ما نكذبش عليكم .عندي شحال و انا في هاد المنتدي مي ما كنتش ندخل لهادا القسم تاع التنظيف و الخ….
لكن لما دخلت لقيت بزاف صوالح كنت نحب نعرفهم و تعلمت بزاف صوالح و وليت ما نصبرش باه نجي هنا و نشوف كاش جديد و يعطيهم كامل الصحة اللي كاو السبب في هادا و استفدت منهم
هادا الموضوع فتحتو باه نستفادو اكثر م بعض
خصوصا في مواد التظيف و خلطات التنظيف
كامل رانا نشوفو انواع و انواع تاع الماركات تاع التنظيف و تحيري واش تجيبي
كاين مخصوص للافران و كاين مخصوص للزجاج و مخصوص للارضية و البلاط و الغبار و الاثاث و المرحاض و الدوش .. و المطبخ….
حتي تحيري واش تجيبي و احسن الانواع
انا هنا كل واحدة تقولنا علي احسن الانواع اللي تستعملهم و الانواع اللي ما فيهمش فايدة
تاني نحكو علي خلطات التنظيف كيما الخل للزجاج و الارضية و غيرو………….بزاف وصفات و عفسات تساعدنا و تنقص علينا
يا ريت نلقاو تفاعل
و ادا ممكن نحطو صور للمنتجات
هادا الموضوع مش للاشهار و انما لتحل الفايدة علي الجميع و نستفادو اكثر و نتعلمو اكثر
حتي في صوالح الملابس و غيرو و غيرو
يالله مستنية اجوبة كالمطر باه نتعموا مع بعض
بارك الله فيك حبيبتي شهيرة
بالمناسبة كنت نحضر في موضوع خاص بمواد التنظيف و الخلطات لكثرة ما وصلتني طلبات البنات على هذا الموضوع
و نفتح المجال للبنات في المنتدى باش يستفادوا و يفيدونا بخبراتهم
لما فتحتي أنتي هاد الموضوع
رايحة نحط موضوعي عندك ضمن المشاركات
مازال ما حملتش الصور
لما نحملها راكي تلقاي مواد التنظيف اللي نستعملها عندك مصدرة
ههههههههه
مارايحاش نبطا عليك بإذن الله
شكرا لك
يعطيك الصحة اختي حبيبة رانا نستناو في نصائحك اللي فعلا انا شخصيا استفدت منها و راح يكون موضوع يتشارك فيه الجميع و كل واحدة تقول واش تعرف حتي و شيء صغير من عندي و من عندك و من عندها راح تولي موسوعة تاع ربة بيت من الطراز الاول
موضوع روعة حتى انا استفدت من مواضيع الاخت حبيبة ربي يجازيك
بسم الله الرحمن الرحيم
حبيبتي شهيرة1
راني جيت و جبت معايا واش وعدتك
المنظفات اللي نستعملهم في الدار
و حتى الخلطات اللي جربتهم و راني معتامدة عليهم في التنظيفات اليومية و العميقة
نبدا بالمنظفات
رايحين تلاحظوا أن المنظفات كلها بسيطة و صنع البلاد و في متناول الجميع في كل المستويات
ما نكدبش عليكم جربت من المنظفات مالا يعد ولا يحصى
بما أنه ما عنديش اللي ينصحني في هاد الموضوع و يقولي واش هو المنظف المليح و المنظف اللي ما منوش فايدة
و حتى المنظف اللي يفسدلي الحوايج و يعدمهملي
المهم أحسن المنظفات بالطبع هي الأجنبية
لكن بحكم أنه غير متوفرة على الدوام و تستبدل في السوبرماركات بمواد أخرى
معناتها المنظف اللي تلقيه في السوق هاد الأسبوع مارايحاش تلقيه الأسبوع القادم
أي كي تشريه و يعجبك و توالفي النظافة و الفعالية اللي يعطيهالك
تحوسي عليه ما تلقيهش
حوست على حل ثاني
هو المنتجات المحلية
لاحظت أنها تملؤ المحلات و السوبرماركات
و نادرا ما تشح من الأسواق
أعدت الكرة و بدأت بتجريب مختلف الماركات الوطنية
كل حسب فعاليته
كاين كلي مادرتي والوا
وكاين تباريك الله ولاوا رفقاء دربي في تنظيفاتي اليومة
من كثر ما عجبوني
و في الأخير إستقريت على هاد المنظفات:
محلول النظاف
قوي جدا على الأرضيات
لا تستعملوه إلا مخففا في الماء
إيغل سائل رغوي معطر
منظف إيزيس
سائل رغوي معطر
منظف الأرضيات المعطر
توب الوردي
مش هادا الوردي الثاني لونه أعمق
رائحته أجمل
محاول جافيل
إيغل
أو بريف
محلول جيل جافيل
4 في 1
هادا يعجبني بزاف
نستعمله في غسل المواعين
و الأسطح شديدة الدهون و الإتساخ
و ما نستغناش عليه
صابون المواعين
إيزيس
لكن مالقيتهش هادي مدة في المحلات
إستبدلته مؤقتا بصابون
إيغل مزيل الدهون
و لطيف على الأيدي
و قطرات من الخل الأبيض
في غسل كل شيء في البيت
فعال للغاية
منظف الأسطح فعال كذلك
نستعمله في تعقيم المغاسل
و في تنظيف الجدران للكوزينة و الحمام و المرحاض أعزكم الله
منظف الفرن
أنا نستعمله للفرن من الفوق فقط
و أحيانا كثير نرش بيه على الجدران خلف و بجانب الفرن
