هل تكفي الاستخارة 2024.

يشبه ابي
عادي كي يكون الاب تعك مليح يحسب الناس كل ملاح هذا مشكل بياتنا
قولي لامك تسقسي راهم النسا يجيبو الخبر خير من الرجال لانهم الرجال ملاح مع بعضاهم و اطفال شوية يعني كي يكون واحد مختل في دارهم و برا يصلي و ساكت يقولولك يهبببل و زييييين لانهم الله غالب ما يعرفوش
.
.
و ما تنسايش الرؤية الشرعية توريلك 80 بالمية من باطن الشخص …..يا اما ترتاحي يا اما لا
و ربي يجيب الخير

تهدر يماك مع باباك و تحاول تقنعو باش يسقسي عليه المراة مهما يكون عندها تاثير على راجلها تبقا كل نهار توسوسلو حتى يروح يسقسي و اذا كان ما قدرتش تجرب تسقسي هي تشوف النساء لي يعرفوه و عليك بالدعاء و ثقي في ربي سبحانو صدقيني هو لي يهديك للقرار الصحيح المهم ابتغي مرضاته و ربي يجيب ما فيه الخير

انا غي رايي الاستخارة هي كل شي ثقي في ربي سبحانه. ثم ان كلام الناس مشي كلو صحيح.خذي راي باباك واتكلي على ربي. شوفي انا عندي ربع سنين خدامة وكل ما يجي واحد يخطب يسقسو عليه ويقولولهم فيه وفيه واغلبيتهم لاباس بيهم.يعني احمدي ربي كي جا باباك ساهل. ربي يسهلك اختي والله غير دعيتلك من كل قلبي. كثري اختي من الاستخارة والدعاء وخليك من كلام الناس لخاطر هو سبابي انا.

والله العظيم لو صليتي الاستخارة بصدق واخلصت الدعاء لله تعالى واكثرتي من الصلاة فان الله سيوجهك للخير حيثما كان لكن هذا لا يمنع من السؤال عن الرجل واخلاقه ودينه وكمال قال سيدنا محمد صلى الله عليه وسلم: اعقلها وتوكل

شوفي خوالك ول عمامك يسال عليه ول احد اقارب

كيفاش هل تكفي الاستخارة سامحيني حبستيلي راسي ؟ هل يوجد من هو على سطح الارض يعرف ماهو خير لنا احسن من ربي ؟ لا تقوليلي لا ابوك لا اخوك لا امك
انت استخرتي ربي هو رح يدلك يوجهك للامر او يبعدك عنه اذا فيه خير رح يسهلك اذا شر رح يضعبلك وفي كلتا الحالتين قلبك راح يرتاح هاذي هي الاستخارة وهي اس الزواج وليس الاهل

وحذاري الاستخارة تصليها وانت عندك ثقة في ربي حذاري

اقتباس:

المشاركة الأصلية كتبت بواسطة كلنا لله تهدر يماك مع باباك و تحاول تقنعو باش يسقسي عليه المراة مهما يكون عندها تاثير على راجلها تبقا كل نهار توسوسلو حتى يروح يسقسي و اذا كان ما قدرتش تجرب تسقسي هي تشوف النساء لي يعرفوه و عليك بالدعاء و ثقي في ربي سبحانو صدقيني هو لي يهديك للقرار الصحيح المهم ابتغي مرضاته و ربي يجيب ما فيه الخير

حذاري تروح امك تسقسي النسا والله كذابات عادوا يكذبوا لانه كل وحدة حابة تزوج بنتها

ماخاب من استخار و ما ندم من استشار لابأس بالسؤال عن الخاطب ان استطعتم

السلام عليكم
انا صراحة اختي عندي الثقة التامة في الاستخارة لان رب العالمين هو عالم بكل شيء توكل على الله واستخيري وخليه لانه العليم السميع

السلام عليكم صلاة الاستخارة لا تكفي لإ لشخص توكل على الله حق التوكل، حتى وإن شاع النصح بها ، إذا فكيف نفسر كثرة الطلاق و الخداع رغم صلاة الاستخارة لأنه ربما هي مجرد إجراء ديني ، انت مقياس لنفسك هل وكلت أمرك كله لله ؟؟؟؟

اختي صلي صلاة الاستخارة وادعي ربي وخلي على ربي هو لفرج كما قال اللله تعالى في سورة البقرة [ وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ ] [البقرة: 216]