من فضلكن وصفة البقلاوة 2024.

السلام عليكن يا الغاليات و صح رمضانكن
اريد من صاحبات الخبرة احسن وصفة للبقلاوة
انا عملتها عندي يومين و لكن حسيت جاتني ناشفة شوية يمالا قلت ما عندي غير نتوما نشاوركم
و ربي يتقبل منا و منكم صالح الأعمال

يعطيك الصحة قافزة لهبارك مي ختي بلاك مكثرتيش السمن ؟؟اسقيها مليح بالعسيلة وصح فطورك

4كيلات فرينة، كيلة من السمن أو مارغرين ذائبة
بيضة، قرصة ملح.
للحشو: 2 كيلات لوز أو كاكاو مرحي، كيلة سكر ناعم، قرصة قرفة
½ كأس ماء الزهر، ½ كأس سمن ذائب
عسل مخلوط مع ماء زهر بارد حتى نسقي البقلاوة
نتمنى انك تجربيها

بقلاوة مخططة او لمخبل نفس التسمية

فقط لمخبل يتقص مربعات اما البقلاوة معينات

المقادير
4 كيلات فرينة ، كيلة دهان (3/4 سمن و1/4 زبدة لابال)، ماء الزهر ، والماء ، بودرة كاكاوو

التحضير

نديرو الفرينة والدهان

نخلطوهم مليح ونحلوهم براحة اليد حتى تتبسس لعجينة

ونلموها بماء الزهر وشوي ماء

نقسموها 7 كريات ونغطوها نخلوها ترتاح

للحشو

كيلو نوازات ، 500 غ لوز ، 500 غ جوز، سكرو ماء زهر

نحضرو الحشو تاعنا

نرحو كل المكسرات نخلطوهم مع بعض
نزيدولهم كيلة سكر (3 كيلات مكسرات بكيلة سكر)

ونبلوهم بماء زهر

نرجعو للعجينة

نحلو بالوحدة بالنشاء حتى تكون قيس لبلاطو تاعنا

نحطو الورقة الاولى وندهنوها بالسمن ونحطو فوقها الثانية ونزيدو
ندهنو ونكملو هكا حتى نديرو 4 طبقات من تحت

نحطو الحشوة تاعنا

ونغطو بزوج طبقات اوخرين وماننسوش الدهان بيناتهم

اما الطبقة اللخرة نقسموها على زوج

نص نخلوه ابيض والنص لوخر نديرو فيه بودرو الكاكاوو ونعجنوها مليح حتى تكون لون واحد

وبلاماشين تاع بقلاوة نحلوها ونديرو شرائط من اللونين

وفي وسط البلاطو نحطو شريط بني وبعدو ابيض وهكا واحد في جنب واحد ومايكونوش متباعدين

حتى نكملوها

ندهنوها للمرة الاخيرة ونقطعوها مربعات

ونرشقوها بحبات نوزات وندخلوها للفرن

ومع طيب وكي نخرجوها بعد وهي سخونة نشربوها بلعسل فيه شوي ماء زهر

حقيقه منقوله جربتها ماما رائعه

اناانديرلها 4كيلات فرينة 1كيلة سمن وندهن فوق كل طبقة بلزبدة اوسمن وندير6طبقات ومباعد اندير 3 كيلات لوز+كيلة سكر +ماءالزهر نصيحة متكثريش ماء الزهر ملازمش تكون مشمخا بزاف ومن فوق اندير5طبقات. م والطريقة انضن راكي تعرفيها موفقةان شاء الله.

