هل من الممكن ان يتغير 2024.

امس هدرت مع صحبتي في التيليفون لقيتها محيرة لماذا
عندها خوها صعيب على اتفه الاسباب يدير مشكلة ويعيط ومايخاف حتى من واحد لدرجة كبيرة هو في طبعه حنين
ووالديه حابين يتهنو عليه
هي دبرتله مرا اي لخوها لكنها ولت خايفة من انها تربح ذنوبها لانه صعيب واي حاجة يدير منها مشكلة هوما في دارهم ماحملوشو
انا قلتلها بلي كي تدخل في حياتو مرا يتبدل ومانكذبش عليكم انا كون جات عندي اختي من سنه مانمدش هالو ولا واش رايكم لانه مايحترم حتى واحد

لازم المراة لباغي يتــــــــزوجها تكــون على علم بهذا المشكل واذا قبلت مكان حتى بروبلام………وانا نعرف وحدة تزوجت واحد

يتمشىغي بلادروق……….الرجال ويخافو منو……..تعرف كي رجعته…….تبارك الله على بعض النســـــوة

تقبلـــــــي مــــــــــروري

اقتباس:

المشاركة الأصلية كتبت بواسطة بن عمير 22 لازم المراة لباغي يتــــــــزوجها تكــون على علم بهذا المشكل واذا قبلت مكان حتى بروبلام………وانا نعرف وحدة تزوجت واحد يتمشىغي بلادروق……….الرجال ويخافو منو……..تعرف كي رجعته…….تبارك الله على بعض النســـــوة تقبلـــــــي مــــــــــروري

هذا واش رانا متمنيين انه والديه يرلايحو منو شوية

اقتباس:

المشاركة الأصلية كتبت بواسطة أمآآآآني البنفسج إذا قصدك أختي أنه عصبي المزاج و يقلق لأتفه الأمور فإنه مع الوقت و مرور السنين يكبر و يعقال و هنا وجب إخبار الفتاة بأنه عصبي أما إن كان لا يحرتم أحدا و غير متخلق و كلامه سوقي من الأفضل أن لا تدخل نفسها في أمر يخصه فلتدعه يختار شريكة حياته بنفسه و الله أعلم .. ربي يهديه هذا ما نتمناوله

لالا اختي مشو لدرجة كبيرة حتى انه كي يهدر معاه مثلا زوج اخته يرنديلو السرفيس نورمال هو عنده وقت برك باقاها تقولي نسعى منه عشرة

من الافضل مادام خوها صعب شوي ماتدخلش في امر مصيري كيما الزواج
يختار بنفسو ويخطبولو هكذا باش ما يرجع يلوم فيهم ويديرهم مشاكل

إذا كان رجل قلبه طيب وأصله جيد فالمرأة قادرة على الأخذ بيده وتغييره للأحسن والله أعلم
ربي يصلح الأحوال

اقتباس:

المشاركة الأصلية كتبت بواسطة محمد جديدي التبسي إذا كان رجل قلبه طيب وأصله جيد فالمرأة قادرة على الأخذ بيده وتغييره للأحسن والله أعلم ربي يصلح الأحوال

نعم خويا قلبه طيب واصله تشهد بيه كل الناس

ادعو انه ربي يصلح حاله لاجل والديه ولاجل هذه البنت لانها يتيمة بالاك يشوفالها ربي ويصلح حاله

اذا كان هذا الانسان مليح و مقلق شوية برك هاذي مافيهاوالو المهم لازم الطفلة تفهموها برك باه تعرف وين رايحة تحط رجليها لانو ماشي كامل الناس يتحملو الانسان العصبي لدرجة كبيرة هي المهم هي تقولها باه الطفلة دير حسابها و باه اذا لا قدر الله صرات حاجة ماتقولهاش ماقتليش و ربي يقدم الي فيه لخير ليه و ليها

نشالله يتريقل حالو

اختي كان قريبي مثل ما وصفتي و راحت امو خطبتلو قالت بلاك يتهني و يهنينا شوية بالفعل اختي عدنا درك نقول كون زوجتو هذا زمان خير ههههه
والله وتشوفيه مع مرتو الله يبارك تقولي ماهوش نفس العبد

الله الموفق

السلام عليكم
موضوع رائع جدا
شكرا لكم

حتى انا قلتلها بعد الزواج نشالله يتريقل لانه كان عندي واحد في فميلتي كل ليلة يروح شارب ودرك راه خدام وبولادو وولاد ولادو
ثان جارنا كان يشرب في الكيف والنسا واش نقلك وهو خاطب
ودرك راه من احسن اللرجال مع اهله مع مرته مع الناس وقالها بفمه اناكنت وكنت ودرك الحمد لله

يا اختي ممكن نفس ظروف اخي مقلق وعصبي بزاف ولا احد حب يتكلم معاه على الزواج وانا تكلمت معاه وقلت لازم تخطب
عادي اختي راح منين يتزوج يرتاح ……………تعرفي علاه لان الزواج سكينة للنفس البشرية خاصة اذا كانت الزوجة صالحة وتعرف كيف
تتعامل مع هذ العصبية انا اقول لك لا تتقلقي واخته خير ما دارت ربي يجازيها خير
نرجو التوفيق من الله ويصلح حال شبابنا ويهنيهم ويرزقهم من ابوابه الواسعة