ليس هناك ما هوأسهل من الطمينة آختي وإذا أعجبتك الفكرة سأعطيك المقاديرعزيزتي.
حنونة فكرة الطمينة مليحة وانا نفكر عليك فكرة كي يعود عندك وقت فراغ اخدمي حبات حلوى لضيوف الغفلة صدقيني اختي انا الطريقة هذه نتبع فيها من الوقت لعدت ربة بيت مستقلة تخليك رايحة بزاف وتقعدي مع ضيوفك بلا حرج وانت واش تختاري نوع الحلوى اما في حالةالغفلة ومايكونش عندك الوقت ديري الكروكي المقطع رااااااااءع وانت وتزيينك من فوق يفرج على مولاه في حالات الغفلة مام المادلان رووووووووووووووعة بسبوسة وموسكوتشو وبزاف حوايج وان شاء الله تلقاي كاين وصفات سريعة التحضير في القسم ومضمونة
مع ضيوف الغفلة ندير بغرير [3فنجان سميد متوسط ,2معالق فرينة ,1خمارة,شوية خميرة ,ملح,ملعقة سكر,4فناجين ماء دافئ كلشي في مكسور واحد 3دقايق في ذاك الوقت سخني الماء في كاسرونة أو طاجين و حطي الوعاء لي فيه البغرير فوقه النار طافية .و من بعد 5 دقايق بداي طيبي.] عندي طريقتي باش نطيب البغرير مين تسخن المقلة نشللها بالماء بارد [نفتح عليها الماء بارد ]و مبعد نرجعها تسخن و نطيب البغرير ]هذا الطريقة نديرها من بعد كل حبة بلا ماندهن بالزيت.نتمنى الفكرة وصلت
يا اختي مكانش كيما السيقار ساهل و ياخدش اكثرمن10 دقائق..ديري حبة بيض و كاس اتاي تاع زيت وكا اتاي حليب ولفاني وقشور الليمون وخلطي مليح وبداي تلمي ف العجينة بالفرينة وديري مغرف صغيرة خمارة الحلوى لازم العجينة ماتكونش قاسحة وماتكونش طرية بزاف وشكليه سيقار وقليه في الزيت وخليه يدفى شويا وعسليه او ديريه في سكر قلاصي تقدري من تعسليه ترمديه في نوادكوكو ولا كوكاو ولا كوفريت…راهو بنين بزاف ومايكلفش .حبيت ندير ملاحظة انا شفت الوصفة في المنتدى ولكن بالسكر في العجين ولكن هدي هي الوصفة الاصلية نديرها من لي كنت صغيرة ..شكرا
نمدلك إقتراح و من بعد نقولك أما واش ندير
– المادلان وصفة ساهلة و متديش وقت
– قاطو الكسكاس مفيش أسهل و أسرع منو
– خبيزة تونس توجد و طيب بالخف
– بلح الشام و هو عجينة الشو إقلي و عسلي نوصيك إخدميها بالحليب المقدار تاع الماء دريه حليب و زيدي ملعقة خمارة قاطو
نقولك أنا واش ندير لضياف الغفلة كل منخدم قاطو نخبي منو فالمجمد و كي جوني الضياف نديكونجلي
و الله كل ضياف إجو منتقلق ما نخمم و ضوكا و الله عندي 6 أنواع مخبيتهم من قاطو ناشف و معسل
ya okhti el sigar khefiff
ماكاش كما موسكوتشو ياراسمين وانا فكرت اني نضاعفها ونطيبها فيت فيت في زوج مولات واحد تع الكيك واحد دائري مثقوب ونطيبهم مرة وحدة
هنا كمية كبيرة وبسرعة
ادا حبيتي نعطيلك الوصفة
بغيت نقولك السيقار و لا البغرير لكن الاخوات سبقوني
شكرا لكم على الوصفات حبيباتي لكن حبيت وصفات جديدة
انا نقولك النفيخات او النبولات رانى حطيتهم موضوع جديد اهبلو ويوجدو بلخف
|
المشاركة الأصلية كتبت بواسطة zeyneb44
 مع ضيوف الغفلة ندير بغرير [3فنجان سميد متوسط ,2معالق فرينة ,1خمارة,شوية خميرة ,ملح,ملعقة سكر,4فناجين ماء دافئ كلشي في مكسور واحد 3دقايق في ذاك الوقت سخني الماء في كاسرونة أو طاجين و حطي الوعاء لي فيه البغرير فوقه النار طافية .و من بعد 5 دقايق بداي طيبي.] عندي طريقتي باش نطيب البغرير مين تسخن المقلة نشللها بالماء بارد [نفتح عليها الماء بارد ]و مبعد نرجعها تسخن و نطيب البغرير ]هذا الطريقة نديرها من بعد كل حبة بلا ماندهن بالزيت.نتمنى الفكرة وصلت
|
جربت طريقتك ونتيجة 6 حبات بغرير للكمية تاع 3فنجان سميد ربي يرض عليك ويرضيك.
آمين يا الحبيبة