اتمنى ان تكونوا بخير وصحة وعافية 
بدون اطالة اليوم رايحين نديروا عزيمة فالدار لبعض الاقارب عندي وحد الوصفة
لمقبلة اريد عملها لكن راني خايفة متجيش مليحة اليكم الوصفة
بلالاك تكونوا جربتوها واذا فيها عيوب او شيء ناقص قولولي
الوصفة :
نقوم بطهي صدر الدجاج في مرقة بيضاء يعني ثوم + بصل + فلفل اسود + قرفة
بعد مايطهى الدجاج نخرجوا من المرقة و نقوم بتقطيعه باليد هههه يعني نجعله فتاتا .
من جهة اخرى نقشرو البطاطا ونقصوها مكعبات ونقليوها في الزيت
في مول نحطو البطاطا المقلية ونفرغو عليها لاصوص تاع الدجاج
ونزيدوا نحطو فوقم فتاة الدجاج
ونزيدو فوقهم البيض لي نكونو خلطناه مع الفرينة ونفرغوه في المول
ونحطو فوقو الفرماج رابي 
وندخلوها للفرن حتى تنشف لاصوص وتتماسك
افيدوني من فضلكم واذا عندكم وصفة مشابهة او بعض التعديلات
الضرورية في المقادير او الكيفية ,, لازم تجي مليحة بزاااف
نحتاجها اليوم ضروري قبل صلاة العصر وشكرااا
أولا الوصفة كيما راني نشوف تصلح 100/100 مافيها حتى حاجة اللي فيها مجازفة
ثانيا نصيحة ليك : عمرك لا جربي حاجة للمرة الأولى كي يكونو عنك الضياف في الدار جربي كي تكوني وحدك وبكمية قليلة وكي تصلح يرحمها ربي
ثالثا راكي تقولي لازم جي بنينة بزااااااف هههه هي أكيد جي بنينة من المكونات بصح إذا خفتي جي بنينة نورمال نضيحتي ليك بما أنك رايحة ديريها بالفرماج والجاج والبطاطا ديري قراتان مضمون وبنين 100/100 نتاع أميرة في دنيا حقيرة جربتو وتقريبا كل الأخوات جربوه بنين ويحمر الوجه
وهذا الرابط :
https://www.djelfa.info/vb/showthread.php?t=1288438
رابعا إذا تحوسي ديري مقبلة بنينة عندك بزاف وصفات ساهلين ماهلين كيما البوراك ( بالطون أو الجاج او ….) مثلا ساهل خلاص ومضمون
أي مساعدة أنا في الخدمة
|
المشاركة الأصلية كتبت بواسطة إلهام07
 أولا الوصفة كيما راني نشوف تصلح 100/100 مافيها حتى حاجة اللي فيها مجازفة
ثانيا نصيحة ليك : عمرك لا جربي حاجة للمرة الأولى كي يكونو عنك الضياف في الدار جربي كي تكوني وحدك وبكمية قليلة وكي تصلح يرحمها ربي ثالثا راكي تقولي لازم جي بنينة بزااااااف هههه هي أكيد جي بنينة من المكونات بصح إذا خفتي جي بنينة نورمال نضيحتي ليك بما أنك رايحة ديريها بالفرماج والجاج والبطاطا ديري قراتان مضمون وبنين 100/100 نتاع أميرة في دنيا حقيرة جربتو وتقريبا كل الأخوات جربوه بنين ويحمر الوجه وهذا الرابط : https://www.djelfa.info/vb/showthread.php?t=1288438 رابعا إذا تحوسي ديري مقبلة بنينة عندك بزاف وصفات ساهلين ماهلين كيما البوراك ( بالطون أو الجاج او ….) مثلا ساهل خلاص ومضمون أي مساعدة أنا في الخدمة |
بارك الله فيك اختاه والله مالقيت مانقولك
والله صح ههه
نورمالمو حاجة لزم نجربها مش نخلي للوقت الحرج ونولي فالتبهديل
مالا انا ماحبيتش ندير البوراك ولا حاجة مثيلة بالديول لانو درت حاجة خلاف
تعوضهم ,, حبيت حاجة تجي بين تكون كمقبلة وفي نفس الوقت تكون شبه طبق
رئيسي اضافة للاطباق الاخرى تجي سواسوا
المهم اختي نشكرك مجددا وبالاك راني ندير غراتا تاع الاخت لانو عجبني بزاف
وزيد يوافق المقادير لي عندي
حفظك الله اختاه 
ألذ طبق بالصح أنا نضيف صوص بيشاميل ماشي البيض……………راهو لذيذ جدا ………….ربي يعاونكم