من كان الله في حاجة أخيه كان الله في حاجته
أريد منكن نصيحة
أريد شراء كويزينيار
بماذا تنصحوني أي ماركة
و ماذا تستعملن أنتن
مع ذكر مميزات و عيوب كل ماركة تستعملنها
بالنسبة لي أريد كويزنيار كيما نقولو تاع عمر كامل إن شاء الله
و يكون مليح من ناحية طياب في الكوشة
شكرا لمن نصحنني في الغرفة
و عليكم السلام و رحمة الله و بركاته
انا عندي ماركة تاع الجزائر eniem كبيرة عندها 4 كوانين و واحد في الوسط جاي بالطول تقدري تحطي عيه السينية تاع الفور لي تجي بالطول و عندها يديها اي تاع الروطي و عندها مكان في الجانب الايمن للي عندو قرعة الغاز نتمنى نكون افدتك
فيها ايضا باش تديري الجاجة تدور و تتحمر
بارك الله فيك أختي أم سفيان
بالصح كاين بنات قالولي eniem مش مليحة خلاص
أنتظر آراء البقية ؟
عندنا eniem صغيرة فيها 4 كوانن فقط , تنقص على الكبيرة بكانون نتاع الوسط , وبالجانب المخصص لقرعة الغاز , بصح العفايس الأخرى كيف كيف
ننصحك بيها و الله غير حاجة 444444444 ما تندميش عليها
ونزيد انقولك كينروح لداري ان شاء الله معولة نشري وحدة كبيرة لأني والفتها
ربي يسهلك
|
عندنا eniem صغيرة فيها 4 كوانن فقط , تنقص على الكبيرة بكانون نتاع الوسط , وبالجانب المخصص لقرعة الغاز , بصح العفايس الأخرى كيف كيف
ننصحك بيها و الله غير حاجة 444444444 ما تندميش عليها ونزيد انقولك كينروح لداري ان شاء الله معولة نشري وحدة كبيرة لأني والفتها ربي يسهلك |
بارك الله فيك شحال تسوا
اخطيك من اونيام شوف نتاع الخارح غاليين بصح متندميش
ألا يوجد مزيد من النصائح
ما عندكمش كويزينيار الكل كي حالتي ههههههههههههههههههههههههههههههههههه
انا حبيبتي عندي وحدة شريتها غير كيف بصح غالية وروووووووووووووووووعة وهي براند انصحك بيها لانها ماركة مليحة
وعلاش تروحي للغالي وانتي عندك البديل
حبيبتي انا عندي اونيام روعة روعة روعة من كل الجوانب مضهرها باهي وليزوبسيو فيها ملاح ما تتحرقش من فوق وطيب ليه ليه تحمر الوجه ولتحت تقدري طيبي الجاج مليح فيها الي دور الجاج ولا الروطي وزيد الحلوة طيب هايلة فيها ما تفسدش فيها الساعة والمنبه كي تكمل الوقت الي ريقلتيها عيله تسوني وليقراتا والبيتزا الخبز كلش يخرج هايل اشريها وما تندميش انا مين شريتها تهنيت وزيد سومتها ماشي غالية الصغيرة ب 2.8 مليون والكبيرة ب 3.8 مليون واي استفسار راني هنا
بارك الله فيكم هنادي بران قالولي ملاحة شحال شريتيها ؟
أم مرية أونيام قالولي تخسر في ساع و يفسد الباب و الحديد تاعها ؟
قدااه من الزمن استعملتيها ؟
on a artur martin française
اختي قالي زوجي وقيلة 4 ونص مع التقسيط قريب 5 لكن الحاجة خير من قيمتها
|
المشاركة الأصلية كتبت بواسطة om mo3ad
 بارك الله فيكم هنادي بران قالولي ملاحة شحال شريتيها ؟
أم مرية أونيام قالولي تخسر في ساع و يفسد الباب و الحديد تاعها ؟ |
لالا حنونة ما تفسد ما تخسر يما شراتها 25 سنة حتى راحت لامود نتاعها وبدلتها بانيام اخرى على حساب المودة هههه في الشكل القديمة كانت تعمل فيها حتى الاوزي وما فسدتش مدة 25 سنة وهي معاها وزيد ما ستحفضتش بيها بابا عرضاتو وضيافو بزاف ههه
انا تاعي عندها 4 سنوات وكانها جديدة
أختي أنيام روعة أشريها واتكلي على الله