من منا ضحى بالآخر اشعر بالموت فقط 2024.

السلام عليكم جميعا
اللي قرا حكايتي حبيت اليوم نقلكم تفاصيل اكثر و الله و الله غير ربي لي يعلم شحال محتاجتكم
الشخص اللي حكتلكم عليه بدات حكايتنا في ال 10 سنوات برسائل و تصرفات طفولية تحديتها و تحديت احساسي و رفضتها حفاظا على ربايتي و كرامة اهلي و بقى ورايا
نهار راح للعسكر بكيت اكثر من الناس الكل و كنت نحترق و نخمم عليه في كل ثانية و مع هذا تظاهرت اني ما نحبوش خوفا اني نضعف و نكون معاه بعلاقة
و بعمر 27 اي بعد 17 سنة ارسل اختو على اساس نيتو صافية و كانت فرحة عمري و صارحتو اني ضد علاقة ماشي ضدو كشخص و كان فعلا مليح بزاف معايا و لكن المشاكل ظهرت انهم طولو باه يديرو خطوة رسمي و هو تظاهر بقتل نفسو مرة برصاصة و سمعتها و كدت فعلا نفقد اعصابي ليل و نهار نبكي قريب جنيت و ظهر ماكان والو
كان يجي من العسكر و يطلب نشوفو نرفض مع اني نحترق انتظرت انو يدير حاجة رسمي تخلي عندنا الحق نتلاقو هو اعتبرها اهمال و اني بايعاتو و حقد علي
مرة اخرى اتصل و قالي خسارة فيك عمري ضيعتو جن جنوني قتلو متأكد قلي من اليوم و رايح راكي ليبر سكتت قالي مانسمحش فيك مهما يصرا … و بعدها اعتذر و قال ماعلابالوش بروحو علاه دار هكدا
و مرة اخرى قالي تسمحي فيا قتلو لا و اكدتلو صار يضحك باسلوب سخرية و دون اسباب حسيت قلبي يتقطع و سكتت
حسيتو اذن مخبي حاجة سالت عليه قالو يحب جارة اخرى و خلاتو و تزوجت و هو مرض نفسيا
جن جنوني خبرتو توقعت على الاقل ينفي او ياكد رد فعلو بالعكس غاضاتو لي قالو عليه هكذا و صار من وقتها اكثر من المجنون معايا
و صار يهدد و يتوعد على اتفه الاسباب و انسحبت من حياتو و قطعت اللي بينا
حس بغلطتو بعد مدة و صار يرسل اختو تتوسط و يلحق فيا و رفضت حتى الحديث معاه
و بالصدفة بعثوه للصحراء و انقطعت اخبارو و بعدما هديت توقعت منهم خطوة رسمي والو و بعد عامين قبلت بغيرو على اساس كنت متأكدة اني ما نهموش
و حتى خطبتي لغيرو ما تمتش لاسباب عدة و فسختها

اسفى على الاطالة لكن حبيتكم تفهمو كلشي و تحكمو
ادعولي

السلام عليكم اختي
انت لم تفعلي الا الصواب الرجال هكذا التي تحبهم و تودهم و تريد ان تكون معهم في الحلال يفعلون بها هكذا
ربي يكون في عونك اختي ودعي ربي يكون معاك و يبعثلك الافضل

انت كنت ضحية مريض نفسي مع كل احتراماتي
انا كنت نعرف واحد مريض نفس المرض ، ربي يهدي ما خلق ربي يرزقك زوج صالح

ربي خلصك من واحد مريض نفسي ومش راجل لو كان صح كان حاب يتزوجك علاش تزوج بأخرى؟؟

كذالك من قال لك انها مرتاحه معاه مع شخض مرض مثل هذا

كيف يسمعك طلقة رصاصة ويقول لك سأقتلك تفسي هذا جنون

هوني عليك يا اختي راكي حاملة فوق طاقتك …انتم عشتو قصة مجنونة بكل ما فيها وعليها لكن في الاخير ارادة الخالق رب العالمين هي التي حكمت …حاولي اتعيشي حياتك واكيد مش راح تنساي ذرك او في وقت ات قريب لكن تاكدي ان الزمن والايام كفيلة بذلك عليك الايمان بالقضاء والقدر ..اجعلي هاته القصة مجرد ذكرى بحلوها ومرها وانطلقي من جديد فالدنيا لا تقف عند احد …كي تضياق بيك قاع الدنيا ارجعي لله رب العالمين فهو لا يرد احد خائبا.

