سلام~
ساغير الثانوية ان شاء الله
و لست متاكدة من قراري ..
لكن المشكلة
انني ساكون بعيدة و سيكون علي ان اركب الترام ثم الحافلة
اي سيكون علي ان استيقظ على 6 صباحا
هذا ما يجعلني مترددة فانا حاليا نخرج من الدار على 8 سواسوة
يعني ندير 2 دقايق على الكثير
و اني خايفة نولي نعيا ..
+
ياك مافيها والوا الواحد كي يبدل مع الباك ..
و اللي بدلوا الثانوية و ما خرجتش عليهم قولولي علاش ؟
سلام ~
اختي لا داعي للتغيير
راهو يوصل الشتاء
تصبح
6 ظلمة
تولي تقولي كون نقعد هنا خير من الخلعة تع الصباح هاذيك
خوفي على البنات من الظلمة كبير لذا انصحك بالبقاء بقرب منزل احسن
أما فيما يخص الوقت صحيح أنت بنت والسادسة في الشتاء تكون ظلمة ولكنه ليس عذرا لأنه غدا سوف تنجحين وتنتقلين الى الجامعة التبكار فيها فيها خاصة لو تدرسين الطب باه تحكمي البلاصة في صفوف الأولى هكدا تتدربي قبل الجامعة على أقل بعد تكون لديك خبرة 
انا مع راي الاخ ادا راكي حابة تبدلي بسب الاساتدة و طريقتهم السيئة او الرديئة في التدريس فانا انصحك بدلك اما ادا بسبب اخر ابقاي في الثانوبة تاعك خير
انا كنت ندير دروس خصوصية في منطقة بعيدة كنت بالويكاند نوض على السته و نركب 2 حافلات و الشتا ظلمة وعادي
هذي هي السنة عام التعب مشي عام الرقاد
ربي ينجحك
أهلا مروة ،، أنت أدرى بظروفك و الاسباب التي دفعتكِ للتغير
أما أنا فقد غيرت مؤسستي العام الفارط لأن نسب النجاح فيها ليست جيدة ، و ذهبت لأخرى كان الجميع يشكر فيها لما تحققه من معدلات عالية { هما ليستا بعيدتين عن بعضهما } كلاهماعن طريق نفس الباص اذهب اليهما ،، لن اطيل الكلام ، ذهبت الى هناك ، صُدمتبذلك الواقع ، أساتذة كارثيون ، وجدت صديقاني ، لكن كل واحدة مع زميلتها و انا وحدي ، لا اعرف لا مراقب و لا استاذ ~~ تحطمت نفسيتي و لم استطع ان اكمل ~~ احسست انني مسجونة في الغربة ~~
اشتقت لمؤسستي و صرت احقد على كل من يدرس بها ~~ لكن الحمد لله ، عدتُ اليها ، و انا في افضل حال ، الحمد لله ، ان شاء الله سارفع من قيمتها يوم اعلان النتائج،،
فكري الف مرة قبل ان تغيري ، حتى لا تندمي ، مثل ما حدث معي
بالتوفيق { اآسفة ان أطلتُ }
والله حآلتك كي حآالتي
بالنسبة لي
قررت أيضا سأغير أيضا الثانوية
مااش بعيدة راهي قريبة من الليسي اللي كنت فيها هه
مي الصح طاحلنا أستاذ تاع ماث مامليحش
و اني خايفة ما نتأقلمش كون نبدّل
آآآآه بآغية نعووق خخ -.-
ان شآء الله ما يكون فيها غير الخير
ربّي يفرج عليا و عليك و على كل المسلمين ^^
انا مثلك تماما او اكثر ،، فالاساتذة غير اكفاء بتاتا
وقررت ان اغير الثانوية ..هذا عام مصيري
و اصلا 9 شهور و تفوت
تقبلي مروري~~~~
ربي يسهل اخية رانا كامل كيفكيف انا ثاني استاذة الفيزياء كارثة وعائق وانا متردة في فكرة التحويل
لكن بعد ما شاورت واستخرت قررت باه نبقى في الليسي ليراني فيه وندعم نفسي بالدروس الخصوصية ان شاء الله ونحل تمارين بزااف
ربي يسهل ويفرج كربة كل مكروب
اللهم امين
سلاام
okhti makan lah ya3ni kitbadli wach dirir thawli tafahmi les prof les jamais chatihom wala twalfi khirlak kamli hada l3am wrabi ywafa9na
ربي يكون معاك شوفي كاش واحد كبير ينصحك يكون استاذ لانهم هم ادرى بهذه الامور
|
المشاركة الأصلية كتبت بواسطة ~~نهال~~
 اختي لا داعي للتغيير
راهو يوصل الشتاء تصبح 6 ظلمة تولي تقولي كون نقعد هنا خير من الخلعة تع الصباح هاذيك خوفي على البنات من الظلمة كبير لذا انصحك بالبقاء بقرب منزل احسن |
يا خاه انا اني نخمم على الباك
و لا على الظلمة .. دكا 2 تع ليل النسا برا نورمال
+ ماجاتنيش في هاديك مانيش رايحة للقفاري غير ف العاصمة
الغاشي فيها فيها + نكون مع بنت عمتي
شكرا
|
المشاركة الأصلية كتبت بواسطة كيمونيس
إذا كان سبب تغييرك للثانوية كون ثانويتك ضعيفة والثانوية الأخرى نتائجها جيدة وتحوي على أساتذة أكفاء فأنصحكي بالتغيير ولا تتردي……مرت علي نفس حادثتك وبعد تراجعت عن قراري بسبب هذا التفكير ومن ثم ندمت ندما شديدا لأني لم أغير الثانوية فنتائجي ساءت بكثير بعدما كنت من المتفوقين لأنه أداء الأستاذ كان سيىء مما أثر في نفسيتي رغم درست دروس خصوصية ولم ينفع
أما فيما يخص الوقت صحيح أنت بنت والسادسة في الشتاء تكون ظلمة ولكنه ليس عذرا لأنه غدا سوف تنجحين وتنتقلين الى الجامعة التبكار فيها فيها خاصة لو تدرسين الطب باه تحكمي البلاصة في صفوف الأولى هكدا تتدربي قبل الجامعة على أقل بعد تكون لديك خبرة |
اجل شكرا لك طلعتلي المورال ..
بل ان الليسي اللي اني رايحة ليه فيه نظام عسكري هه
تقرى بلا ما تحب
|
المشاركة الأصلية كتبت بواسطة wissamova
انا مع راي الاخ ادا راكي حابة تبدلي بسب الاساتدة و طريقتهم السيئة او الرديئة في التدريس فانا انصحك بدلك اما ادا بسبب اخر ابقاي في الثانوبة تاعك خير
|
و اي سبب اخر يجعلني استيقظ باكرا
مستحييييييييييل ’ لو لم يكن عام باك
لما فكرت حتى ف فكرة التغيير
نظام عسكري ,,,,,,,,,,,,؟ يا اختي روحي روحي احنا رانا نحلوا على انظمة عسكرية ,,,,,,,, وما كاين والوا ادارة قزيل كول وقيل