من يعرف هذه الحريرة 2024.

اكلت ذات مرة في الغرب الجزائري حريرة ذوقها رائع قوامها خفيف لونها شفاف وكانها صنعت بالماء فقط لا توجد بها اي شوائب ندل على ان هناك خضار مرحية ولا توجد بها ثقل الفرينة خفيفة جدا ولاحظت بها بعض الخيوط الرفيعة اظنها للبيض وليست تكتلات للبيض بل بعض خيوط فقط ارجو من الاخوات التي تعرف صنعها ان تضع لنا الطريقة فهي تصلح للعزائم بذوقها المميز والتي لا نجدها في كل بيت
انا في الانتظار ارجوكم

اختي ربما البويون العادي

لا يا اختي ليس البويون لان البويون تظهرلك الخضرة المرحية وتعقدلك الحريرة تاعك وكذلك ما نديروش فيه البيض

اهلا اختي انا اعرف الحريرة جيدا يوجد من يطحن الخضر بالميكسار جيدا و طبعا تكوني قد اضفت التوابل و راس الحانوت و في الاخير انا اضيف اصفر حبة بيض محلول في قليل من عصير الليمون و هناك طريقة اخري تضيفين الفرينة المحلولة في القليل من الماء و تخلطي جيدا تجي روعة ارجو ان يكون هذا ما تبحثين عنه

جربتها بالميكسور لكن ظهرلي اللون البرتقالي تاع الجزر واللون الاخضر تاع الجريوات والي كليتها شفافة تماما وفيها خيوط بيضاء تاع ابيض البيض ايضا ارجو اني فسرت اكثروهذه الحريرة كيما قلت ماشي معروفة عند الناس كل لاني اول مرة ناكلها على هذاك حرت فيها كيفاه مخدومة

اختي ام شارفو هذي حريرة من غير خضر
تديري التوابل كمون في زيت وتطيبيها في ماء ومن بعد حلي فرينة فيها وتجيك عاقدة شوية ولون ابيض من الفرينة
هذي يما تطيبها

السلام عليكم
هدا مجرد رايي
في جوابي لم اعطك الوصفة بل شرحت لك فقط الغموض
في العادة في اعراسنا كي نطيبو الحريرة نعملو في الوصفة خضر و حمص و حتي روز و عدس و لكن كي تطيب نقوم بنزعها اي يبقي البيون وحدو لان معروووف في الاعراس نطيبو بكميات كبيرة من اللحم و نزيدو نثقلوه بشوية فرينة ماشي بزاااف بالطبع مضاف اليها شوية بيون يكون برد باش ما تتكورش الفرينة
و نزينوها بla crème fraiche
علي ما اظن تلك الخطوط هي من الكريمة الطازجة

كاين بعض ناس الغرب كي تطيب الخضرة ينحوها من الحريرة ويخلو غير المرق ولحم فقط ويعقدوها بالفرينة وتجي تقريبا لونها ابيض
وكاين ناس نعرفهم يسموها الشوربة البيضاء
والله اعلم

كلام اختي ام رنا واختي مريم معقول جدا واقرب الى الحقيقة على ما اظن فشكرا لكما
اما اختي سيسي فشكرا لك هذه الحريرة معروفة لدي ونديرها احيانا

مشكورا اخواتي على الافادة ربي يحفضكم

اقتباس:

المشاركة الأصلية كتبت بواسطة ام رنا كاين بعض ناس الغرب كي تطيب الخضرة ينحوها من الحريرة ويخلو غير المرق ولحم فقط ويعقدوها بالفرينة وتجي تقريبا لونها ابيض وكاين ناس نعرفهم يسموها الشوربة البيضاء والله اعلم

لا اسمحيلي اختي ام رنا شوربة بيضاء ليست بحريرة
شوربة بيضة تجي بعنقوق الجاج,الحمص وبصل وفلفل احكل وزيت وقرفة وتخليها تطيب وتضيفي الروز يطيب وكي يطيب الروز تفقصي عليها أصفر تاع البض وتعصري عليها القارص

اقتباس:

المشاركة الأصلية كتبت بواسطة نينا الجزائرية اختي ام شارفو هذي حريرة من غير خضر تديري التوابل كمون في زيت وتطيبيها في ماء ومن بعد حلي فرينة فيها وتجيك عاقدة شوية ولون ابيض من الفرينة هذي يما تطيبها

هنا اخطات يديرولها الكروية وحرور وزيت وزيت وثوم وتخليها تغلي وفرينة حليها في ماء واعصريلها القارص وديرها داخل القدرة

نضع في قدر الحمص و اللحم و ربطة قصبر و معدنوس نضيف الطماطم المرحيةو البصل المرحي ثم الزيت الملح سكينجبير الزعفران الكركم الفلفل الأسود و نضعها فوق النار للنضج مع اضافة الماء بعد النضج نضيف الكروية الكبابة و الطماطم المصبرة و نعقدها بالمايزينة مع الماء و بالصحة

مازالني ماقطعتش لياس ممكن واحدة من الاخوات تعرفها مليح ونظنها بدون خضر والا تطيب وننزعوها مانرحيوهاش