هدا اول موضوع لي و اريد رايكم…..مارانيش مراجعة مليح لكن في هده العطلة حابة نعاود نريفيزي كلش خاصة المواد العلمية و خاصة الفيزياء لانني اجد الوحدة الاولى صعبة 
هل نقدر نعاود كلش ولا راح الحال عليا لان صاحبتي قاتلي كون يفوت جانفي قولي باي باي للباك……هل هدا صحيح فمورالي تحت الصفرو اكاد اختنق
يا اختي مايهبطولك المورال ما والو كاين ناس بدات المراجعة شهر قبل الباك و جابوه لاباس عليهم.. الا بقيتي مقلقة م الوقت ماكيش رايحة
تستفادي..اختي اوثقي في روحك وفي ربي و مادامك عارفة واش قريتي ف الفصل الاول تقدري مائة
بالمائة تستدركي في العطلة المهم نوضي صباح تحفظي.. و من بعد ادرسي علوم و نصيحة
اعتمدي على كتاب احمد امين خليفة… و ادرسي مساءا مادة علمية اخرى و ان شاء الله كتمل نتوفقو.. و كي تكملي هاد الميساج قولي صوت عالي سانججججججح
السلام عليكم، كيف الحال أختي؟
لا لم يفت الأوان بعد بل هذا هو الوقت المناسب اغتنمي الفرصة
و لا داعي للضغوط مازل 5 أشهر و مزالك بزااف وحدات مقريتيهمش توكلي على ربي 
و ابداي تقراي ياو لابغا تكوني دايا المعدل في الفصل الأول 06.00 تقري جيبي فالباك 16.00 بشرط تستغلي كل عطلة . بالتوفيق أختي مزال الحال لاتثبطي معنوياتك ديري برنامج و نصيحة مني لكي لا تعتمدي على الكم في التمارين بل الكي يعني متقوليش حليت 30 تمرين في نصف ساعة قولي فهمت 3 تمارين في نصف ساعة يعني متخدميش بالوقت . انشاء الله منكونش طولت أعليك
ربي يحفظك
سلام 
salam 3alaykom choufi lazem tnoudi 3la sba7 bekri 5h e9ray seli w staghafri w revisi b3a9lek w diri fi balek ida b9iti khayfa madiri walou
w ida 3andek l9la9 bzzzf diri tizana ta3 babonej we chorbiha mor slat l3icha bach tor9di mli7 w l fisique sahlla lazem t7oli tamarin w t3awdihom w riyadiyat chofi
https://www.djelfa.info/watch?v=H6Prg…&index=13&hd=1
w hada ta3 fisique
https://www.djelfa.info/channel/UCh7Gz8vMb4OC5LqX-W7h_yw
w d3ili m3ak
w matensaychi na7i l9la9 w takhmam
edewen fad le 1er trimestre mazelou les vacances fihoum 10 jours ! et mazel hata madkhalnech en 2024 , mazelou 2 trimestres ,et les révisions te3 mai wetgouli fata el awan ?
أول حاجة بعدي عليك النآس لي يهبطولك المورال و يضيعولك وقتك ثاني حآجة مــــــازال الوقت باش تحضري للبكآلوريآ أحسن تحضير لكن بشرط تبداي من دقيقة هذي ولازمك إرادة و قولي وعاودي في نفسل إما سأنجح أو سأنجح لا يوجد خيار آخر ، ضعي برنامج و حلي الكثييييييييير من التمارين و أعطي لكل مادة حقها
موفقة بإذن الله
|
المشاركة الأصلية كتبت بواسطة ندى السنين
 السلام عليكم، كيف الحال أختي؟
لا لم يفت الأوان بعد بل هذا هو الوقت المناسب اغتنمي الفرصة و لا داعي للضغوط مازل 5 أشهر و مزالك بزااف وحدات مقريتيهمش توكلي على ربي و ابداي تقراي ياو لابغا تكوني دايا المعدل في الفصل الأول 06.00 تقري جيبي فالباك 16.00 بشرط تستغلي كل عطلة . بالتوفيق أختي مزال الحال لاتثبطي معنوياتك ديري برنامج و نصيحة مني لكي لا تعتمدي على الكم في التمارين بل الكي يعني متقوليش حليت 30 تمرين في نصف ساعة قولي فهمت 3 تمارين في نصف ساعة يعني متخدميش بالوقت . انشاء الله منكونش طولت أعليك ربي يحفظك سلام |
بارك الله فيكي و نفع بك
ملاحظة هااااااااااااااااااااااااااامة: ”ان شاء الله ”و ليس انشاء…
شكرا لكم اصدقائي والله طلعتولي مورال راني بديت مع الفيزياء اليوم و عملت برنامج يومي ربي يوفقكم