السلام عليكم
هل نقدرو نديرو قاطو صابلي بالسمن بدل من استعمال المرغرين؟
كاش وحدة جرباتو او عندها فكرة تفيدني؟
والله ما جربتهاش أختي بظن يمكن
وأنا أيضا ماجربتهاش جربي يمكن تعجبك
نعم يا أختي تقدري تخدميه السمن .
أنا كنت ديما نخدم القاطو بالسمن
و حتى جارتي تخدم بالسمن
و البنة عادي كيما تاع المارغرين.
طبعا تقدري اديريها بالسمن عادي وجي كما تاع المارغرين
ختي تفاحة راح يبدل الذوق انا نحب نخدم بلابال ونزيدلها فنجال زيت يجي يذوب في الفم وفي 250غ لابال نعمل 3 مغارف كبار زيت هاذي هي لاستوس باه يجي يتفتت
ختي تفاحة راح يبدل الذوق انا نحب نخدم بلابال ونزيدلها فنجال زيت يجي يذوب في الفم وفي 250غ لابال نعمل 3 مغارف كبار زيت هاذي هي لاستوس باه يجي يتفتت
تقدري اختي عادي و تجي كيف كيف و البنة ابننن
يعطيكم الصحة لبنات راني جربتو بالسمن والزيت بالصح مازال ماذقتوش كينذوقو نحطلكم الصورة ونقولكم كيفاش جا بالسمن؟
يعطيك الصحة
مرحبا اختي
انا والله نخدم بيها الصابلي نورمال ومتبان فيها حتى ريحه
صح عيدك
انا ديما ندير القاتو باسمن مدينة ليصبلي تاعي شوفي المقادير و صدقيني مذاقها وشكلها رائع جدا
500غ سمن مدينة
250غ سكر
4حبات كاملة بيض
2خميرة الحلويات
فانيليا
فرينة حسب الرغبة
باصحة والهناء
مالفة نخدم بيها مي لازم مدينة ونغليها ونعاود نجمدها ومبعد نخدم بيه
يعطيك الصحه تفاحه يعنى بسؤالك اكيد افدتينا من خلال الاجوبه شكرا لكم جميعا