مساكم بالخير يا حبوبات ، ان شاءالله راكم كامل غاية
حبّيت نشارككم وصفة أميّ في عمل موسكوتشو الكاكاو و الشّوكولا ،
وصدّقوني أنو أسْهل و ألذّ موسكوتشو ممكن تعمليه ، و من الصّور تقدري تشوفي شحال خفيف و هشّ *.*
الوصفة باذن الله ناجحة مع الجميع ، و تقدري تستعملي أي مول تحبيّ ،
نبدأ على بركة الله
المقادير :
7 ملاعق كبيرة فرينة
1 ملعقة كبيرة كاكاو غير محلىّ ( أنا نستعمل تاع نوّارة ، جودة عالية )
8 ملاعق كبيرة سكّر أبيض عادي
2 كيس خميرة الحلويّات
4 بيض ( حجم متوسّط ) – مفصول الصّفار عن البياض
2 و نص ملعقة كبيرة زيت
100 غ شوكولا سوداء ( Ambassadeur noir )
ربع كاس حليب
1. سخّني الفرن على 180°
2. طلّعي بياض البيض كالثلج ثم أضيفي السكر + الصّفار + الزّيت النباتي و تابعي الخفق ( 2 دقيقة )
3. أضيفي المكونات الجافة : الفرينة + الكاكاو + الخميرة و امزجي مليح 8 دقائق
القوام الليّ تحصلي عليه رغوي و سَائل .
4. ادهني الصينية بالزّبدة و رشّيها بالفرينة ( انفضي منها الفرينة الزّايدة باش ما تلصقش في قاعدة الموسكوتشو ) .
أنا استعملت صينيّة بأبعاد 35*22 سم . طيّبيها لمدّة 17-20 دقيقة ( 180° ) وما تفتحيش عليها حتّان تطيب .
5. وهي تطيب سخّني ربع كاس حليب و ذوّبي فيه الشّوكولا
ولماّ يجهز الكيك غطّيه بصوص الشّوكولا و حطّيه في الثلاجة ليتماسك أو قدّميه دافئ
شوفو شحال خفيف و طريّ
ما تنساوش الدّعاء لأميّ بالشّفاء العاجل يا الزينات 
وان شاءالله تعملوا هاد الوصفة البسيطة و تعجبكم
ماشاء الله خفيفة جدا يعطيك الصحة وربى يشفى الوالدة الكريمة
ما شاء الله سلمت يداك
امممممم يعطيك الصحه
تشهى ربى يحفظها و يشفيها و يطول فى عمرها قولى امين
ما شاااااااااااء الله
|
المشاركة الأصلية كتبت بواسطة الاء هبة الرحمان
 ماشاء الله خفيفة جدا يعطيك الصحة وربى يشفى الوالدة الكريمة
|
آمين ياربّ العالمين.. و جميع مرضى المسلمين إن شاءَ الله
شكرا خيّتي آلاء ، شرّفتيني بأوّل ردّ.. ربيّ يبارك فيكِ
|
المشاركة الأصلية كتبت بواسطة ام نور و جمانة
ما شاء الله سلمت يداك
|
وربيّ يحفظلك نور و جمانة الزّينات ،
نوّرتي
|
المشاركة الأصلية كتبت بواسطة ام شريف
راهي باينا خفيفة ولديدة يعطيك الصحة والشفاء العاجل للوالدة
|
آمين ياربّي
فعلا بنينة بزّاف بزّاف و ماتدّيش منّك أكثر من 10 دقائق في تحضيرها 
ان شاءالله تجرّبيها و يحبّوها الأطفال
|
المشاركة الأصلية كتبت بواسطة أم إناس
امممممم يعطيك الصحه
|
تعيشي حنّونة، فرّحتوني بردودكم المحفّزة
|
المشاركة الأصلية كتبت بواسطة الامل نور
ما شاااااااااااء الله
|
|
المشاركة الأصلية كتبت بواسطة janino
تشهى ربى يحفظها و يشفيها و يطول فى عمرها قولى امين
|
آمين إن شاءالله
ربي يخليكم لبنات ، ربي يحفظكم
مشكورة ربي يخليلك الوالدة الكريمة
ويخليها تاج فوق رؤسكم
bayna hchicha ya3tik al saha
|
المشاركة الأصلية كتبت بواسطة الصوامعية
مشكورة ربي يخليلك الوالدة الكريمة
ويخليها تاج فوق رؤسكم |
آمين يارب عاجلاً غيرَ آجل
الله يبارك فيك أختي، وشكرا على الدّعاء، ربيّ يخلّيلك كل غالي