خياتي تعيشو قولولي لا نقدر نمد الفراولة *فريز* لبنتي لي عندها 8 أشهر؟
قريت في النت لقيت بلي ماشي مليح قبل السنة على خاطر تسبب نفخة وثاني ممكن تسبب حساسية
واش رايكم؟
عاونوني الله يحفظكم
ما قراته اختي صحيح انا تاني ننصحك ما تمديلهاش الفرولة في هاذ السن خلي كي تلحق عام بحول الله و ربي يخليهالك
ربي يجازيك كل خير أم نهولة
وربي يحفظلك بنتك انتي تاني
قادر ديريلها حساسية الافضل ماتمديلهاش انا نمدلهم غير التفاح والبنان
بارك الله فيكن خياتي
من الافضل تصبري حتى تكمل عامها الاول ان شاء الله ثم انطلقي في تجربة اطعمة جديدة
ربي يحفظها
|
المشاركة الأصلية كتبت بواسطة amani38
 من الافضل تصبري حتى تكمل عامها الاول ان شاء الله ثم انطلقي في تجربة اطعمة جديدة
ربي يحفظها |
أكيد حنونة والله صح يكبرو زمبعد مارحش الحال على بعض الأطعمة
الفرولة يا اختي شفتي كي تغسليها راح تلقاي فيها شعيرات هدوك يسببو حساسية للطفلة بصح تقدري تطحنيها بالميكسور وصنعيهالها عصير ولا خلطيها مع الحليب راهي مفيدة للقلب والاسنان
نعـــــــــــم اختي ممكن تسببلها الحساسية كي تغلق عام مديلها
تركت الفواكه المفيدة كالموز و التفاح و ذهبت للفراولة التي فائدتها بسيطة بالنسبة للصغار كما أنها صعبة في التنظيف بالمقارنة مع غيرها و أيضا ممكن تسبب حساسية فاتركيها لوقتها
بارك الله فيكن حبوباتي
خلاص راني حبست مانيش رايحة نمدلها الفريز
وراني نمدلها التفتح والموز والأيجاص
حفظكن الله
انا وليدي 16 شهر وخفت نمدهالو
اياك اختي تعطي لبنتك الفراولة راح ديرلها الحساسية حتى دير العام باه تمديلها