أولا عليك بتنضيفه
خلي الكرشة وحدها باش تعمريها و تخيطيها
قطعي كل واش عندك من الرية الىرشة الصغيرة المصارن الكل ( كل واحد كيفاش يسميهم)
دوزنيهم أنا نعمل التوم+ملح+فلفل+كمون+راس الحانوت+معدنوس +روز يابس+نعناع يابس و كاش ما تحبي زيدي من التوابل الي تحبيهم
تم حطي هدا الخليط في الكرشة ديالك و طيبيها في المرة اما مرقة الطعام و لا كيما حنا في الغرب نديرو تشيشت بالمرقة و الخضرة حمرة مع الكتير من الكرافس فالمرقة.
ان شاء الله نكون فاديتك
احنا هكذا نديروه :
كبدة مقطعة قطع صغيرة
قلب مقطع قطع صغيرة
رئة مقطة قطع صغيرة ( بعد وضعها في ماء مغلي لمدة دقيقة تقريبا )
أمعاء ( الدقيقة ، الصغيرة ) مقطعة قطع صغيرة بعد تنظيفها و إزالة المادة المخاطية بها ، و سلقها لمدة دقيقة تقريبا في ماء مغلي
دشيشة (( في بلاصة الروز ،، الدشيشة الي هي المرمز ،، أو الفريك ،، لكن ماشي الي تتخدم في المصانع ،، الطبيعية الي تجي مع الشعير ،، حتى ريحتها ريحة الشعير ))
حمص
بصل مقطع قطع صغيرة
معدنوس
قصبر
نعناع
فلفل أحمر ( عكري )
فلفل حار
فلفل أسود
كمون
ملح
زيت
و الباقي راكي تعرفيه نوغمالمو ^^ عمري و طيبي و بصحتك 