يعطي حتى هو نتيجة فعالة و ملحوظة للفرن و الجدران
منظف الأفران و قوي على الدهون
لكن رائحته قوية جدا
نستعمله تنظيف الفرن من الداخل
ملمع الخشب
ملمع الزجاج
ها هوما رفقاء دربي متجمعين
باش يتصوروا
في السلة اللي نخزنهم فيها في المخزن
تشييييييييييز
صورة أخرى للذكرى
(شفتوا كي راهم فرحانين)
و هاهي صديقتي الحميمة
وين مانروح في الدار تروح معايا
قاع ما تخطينيش في التنظيفات
بالنسبة للخلطات
لتظيف الأرضيات بعمق
نستعمل غطائين من
محلول النظاف
قوي على الأرضيات
غطاء من منظف
إيغل سائل رغوي معطر
غطاء من منظف إيزيس
سائل رغوي معطر
و غطاء من منظف الأرضيات المعطر
توب الوردي
مش هادا الوردي الثاني لونه أعمق
رائحته أجمل
نخلط الماء جيدا بهذه المنظفات
نرش و نفرك الأرض
ثم بعد تجفيفها
نشفوها بالفوطة مغموسة في الماء الدافىء به
و قطرات من الخل الأبيض
لتنظيف الشباك
ماء به:
قطرات من
خل أبيض
لتنظيف جدران الغرف
ماء به :
منظف
إيغل سائل رغوي معطر
غطاء من منظف إيزيس
سائل رغوي معطر
و قطرات من الخل
لتنظيف الثريا
نأخذ قنينة بخاخ فارغة
و معطر
و منظف الزجاج
و مطهر الأرضيات معطر(للتطهير)
و الخل الأبيض
لتنظيف الأسطح في المطبخ و حتى التنظيف الدوري للفرن
علبة بخاخ فارغة
نملؤها ب:
غطاء من منظف
إيغل سائل رغوي معطر
غطاء من منظف إيزيس
سائل رغوي معطر
غطاء من الخل الأبيض
يعطيك الصحةيا حبيبة
منتجاتك تفتح النفس للشغل
غدوة باذن الله نروح للسوبيرات نشري كامل هاذ الماركات وحتى السلة خخخخخخخ
باااااااااااااااااااااااااااارك الله فيكي حبيبتي حبيبة
يعطيك الصحة يالحبيبة والله انا نمووووووووووووووت على التنظيف والحمد لله لقيت رفيقت دربي ان شاء الله نستعمل طريقتك لانو اغلب المواد لقيت روحي نعرفهم مي ما نستعملهمش كيما انتي
برك الله فيك اخيتي وحفظك الله وصانك
يعطيك الصحة اختي حبيبة بارك الله فيك
جربت مثلا صابون تاستteste لغسيل كل من الاواني و الارض و نتيجة مرضية فعلا ما لقيت صورتو هو لونو برتقالي من برا و متواجد بكثرو و منتوج محلي
كذلك جافيل bref من احسن الانواع و نستعملوا فقط هو
كذلك ريت منتجات لتنظيف الافران و قليل فقط اللي فعال و اخر واحد هو mr.musle
شريتو ب 300دج
و كاين تاني mr propore
فيه انواع كثييرة و اغراض متعددة
جربت المناديل المبللة تاع منظف الاسطح و ما فيه حتي فايدة بالعكس خلالي الاسطح لون اشهب و فيه منو تاني للغبار ما جربتهاش
اما حشاكم للمرحاض انا نستعمل نصاح او نظاف روح الملح و فعلا فعال و يزيل الرواسب و يخليها لون ابيض و نستعمل بعدو معطر الريحة او الصانيبو sol top
الوردي و الاخضر الاثنين ريحتهم وعة
اما الملابس فانا نغسلهم ب صابون le chat machine
و يخرجوا روعة من ماشينة الغشيل
هدا اسمو مينيدو روعة في تعطير الملابس يمنحها عطر يهبل و يعطيها انتعاش مرة مرةم نستعملو في الالة كان هاك كيما هادو تاع الاكياس الصغرة و كاين قاروروات
بارك الله فيك
راكي عطيتينا معلومات و منتجات فعالة
لكن نظن راه عندنا نفس المشكل
المنتج اللي يعجبنا و نولوا نحبوه من قلبنا
ينقرض من الأسواق
رايحة نخرج عشية و نحوس على المنتج الأخير ملطف و معطر الملابس و نشريه بإذن الله
راه عجبني
شكرا لك
وااااااش
ماتشاركوناش خبراتكم في عالم منتجات التنظيف
رانا نستناوا ناخذوا الفائدة منكم حبيباتي
راني شريت ملطف الملابس
ربي ينصرك و يعطرك بأزكى عطور الجنة
اللهم آمين
فعلا ريحته روعة
كنت حابة ندير القش ينغسل في الماشينة عند المغرب من كثر ما تقلقت باش نجربه
أنا شوية مقلقة في هاد الصوالح ما نجمش نصبر
ما لقيتش العبوة
لقيت برك الساشيات كيما اللي حطيتي الصورة نتاعهم
بصح اختاريت اللي لونهم بنفسجي
قلت نجربه و من بعد نحوس على العبوة
غدوة إن شاء الله رايحة نجربه و ندعيلك
شكرا لك
واش هما المواد اللي نستعملهم عندي مكان الطياب مطاشي بالزيت ومابغاش يتنقى وماهوش فايونس بنتورة وقولولي على مبيد حشرات فعاال راه مهبلني القرلو وماتقولوش من الوسخ لاني جبت بيفي اوكازيون باسيت بيه وبرودوي تاع الكويزينيار اللي مليح شوية صفارت وخفت تزيد
وربي يجازيكم