ا
في هذا الوقت من السنة يكون الفلفل بأسعار منخفضة قليلا بحيت تقدري تعملي كميات و تخبيها لرمضان مثلا
لذلك جبتلكم هذه الطريقة
هي طريقة جدتي الغالية جدا جدا جدا على قلبي ربي يسلمهالي و يخليهالي و يحفظهالي من كل مكروه
طريقة ترقاد الفلفل الحار :
راح نعطيلك مقادير قارورة الماء نتاع 1 ل و نصف
**تاخذي الفلفل نتاعك أنا هنا مثلا أخذت قرن غزال القصير غسلتو مليح و قصيت القطامر نتاعو اللي يكونوا طوال
[IMG]
[/IMG]
**ثم تقسمي الوحدة على 2 طوليا هكذا
[IMG]
[/IMG]
**و ترصيه في القارورة حيث أن الكمية نتاع الفلفل حسب حجمو و قداش هزتلك القارورة
** ضعي 2 م ك ملح المائدة لكن من المستحسن الملح الخشن
**و 1 م ص كروية مرحية + 1 م ص كسبرة يابسة مرحية + 1 م ص كسبرة يابسة حب + 2 فصوص ثوم مقسومين على 2
[IMG]
[/IMG]
** ثم أفرغي الخل حتان توصلي قريب للنص حوالي 2 صباع أقل من نصف القارورة
** و اكملي الباقي بالماء خلي حوالي قدر فنجان باش تتمكني من رج القارورة لخلط المكونات
** رجي القارورة جيدا جيدا و أكملي بالماء
[IMG]
[/IMG]
**ضعيه بدرجة حرارة الغرفة في الشتاء مدة أسبوع إلى 10 أيام و تقدري تاكلي منو بعدها
**أما في الصيف خليه مدة يومين في الشرفة نتاع المطبخ و من بعد حطيه في الثلاجة مدة 10 أيام باش تقدري تاكلي منو
هنا بعد يومين شوفي كيفاش بدا يصفار و تتنحالو لخضورية
[IMG]
[/IMG]
[IMG]
[/IMG]
التوابل اللي يتحطو فيه راح يعطيولوا بنه مميزة و هذي هي طريقة جدتي الغالية ربي يحفظها و يخليهالنا دايما معمرة علينا الدنيا
ملحوظة:
-من الأفضل ما تفتحيهش طوال مدة الترقاد
– و في فصل الصيف من المستحسن تخليه في الثلاجة بعد ما يترقد باش ما يفسدلكش بفعل الحرارة
هذا رابط لموضوع الهريسة الحارة المنزلية كنت وضعتو من قبل للي عندها الفلفل الأحمر الحار و الحلو
https://www.djelfa.info/vb/showthread.php?t=1254538
|
المشاركة الأصلية كتبت بواسطة jackin
 ماشاء الله يعطيك الصحة
|
الله يسلمك عزيزتي شكرا ليك
يعطيك الصحة فكرة رائعة وسلامي إلى جدتك الغالية
أملا كملي خيرك وقوليلها تتحفنا بوصفات أخرى لترقاد الخضر
بارك الله فيك أختي
|
المشاركة الأصلية كتبت بواسطة أم عائشة 10
يعطيك الصحة فكرة رائعة وسلامي إلى جدتك الغالية
أملا كملي خيرك وقوليلها تتحفنا بوصفات أخرى لترقاد الخضر بارك الله فيك أختي |
الله يسلمك عزيزتي إن شاء الله عن قريب نجيبلكم الوصفات نتاع المخللات
يعطيك الف عافية حبيبتي
ماشاء الله يعطيك الصحة
يعطيك الصحة شئ مذهل
|
المشاركة الأصلية كتبت بواسطة linat
يعطيك الف عافية حبيبتي
|
الله يعافيك لينة منورة الصفحة بردك عزيزتي
|
المشاركة الأصلية كتبت بواسطة la princesse
|
العفو عزيزتي شكرا لمرورك الكريم
|
المشاركة الأصلية كتبت بواسطة ام بسومة
ماشاء الله يعطيك الصحة
|
الله يسلمك و يبارك فيك أم بسومة منورة الصفحة بوجودك
|
المشاركة الأصلية كتبت بواسطة نصرية
يعطيك الصحة شئ مذهل
|
ربي يبارك فيك عزيزتي نصرية نورتي صفحتي
|
المشاركة الأصلية كتبت بواسطة samah samah
☻موضوووووع راااااااااائع ☺
☻يسلموا على الطرح المميز☺ ☺في انتظار جديدك ☻ ☺تقبلي مروري☻ تحياتي ♥♥ |
شكرا عزيزتي سماح ربي يبارك فيك و يحفظك
يعطيك الصحة حبيبتي 
كنت نحوس علي الطريقة
|
المشاركة الأصلية كتبت بواسطة ouricia
يعطيك الصحة حبيبتي
كنت نحوس علي الطريقة |
الله يسلمك عزيزتي الغالية أوريسيا شكرا لمرورك الكريم و ردك الطيب
شكرا علي الطريقه كنت نحوس عليها وربي يحفظ جدتك
|
المشاركة الأصلية كتبت بواسطة بيبيشه
شكرا علي الطريقه كنت نحوس عليها وربي يحفظ جدتك
|
العفو عزيزتي شكرا لمرورك الكريم
ربي يحفظك
الله يحفظك ليك الجدة يا اختي والطريقة بحال بحال الوالدة نتاعي