اقتباس:

المشاركة الأصلية كتبت بواسطة omar_moubarki يعطيك الصحة قافزة لهبارك مي ختي بلاك مكثرتيش السمن ؟؟اسقيها مليح بالعسيلة وصح فطورك

الله يسلمك و الله على حساب ردود الاخوات تقريبا نفس الكيلات
بعني انا درت 3 كيلات فرينة كيلة مايزينة كيلة سمن +1 حبة بيض ولميتها بالماء و الماء الزهر
…………….و لكن ماما قتلي بنينة و لكن جاتك العجينة ناشفة شوية ….. وقيل ماحبتش تحلي العين
ربي يجازيك و صح فطورك انتي زادة

اقتباس:

المشاركة الأصلية كتبت بواسطة doja اناانديرلها 4كيلات فرينة 1كيلة سمن وندهن فوق كل طبقة بلزبدة اوسمن وندير6طبقات ومباعد اندير 3 كيلات لوز+كيلة سكر +ماءالزهر نصيحة متكثريش ماء الزهر ملازمش تكون مشمخا بزاف ومن فوق اندير5طبقات. م والطريقة انضن راكي تعرفيها موفقةان شاء الله.

و الله يا اختي نفس الكيل فقط انا حطيت 3فرينة و1 مايزينة و زدت حبة بيض
ربي يجازيك كل خير و يعطيك ما تتمناي و صح فطورك

اقتباس:

المشاركة الأصلية كتبت بواسطة نورحياة 4كيلات فرينة، كيلة من السمن أو مارغرين ذائبة بيضة، قرصة ملح. للحشو: 2 كيلات لوز أو كاكاو مرحي، كيلة سكر ناعم، قرصة قرفة ½ كأس ماء الزهر، ½ كأس سمن ذائب عسل مخلوط مع ماء زهر بارد حتى نسقي البقلاوة نتمنى انك تجربيها

ربي يجازيك بكل خير و ينولك اللي في بالك
انا عملتها بنفس المقادير و لكن ماما قاتلي جاتك ناشفة راني نعاودها في العيد ان شاء الله و نردلك بالخبر
صح فطورك

اقتباس:

المشاركة الأصلية كتبت بواسطة ala amal بقلاوة مخططة او لمخبل نفس التسمية فقط لمخبل يتقص مربعات اما البقلاوة معينات المقادير 4 كيلات فرينة ، كيلة دهان (3/4 سمن و1/4 زبدة لابال)، ماء الزهر ، والماء ، بودرة كاكاوو التحضير نديرو الفرينة والدهان نخلطوهم مليح ونحلوهم براحة اليد حتى تتبسس لعجينة ونلموها بماء الزهر وشوي ماء نقسموها 7 كريات ونغطوها نخلوها ترتاح للحشو كيلو نوازات ، 500 غ لوز ، 500 غ جوز، سكرو ماء زهر نحضرو الحشو تاعنا نرحو كل المكسرات نخلطوهم مع بعض نزيدولهم كيلة سكر (3 كيلات مكسرات بكيلة سكر) ونبلوهم بماء زهر نرجعو للعجينة نحلو بالوحدة بالنشاء حتى تكون قيس لبلاطو تاعنا نحطو الورقة الاولى وندهنوها بالسمن ونحطو فوقها الثانية ونزيدو ندهنو ونكملو هكا حتى نديرو 4 طبقات من تحت نحطو الحشوة تاعنا ونغطو بزوج طبقات اوخرين وماننسوش الدهان بيناتهم اما الطبقة اللخرة نقسموها على زوج نص نخلوه ابيض والنص لوخر نديرو فيه بودرو الكاكاوو ونعجنوها مليح حتى تكون لون واحد وبلاماشين تاع بقلاوة نحلوها ونديرو شرائط من اللونين وفي وسط البلاطو نحطو شريط بني وبعدو ابيض وهكا واحد في جنب واحد ومايكونوش متباعدين حتى نكملوها ندهنوها للمرة الاخيرة ونقطعوها مربعات ونرشقوها بحبات نوزات وندخلوها للفرن ومع طيب وكي نخرجوها بعد وهي سخونة نشربوها بلعسل فيه شوي ماء زهر حقيقه منقوله جربتها ماما رائعه

بارك الله فيك ربي يعطيك ما تتمناي و يحفضلك ماماك و يخلينا امهاتنا تاج فةق راسنا
ان شاء الله نجربها بهذي المقادير و نردلك ان شاء الله
صح فطورك يا زينة