هل اذهب للرؤية الشرعية أم لا داعي؟؟؟ 2024.

السلام عليكم ورحمة الله و بركاته

في رايكم ما هو الافضل؟؟؟

وحدة كي تفوت 23 سنة

أنا بالنسبة لي شخصيا منقدرش نزوجها

شكرا مراد….ربي يعطيك ما تتمنى

انا على حسب رايي روح للرؤية لانك كما قلت ربما ان لن تدهب سوف يجرح دلك شعورها و لا تستبق الاحداث فربما تعجب الوالدة الكريمة
انت روح و ادى الوالدة وبعد الرؤية ادا كان هناك نصيب دوك كلشي يسهال وادا ماكانتش فى المكتوب قول المكتوب ماكتبش كيما حصل معى مند مدة اتى شخص مالغرى الوالدة عجبتها بزاف بصح هو ماعجبتوش وكى ردلنا الخبر قالنا مانديش وماقالش السبب و هى فالاول تجى صعيبة خصوصا ادا كنت تملك الصفات التى تتمناها و لكن يبقى كل شئ بالمكتوب
وقبل كل شئ صلى الاستخارة انت والوالدة ربى يحفظهالك
وربى يتمم فى الخير

السلام عليكم خويا محمد
والله شوف نقولك بكل صراحة اللي نعرفو إنك إنسان تعرف كلام الله احق معرفة وتعرف إن الرسول عليه الصلاة والسلام تزوجنا السيدة خديجة رضي الله عنها وهي اكبر منه بكثير يعني الفارق بينك وبينها سنة وانت اكبر منها وين المشكل
امك كل امهاتنا والله لو تقولها راح نخطبها عندها 13 راح تشوف فيها الكنة وهي الحماة ههههههههه هذي واضحة وكل اللي خطبتهم ابدت نفس الإنزعاج وتروح معاك وعادي احقيقة امك كرهت منك ماشي من الطفلة هههههه كل مرة تكرها معاك وتخطب ويا محمد ممكن الطفلة تبان اصغر من سنها ممكن ترتاحولها لا خويا مديت كلمة روحو شوفوها كان ما عجبتكمش عادي ما تخسرو والو علاه تعتذز وتجرحها مسكينة قول ليماك نروحو برك ماراهيش موافقة اكيدة
إن شاء الله ال 9 ثابتة هههههه

اقتباس:

المشاركة الأصلية كتبت بواسطة سعاذ السلام عليكم شوف خيا محمد انت انسان واعي وتعرف يماك مليح وتعرف كيفاش تقدر تقنعا سسور عند طرق خاصة اذا طفلة مليحة مضيعهاش من يدك على جال هذي السبة وشكون قالك بلاك هي قعدت لهذى العمر باش تكون من نصيبك استخر و ربي يكون معاك ربي يوفقك و ان شاء الله نسمعوا الاخبار لمليحة دمتم في رعاية الله و حفظه

شكرا لك اختي سعاد ربي يحفظك

================================
والله انا كرهت كل مرة نروح نخطب

و نطمّع بنات الناس

او انا نطمع

راني قريب نحطم الرقم القياسي في الخطوبات هههه

هههه نتا ثاني واحد منهم :d وليد ماماك

انا اول مرة نسمع راجل مايلقاش مراه اكيد المشكل عندك

بلاك كل مرة تحط سبب تافه وتضخمو اكثر مايستاهل حتى تلقى روحك جبدت روحك

نصيحتي ليك متروحش راني خايفة على هاذي المخلوقة مسكينة تحصل معاك

واذا رحت قلها على الماضي تاع خطوباتتتتتتتتك الفاشلة اكيد رايحة تفرح بيك

حيرتني
خصك وحدة متدينة ولا صغيرة
امك حاول تقنعها
اولا صلي استخارة الله يوفق

اقتباس:

المشاركة الأصلية كتبت بواسطة sarah_2017 انا على حسب رايي روح للرؤية لانك كما قلت ربما ان لن تدهب سوف يجرح دلك شعورها و لا تستبق الاحداث فربما تعجب الوالدة الكريمة انت روح و ادى الوالدة وبعد الرؤية ادا كان هناك نصيب دوك كلشي يسهال وادا ماكانتش فى المكتوب قول المكتوب ماكتبش كيما حصل معى مند مدة اتى شخص مالغرى الوالدة عجبتها بزاف بصح هو ماعجبتوش وكى ردلنا الخبر قالنا مانديش وماقالش السبب و هى فالاول تجى صعيبة خصوصا ادا كنت تملك الصفات التى تتمناها و لكن يبقى كل شئ بالمكتوب وقبل كل شئ صلى الاستخارة انت والوالدة ربى يحفظهالك وربى يتمم فى الخير

