يا ريت كل واحدة تقلنا واش راهي توجد لرمضان بش نفيدو و نستفادو,انا يا بديت:
– قشرت كمية كبيرة تع الثوم و كنجلتها
-كنجليت la sauce tomate واجدة للبتزاو المملحات
– la pate brisé salée et sucrée.
– شويت الفلفل قشرتو و كنجليتو
و أنتما……..
أين التفاعل…????…
أنا والله مازال مادرت والوا
درت الميناج للكوزينة
ورحنا قضينا لرمضان شربة فريك ، التوابل ، اللحم ، الدجاج وكونجليتوا على خاطر راهو رخيس من بعد يغلى
وراني مع الخدمة
راني نخمم كيفاش ندير جاني رمضان مع الخدمة ربي يقدرني ونوفق بين الدار والخدمة
وصح رمضانكم وإن شاء الله ربي يتقبل منا ومنكم أجمعين ويجينا بالصحة والهنا
|
المشاركة الأصلية كتبت بواسطة souadraghad
 يعطيك الصحة يا الفحلة
أنا والله مازال مادرت والوا وصح رمضانكم وإن شاء الله ربي يتقبل منا ومنكم أجمعين ويجينا بالصحة والهنا |
والله يا أختي انا ثاني خدامة راني نسيي ننقص عليا الخدمة في رمضان، باش نتفرغ للعبادة . ربي يعيدو علينا بالصحة و البركة أمممين………..
الله يبارك
ربي يعاونـــــــــــــك
حنا درنا نيتواجياج للكوزينة وشرينا الفريك ثااني والباقي ما زال
راني عادا مع الميناج مادرت حتى شي
يعطيك الصحة على الموضوع انا وجدت الفريك و راس الحانوت و شريت حوايج الطاجين لحلو
انا الا الفريك لي شراها اما حاجات لخرين تسمعي غير ماعنديش الوقت باه نروحو نقضو راني نسنا وادا دخل رمظان وما وجدت والو ندير الحاضر ولي كتبو ربي الصحة والهنا وربي يتقبل منا الاعمال والقيام والصيام امين
احنا درنا الميناج كامل وماما وجدت لفريك والفاح ومزال مشرينا والو
اللهم مبلغا لرمضان وربي يتقبل منا الاعمال والقيام والصيام امين
احنا ما شرينا والوووووووو الفريك عندنا والبقية ربي ورحمتو البركة هي كلشي
اللهم بارك لنا في شعبان وبلغنا اللهم رمضان
أنا اليوم وخذني راجلي ،شرالي كمية كبيرة تع الطماطم فورتها و رحيتها ثم الى الكنجلتوغ.
باارك الله فيك علي الموضوع الي جانب التحضير للشهر الفضيل لا تنسو التحضير الروحي و النفسي ونسال الله ان يبلغنا رمضان ويعيننا علي الصيام و القيام
صحة رمضانكن اخواتي ان شاء الله شهر مبارك
قشرت الثوم وحطيتو في الثلاجة وجدتلي عجوزتي الفريك ربي يعطيها الصحة مازالي شوي توابل وفلفل وطماطم وقضية زيت ولحم ودجاج المهم ربي يعين الرجال الشهرية نتاعهم فسع تفرغ
اللهم بلغنا رمضان
انا رانى مريضة وللاسف هاذالمرة رانى غير نطلب ربى يعطينى الصحة بله نقدر انصوم انشاء الله والتالى مزال مدرت والو