المعروف واحد غير ينوي وحدة في الحلال يدخل مباشرة للدار هذا طول و راح يخدم و انت تسناي وعلابالو بلي حاباتو بصح بما انك اتقيت الله و ما سايرتيهش لقى الاسباب مرة فيك و مرة في مواليه وصاهم يجو يخطبو و ماجاوش انا نقولك صراحة
مهما طالت مدة حبك له او بالاحرى تعودك عليه لا يعني شيئا لانك لم تكوني في قواك العقلية الكاملة كنت لاتية بمشاعرك وخوفك عليه
الحقيقة لازمك فورا تقلعي عن التفكير لانه حجز شعورك و احساسك بالامان لانه مريض نفسي و الله حماك منو هذه نعمة
بما انك قلتب ضيعت عمري في التفكير فيه انا نقولك اذا حبيتي تكملي ضيعي عمرك الباقية ابقاي تبكي على اطلال الامراض و الاوجاع ديالو هو دار حياتو و انت ابراي من الجرح و تقربي من الله و ديري حياتك
انت ما ضحيتي به ما والو درت الصح و الله وراهولك على حقيقتو
هذيك فترة من حياتك مكتوبة و الان تبدل كل شي و عندك حريتك
تعرفي فرحتلك لي تخلصتي منو و اتقيت الله

يبدو لي أن هذا الشخص ليس سوي…. احمدي ربي على كل حال.

ربي يفرج عليك ان شاء الله

فيقي من نعاسك واسغفري الله وتوبي فأنت متخلقة مثل ما تقولي

اقتباس:

المشاركة الأصلية كتبت بواسطة yousra14 فيقي من نعاسك واسغفري الله وتوبي فأنت متخلقة مثل ما تقولي

لم ادعي اني متخلقة أنا حكيت الحكاية كما هي و حتى إذا غالطة على العكس انا طلبت النصح سلبا و ايجابا يهمني يقلك خذ راي اللي يبكيك
فعلا حابة نفيق
و اللي قهرني انو تمسكي بمبادئي هو اللي تفهم عدم اهتمام
شكرا لردك يسرى اختي انت و جميع من رد

شكرا لردودكم كلا باسمه
عييت نفهم للدرجة هادي كاين اللي يحب واحدة تهتم بيه قبل ما يكون بينهم حاجة رسمي بحجة الحب فقط
و لانو متأكد بلي تحبو يبعد و يضمن لي راح تستناه و يا ريت عامين كفوه لا يعذبها باللوم لأنها قبلت بغيرو لأنو على حجتو كان يجري وراها بصح
كيفاه يجري صح يستنى نهار كامل امام مكان عملي و يحاول يكلمني بالهاتف لكن. ما شفت حتى خطفوه لأهلي على الأقل يأكد نيتو
سبحان الله يقلك وينهم بنات الفاميلا. و اللي تتمسك برايها و تطلب حاجة رسمي يقلك حقرتني ما تحبنيش و تتظاهر و باغية الزواج و خلاص تجبد روحها. تستنى عامين تقبل بغيرو يقلك علاه باعتني
اسبحان الله في خلقه

كيفاه يج

حنونه نتي كنتي غيه شويه حنا نساء نضحوا بلبزاف ونحرقوا انفسنااااااا على حشاك كلاب ماشي عباد هههههه اختي انا نقلك راجل ولله ولله قسمممممممممم ميحبش بنت متساهله هو شافك طايح فيه يملا استغلك احسن استغلال وادا بقيتي هك صدقني راح تغلطي هو مش خاسر راه تزوج وفرمطاك لا ومزاله يتمسخر بجدكككككككككك خليك منه الله لا شاف خير مهم في صحتك وروحك تهلي فيهههههههههه هو باعك بعيه عزيزتييي