و هذا ما كنت اريد معرفته

كيف ستشعر الفتاة بعدما اذهب لرؤيتها ثم يجيها الرفض؟؟؟

شكرا لك اختي و ربي يعطيك ما تتمناي

بصراحة أخي 28 سنة بزاف يا خويا والله راني نهدر معاك كي خويا

خدها في العشرينيات ومادام انا والدتك غير مرتاحة فانصحك ان لا تدهب

يا اخي كل شيء هين ويمكن تداركه ولكن رضى الوالدين فوق كل شيء

ولو كنت مكانك والله امي فوق كل شيء

وبيني وبينك نتكلم كلام رجال

28 سنة هادي فاتها القطار ولن تعيش معها في هناء

لذلك انصحك اخي بواحدة صغيرة تربيها على يديك و تعلمها امور الحياة الزوجية

لان بنت العشرين تكون كالوردة في ريعانها ويمكنك تعهدها بالرعاية والحنان فتكون لك زوجة رائعة

اما ما فاتتت ال 25 سنة تكون اكتر جرئة وتكون قد تاقلمت على امور كتيرة لا يمكنك بعدها ان تغير من تلك الامور

فحدر هده نصيحة من اخوك

السلام عليكم
شوف خيا محمد
علبالي عقبت بزاف واش سرالك ماشي ساهل
بصح شوف خيا ادي هذي نصيحة من عند اختك
كثر الاستغفار وحاول تقرى سورة البقرة يوميا او سمعها
وارقي روحك بروحك
اللهم ارزقي اخونا محمد و جميع الاعضاء
زوج(ة) نقي(ة) مخمور (ة) القلب صادق(ة) اللسان

اقتباس:

المشاركة الأصلية كتبت بواسطة مريم الصابرة السلام عليكم خويا محمد والله شوف نقولك بكل صراحة اللي نعرفو إنك إنسان تعرف كلام الله احق معرفة وتعرف إن الرسول عليه الصلاة والسلام تزوجنا السيدة خديجة رضي الله عنها وهي اكبر منه بكثير يعني الفارق بينك وبينها سنة وانت اكبر منها وين المشكل امك كل امهاتنا والله لو تقولها راح نخطبها عندها 13 راح تشوف فيها الكنة وهي الحماة ههههههههه هذي واضحة وكل اللي خطبتهم ابدت نفس الإنزعاج وتروح معاك وعادي احقيقة امك كرهت منك ماشي من الطفلة هههههه كل مرة تكرها معاك وتخطب ويا محمد ممكن الطفلة تبان اصغر من سنها ممكن ترتاحولها لا خويا مديت كلمة روحو شوفوها كان ما عجبتكمش عادي ما تخسرو والو علاه تعتذز وتجرحها مسكينة قول ليماك نروحو برك ماراهيش موافقة اكيدة إن شاء الله ال 9 ثابتة هههههه

ههههه خطبت وحدة عمرها 17 قاللك صغيرة

خطبت وحدة في عمرها 28 قاللك كبيرة

خطبت مولات 22 سنة قالت لك حابة نخدم

خطبت مولات 26 سنة…راكي عارفة القصة بلاما نزيد نحكي

و زيد وزيد ههه

انا نعرف الثالثة ثابتة..بالصح التاسعة؟؟؟
ربي يحفظك اختي مريم

اقتباس:

المشاركة الأصلية كتبت بواسطة امينة النايلية هههه نتا ثاني واحد منهم:d وليد ماماك انا اول مرة نسمع راجل مايلقاش مراه اكيد المشكل عندك بلاك كل مرة تحط سبب تافه وتضخمو اكثر مايستاهل حتى تلقى روحك جبدت روحك نصيحتي ليك متروحش راني خايفة على هاذي المخلوقة مسكينة تحصل معاك واذا رحت قلها على الماضي تاع خطوباتتتتتتتتك الفاشلة اكيد رايحة تفرح بيك:d

ما لقيتش مرا اللي تناسبني

اما النسا راهم بالآلاف

قادر نروح لوسط البلاد و نجيب وحدة من السوق

ولكن هل هذا زواج؟؟؟

==================

ملاحظة: لا تناسبني امراة عادية

اقتباس:

المشاركة الأصلية كتبت بواسطة biti حيرتني خصك وحدة متدينة ولا صغيرة امك حاول تقنعها اولا صلي استخارة الله يوفق

خصني وحدة متدينة و صغيرة و ماكثة