السلام عليكم و رحمة الله و بركاته
من فضلكن اللي عندها حل باش تقضي على النمل تعطيهولي راهو مهبلني و مقلقني بزاف خاصة انو رايحة ندير القاطو لعرس لوستي
راني خايفة تاع الصح و جربت بزاف حوايج بصح اعاود اولي شكرا
انا نستعمل الخل او الكمون في التقوب الي يخرج منها او استعملي الدواء الخاص بالنمل راهو فعال لكن احدري انو يمسوه اطفالك واهم شيئ تنظفي المطبق بالجافيل جيدا عندما تنتهي من صنع الحلوى باه ما يقعدش الريحة لان النمل يتبع الريحة تاع الاكل
راكي كي حلتي يا لحبيبة
بالدوا وما يروحش
النمل تاع اخر زمان خخخخخخخخخخخخ
بصح انا ما يخرجليش في الشتاء حتى للصيف عندي الجنان يدخلي منو لكن فالشتاء الحمد لله في الصيف هي اللي نعاني من المشكل هدا
حنا نخدمو لعسل الحر علابيها يتوافدو علينا
مي الحمد لله ماشي بزاف
عندي وحد الثقبة صغيرة يخرجو منها راح يغلقها زوجي
حتتى انا راه عندي هاذ المشكل تاع النمل حرت كفاه ندير معاه
مرة سالت بعض الاخوات ونصحوني بمعجون الاسنان نديرو في ثقوب اللي يخرج منها
وفعلا تهنيت منو بصح في المطبخ يروح ويرجع
الحل هو الخل الابيض
رشي ثقوب النمل بالخل الأبيض أو عصير القارس عدة مرات يوميا حتى تقضي عليه و أيضا الفلفل الأسود
والله ياختي راكي كي حالتي هبلني درتلو دواء ومحبش يروح ونديرلو الخل ونبلعلو هديك الثقوب نصيب بدل المكان ان شاء الله لبنات يفيدونا
الحل هو الخل الابيض
يا اختي حنا تاني راه مهبلنا في الدار عندنا jardin
انا نستعمل الفليت يطول باش يرجع
حتى انا ما لقيتش الحل النهائ
انشاء الله يفيدوك الاخوات
ديريلو المازوت عن تجربة أنا نسكن في الريف و كان ساكن معايا درتلو المازوت والله مازاد رجع
انا استعملت في ثقوبو القطران يروح ما يوليش
الكمون ثاني فعال
ديري الزيت هاذاواش فادني أنا
اختي استعملي فــورس اكسبراس force express خاص بالزواحف وسعره عند بائع الخردوات ( الميزابي) 480 دج أي ثمناية وأربعين ألف سنتيم .. لا تتتأخري فإنه مفيد جيـــدا.