بسم الله الرحمن الرحيم
السلام عليكم ورحمة الله تعالى وبركاته
راني نشوف في ظاهرة بدات تتنتشر بكثرة حبيت نطرحها وتعطوني آرىءكم فيها
من المعروف انو اي بنت يكون عندها صحاباتها من القراية او من العايلة او من الحي ولا حتى من النت مي البنت كتتخطب تقطع العلاقات والغتصالت وتبعد على صحاباتها لي كانوا كما خواتاتها تعتبرهم من الماضي وفي بعض المرات ماتقولش حتى بلي تخطبت
هيا دخلوا واعطونا رايكم والأسباب لي خلات هذ العقلية تنتشر
مع العلم اني لااعمم على كل ابنات
في أمان الله
يمكن تكثر انشغالاتها
او يمكن تتسلل الانانية الى قلبها
هناك عدة احتمالات
يمكن انهن صديقات تجمعهن المصلحة
الانانية
تخاف من غيرتهن
خطيبها طلب منها ان تقطع الصلة بهن
ولكن قلة من الفتيات من يفعلن هكدا
لان الصداقة ممكن تستمر حتى بعد الزواج
ولكن ليست جميع الصديقات ولكن المقربات فقط
انا نحكي على الفتاة لي بمجرد ماتتخطب تقطع العلاقة يعني ممكن خطيبها يكون مايعرفش صحاباتها وأيضا ممكن صديقت تكون من القارب نتاوعك يعني بنت الخالة او بنت العم
قوليلي نقولك عليهم ذاك النوع
علاش تقطع علاقاتها تولي تحس انها ولات جينيرال وعندها القراد في كتافها يعني مستواها اعلى من غيرها وتولي متكسرش راسها تولي بالعربية تتكسل وكاينة حاجة اخرى تولي تلصق في وحدة كيفها مخطوبة لانها تقدر تشاركها اهتماماتها في تلك المرحلة اما اللي مش مخطوبة ماعندها مدير بيها وكاين اللي تخاف من العين والحسد وكاين انا صراتلي وحدة كنت حاطتها صاحبتي نحكيلها كل شيء تخطبت وزوجت وانا معلاباليش حتى تلاقيتها حامل هعهههههههههعععهههههههه
انا لي شفتهم في حياتي كامل ينساو صحاباتهم …….
انانية وغيرة و ثاني كاين صحابات لي يغيرو يولو يكرهو فيها في الزواج و هذاك ماشي شباب ماشي مرفة ……..الخ
يعني احيانا كي تقطع ثاني مليح
Klamk shih whadi kayna bzff
bn hia mat9oulch belli tkhatbet tkhaf men l3in wstt ida kanou shabtha mech makhtoubat
wzid juste khotba 9adr tekmlk w9ader ybatlou
amma tetbdal wtejbed roha hya kayna aussi bzfff saraha manich makhtouba wandi shabati makhtoubat wkayn l tzewjou
n9olk hna nosknou f la cite dima m3a ba3d alr lwahda k tekhtab rahi twalli wa9tha kaml lkhatibha tehki maah par telephone ya3rfou ba3dahom mlih
alr mandhach wa9t lshabtha wa9t lkhatibha
hadi hya lehkaya je pence mafihach hassasia
السلام عليكم
كيما كاين ناس يتمناو لبعضهم الخير كاين العكس و بزاف شيرات يفسدو على صحاباتهم شيرات الخطبة على
هادي كل ما شيرة صحتلها الفرصة وانخطبت راها تخاف على روحا
حقيقة ليس لدي فكرة ..لكن ساحاول الاستنتاج …ربما الفتاة تخطب اكيد هناك من الصديقات من تغتابها وتقطع فيها ..الخ …تعرفو عفايس النساء والغيرة … ……واكيد الناس الملاح والطيبين يوصلولها الهدرة …تنزعج وتتأثر …المخلوقة دخلت مرحلة جديدة حساسة جدا.تشعر بالغدر والخديعة …الحل ..تجبد روحها في صمت . ؟؟؟
السلام عليكم
اختي
بارك الله فيك
على هذا الموضوع الذي
يخدم الاسرة والمجتمع
فعلا هذه الظاهرة
إنتشرت كثير
الفتاة في هذه المرحلة
تخاف على الحسد
أو على اشياء
تمنع هذه الخطوبة
كاالسحر مثلا
فهي تفضل
الكتمان
على القول
هذا رايي الشخصي
سدد الله خطاك بكل ما تحبه وترضاه
هههههههههههههه عندها الحق وانتم تعرفوا بعضكم خير
السلام عليكم
سمحيلي اختى هذي مرهيش صداقة خاطرالصداقة اعمق من هذا
ذوك بزاف ميعرفوش واش تعني الصداقة الحقيقية ذوك اي واحدة
تتعرف على واحدة اخرى غدو تقول عليها انها صحبتها يعني اليوم
صحبتها غدوى الله اعلم سسور علاقات من هذا النوع تكون
مبنية على المصلحة و حب ذات و على جال لحوايج هذو
بزاف ولاو مايمنوش بحجا اسمها الصداقة
دمتم في رعاية الله و حفظه
ربي يهدي الجميع …الرزق على ربي
……..الغيرة…..المصلحة…..حب الذات……و أمور كثيرة تجعل البنت تتخلى عن صديقاتها……هذا الموضوع يحتاج الى نقاش كبير…..