إسمحوا لي أنا أستعمل حساب زميلي الذي كانيشتغل في التعليم ولقد بدل مجال عمله وأعطاني حسابه لأفرغ قلبي قليلا
أنا اعمل ممرض .
اشتغلت مدة ستة سنوات وكانت الاسرة بحاجة اليا مما جعل كثيرا من امور حياتي تتعطل منها الزواج لكن مع تحسن ظروف العائلة وتوظيف بعض افرادها بدأ الجميع يستهزؤون بي ..مسكين راك شرفت ما عدا امي هما مازالو صغار
وما زالو يطيروا والكبير مشكل باش يتعامل مع ناس مفرفطين
والاكثر من هذا الذي صدمني ان الاب يملك ثروة من الاراضي وكان يخفي هذا الامر وعندما طلبت منه مساعدتي
كاد يجن فيه ثلاث خصال هي الغرور ..البخل ..انتهازي والله اصبحت اراه عدوي حتى الام لا يكفيها حاجاتها من ملبس ودواء والله كرهاتو نفسي
وما كان يضحكني عندما كنت اقدم له بعض الاموال التي جمعتها لانه كان يبني وكان قادر يستغني عني لكن شوفو
ويلعبها يصلي ويعرف ربي
وكل التضحية التي قمت بها والله دائما يدعو عليا ويكرهني ويقولي ماكش راجل حتى في احد الايام رددتها عليه من جراء الضغط ..لا يهمه أي شيء سوى نفسه ..يعرفه اغلب الزملاء الذين عملوا معه رغم انه في التقاعد الآن لا هم له سوى النافيقاش في اولاده ورغم انه مثقف لم يحج لم يشتري سيارة المهم حجرة في الطريق
ادعولي بالخير حتى نفوت هذه المرحلة
ربي يكون فالعون
ماتقولش على باباك كل هذا رغم انه باباك و غالط بصح ربي ميحبش و عاملو بالتي هي احسن و ابقا كما تعودت فانت الرابح الاكبر
اخسر الدنيا و متخسرش روحك و ربي سبحانه راه الوالدين صعاب حتى و اذا كانو واعرين
مدام امورهم المادية مليحة حاول تجبد روحك باه تجهز روحك للزواج مدام مكاش لي يعاونك لكن ابقا ظريف و عاقل هدا مكان
ربي يصلح الامور
عندك الحق تتقلق من باباك مي باباك ماراهش رايح يتبدل علا هكا لازملك تتقبلو كيما راه و هو ربي يهديه و انت ربي يصبرك و الشي الي درتو ربي يعوضك خير و رايح تصيبو ان شاء الله في ولادك .و كي يتقلق باباك ايفيتيه و ماتريحش قدامو باه ماتزتفزوش بهدوءك و هو مايزتفزكش بكلامو و ترد عليه لانو مهما يكون باباك حتى و كون يكون ماشي مليح والله ماشي انت برك يا خويا الي راك تسوفري و الله ناس بزاف نعرف حالات و الله الا محاوزين ولادهم و مخليينهم يخدمو وين جات و هوما قادرين باه يديرولهم في الدنيا دنيتين و هكاك و صابرين .الشي الي درتو ماراه ضريبة ماوالو و ربي غدوة يعوضك بمرا صالحة و وولاد يعمرو عليك الدار و هوما ان شاء الله يعوضوك في كلشي و ربي يهدي باباك
اهم شيئ في كل ما رويت ….هو انك لا تحتاج لهم ….بالتالي فكر في غد جديد و أرمي عنك ما يقولون …او ما يفكرون
و تذكر ان الله لا يضيع اجر المحسنين ……….فقط لا غير
وفقك الله اخي
ما قدمته لأفراد أسرتك حتى وإن كانوا بنتهزون الفرص
ويستغلونك للحصول على ما يريدون
أحسن حل هو أن تعتبر هذا من باب الصدقة
أي كل ما قدمته لأهلك من معونة وكانت نيتك صافية
ستجد غدا جزاءه عند الخالق
وبما أنك رأيت هاته الصفات في والدك
أقول لك مهما رأينا من صفات من آبائنا إلا أن الطاعة والاحترام يبقى
واجبا هذا لا نقاش فيه
اتركه مع خالقه هو من يحاسبه لا أنت ولا غيرك
وبما أنك الآن كبرت وأصبحت عائلتك تستطيع أن تتكفل بأمورها
فحاول البحث عن امرأة لتبني معها بيتا يعوضك وينسيك
ما أنت فيه هذا ما أتمناه لك
وكلمة أنك كبرت وفاتك الوقت ومسكين هاته العبارات حتى وإن كانت ستؤلمك فهي ستقويك أكثر
كن متأكدا أن الزواج سواء كان في وقته أو تأخر
فهو مكتوب من عند الخالق وأنا شخصيا أؤمن كثيرا
بمقولة كل عطلة فيها خير
يا أخي هناك من يتزوج في سن مبكرة وأقصد النساء والرجال
ولاينجح زواجهم
وهناك من يتزوج في سن متقدمة وينجح زواجه
والله أعلم
لا تفكر كثيرا وتوكل على الله في البحث عن زوجة
هذا رأيي
احترماتي
السلام عليكم اخي
اولا الزملاء كفاو بالردود لكن خليني نقولك اخي راك الآن راجل وبالغ وراشد يعني ما راكش محتاجهم صح لازم يساعدوك شويا وتتزوج ودير دارك لكن كان ما حبوش عادي خويا إتزوج على حسب مقدورك اما مسألة شرفت هذي ماكانش منها الراجل قد ما تقدم فالن يسمى ذلك بلوغ ورشد والنساء غالبا يتزوجو بالرجال الكبار لأانو يتحمل المسؤولية
باباك باباك مهما صار وربي طلب نطيغوهم ونحترموهم معليش خليه بصفاتو ربي يهديه ويروح وين يتحاسب لكن ما تكونش كيما هو ودير الذنوب عند ربي هذا باباك اللي تقدر ديرها تدعيلو ربي يهديه و إتكل على ربي ولقط دعاوي الخير و ربي راح يعينك لكن كان تفكر في باباك هكذا كيفاه حبيت ربي يكون معاك مهما صار هذا باباك ربي يوفقك خويا
كن متأكدا أن الزواج سواء كان في وقته أو تأخر
فهو مكتوب من عند الخالق وأنا شخصيا أؤمن كثيرا
بمقولة كل عطلة فيها خير
اما فيما يخص والدك و العائلة عموما ثق بقوله تعالى”ادفع بالتى هى احسن” و تاكد من امر واحد الله وحده من يعاقب و يكافئ لذلك اتك هذه الامور له وحده و ابتسم للحياة فهناك امور تستاهل ان نعيشها و ربى يوفقك فى ايجادة شريكة الدرب ان شاء الله اتعلم هناك نقطة مشتركة بيننا فى مشكلتك و رغم هذا فانا دوما ابحث عن بصيص الامل