع غاز المدينة
الكويزينيار مدهالي خويا و كانت عندو من مدة طويلة ..و لم نجد البياك الخاص بقرعة الغاز فتركنا تاع الغاز دوفيل
انا اسال و متخوفة من طريقة ادخال ثيو صغير بطول 20 سم في قرعة الغاز ثم ايصاله بثيو تاع غاز دوفيل هذا الاخير يتصل بالكويزينيار
هل من نسبة و لو ضئيلة لتسرب الغاز بسبب هذا التوصيل ام لا
مشكلتك في البياك مستحيل تحكم النار مكانها لان ابياك غاز دوفيل واسعة عن بياك غاز القرعة
راح تلقاي النار قاوية و تريد الدخان في الاواني
في الفور تلقاي النار قاوية
ترشيلك الفور من الفوق و قادر يديرلك مشكل كبير مع الوقت
المشكل ماشي فالتيو ، المشكل فلي باك
كاين تاع الغاز دوفيل و كاين تاع القرعة
ادا تلفتلكم كيفاه تركبوهم جيبو لي يصلح الاجهزة الكهرومنزلية يبدلهولكم و يركبلكم التييو
و ادا التييو خشين زيروه
|
المشاركة الأصلية كتبت بواسطة عبدالله بولنوار
 التيو عادي جدا لما يكون نتاع غاز دوفيل تمشي بيه غاز القرعة العكس ما يصلحش اي نتاع الغاز العادي تمشي بيه غاز دوفيل
مشكلتك في البياك مستحيل تحكم النار مكانها لان ابياك غاز دوفيل واسعة عن بياك غاز القرعة راح تلقاي النار قاوية و تريد الدخان في الاواني في الفور تلقاي النار قاوية ترشيلك الفور من الفوق و قادر يديرلك مشكل كبير مع الوقت |
فعلا هذا ما يحدث بالضبط النار تتطاير و المواعن كامل كحلوا و حتى لوكان ننقص يبقى نفس المشكل
انا نفكر نشريو موقد صغير كيما هذا بصح ماعلاباليش هل هذا النوع يصلح مع قرغة الغاز و لا لا
|
المشاركة الأصلية كتبت بواسطة موجو جوجو
المشكل ماشي فالتيو ، المشكل فلي باك
كاين تاع الغاز دوفيل و كاين تاع القرعة ادا تلفتلكم كيفاه تركبوهم جيبو لي يصلح الاجهزة الكهرومنزلية يبدلهولكم و يركبلكم التييو و ادا التييو خشين زيروه |
شكرا اختي على النصيحة ربي يحفظك..
|
المشاركة الأصلية كتبت بواسطة ام البنوتة
فعلا هذا ما يحدث بالضبط النار تتطاير و المواعن كامل كحلوا و حتى لوكان ننقص يبقى نفس المشكل
انا نفكر نشريو موقد صغير كيما هذا بصح ماعلاباليش هل هذا النوع يصلح مع قرغة الغاز و لا لا  |
كيما ناتعي بصح نتاعي مليح ميحرقش لماعن
okhti nassiha lik chri gaz sghir taybi fih bilama faréj rabi pcq wellah dangé bzzf
|
المشاركة الأصلية كتبت بواسطة ام البنوتة
فعلا هذا ما يحدث بالضبط النار تتطاير و المواعن كامل كحلوا و حتى لوكان ننقص يبقى نفس المشكل
انا نفكر نشريو موقد صغير كيما هذا بصح ماعلاباليش هل هذا النوع يصلح مع قرغة الغاز و لا لا |
اكيد يصلح احنا كان عندنا واحد كنا نستعملوه بغاز القارورة عادي ينحي الغلبة خاصة في رمضان اختى كاينين تاع اربعة كوانين اشري واحد تتهناي خير من الريسك تاع الكوشة هادي
على الأقل لو عرضتوها على مصلح الأجهزة ربما عندو حل لأنو في بعض الحالات كاين مصصلحين يخترعوا وتخرج سلمات