السلام عليكم
راني جبتلكم الكعك الشلفي يشبه للبريوش راني خدكتولكم في الليل باش تشربو بيه القهوة الصباح
هاي ليكم الطريقة
اولا المقادير
7 بيض و تنحي صفار 3 للطلية ..كاس زيت ..كاس سكر**اللي تحبوا حلو ياسر تزيد**..كاس حليب 2 خميرة الحلويات ..نص فنجان قهوة خميرة الخبز و بشور حبة قارص انا درت البرتقال ..شوية جلجلان و تلمي الكل بالفرينة حتى تعطيك عجينة متماسكة مثل تع الخبيز
تخليها تخمر و ممبعد تفشيها او تنحيلها الخمورة و تقرصيها و تشكليها اشكال و ممبعد عاودي ديريهم يخمرو .و ممبعد اطليهم بالصفار و ديريلهم الجلجلان و طيبيهم في نار قوية مدة 15 د
التوضيح مع الصور
و هاذي اشكال وحدخرا درتلهم الشيكولا داخل
على فكرة يقطع مليح شوفو شحال دارلي
مروركم يشرفني و يفرحني لا تبخلوا علي بالتقييم
على فكرة درتوا على ال 11 تع الليل على ذاك التصاور مش صافيين بزاف
الله يبارك أختي الكريمة, ما شاء الله عليك تقريبا يشبه اللي نديروه بصح احنا ما نديروش البيض والحليب في العجينة. خرجلك شباب بزاف بارك الله فيك
ya3tik elsaha ya jarti la3ziza khmosse 3la elchelfiyate allah yebarek
خرجلك شباب بزاف بارك الله فيك
تسلم ايديك مشكورة
أممممممم انا نحب هاد كعك نموت عليه شكرا لك يا شلفاروية الفحلة
جاك يهبّل
الله يبارك
يشهي يعطيك الصحة
7 صفار كاملين دهنتي بهم؟
الله يبارك أختي الكريمة
الله يبارك خصنا القرسوش نتاع القوط
بآركـ الله فيكـ
|
المشاركة الأصلية كتبت بواسطة بنت الحاج
 الله يبارك أختي الكريمة, ما شاء الله عليك تقريبا يشبه اللي نديروه بصح احنا ما نديروش البيض والحليب في العجينة. خرجلك شباب بزاف بارك الله فيك
|
يسلمك حبيبتي بنت الحاج انت اللي دايما تتحفينا
ماذا بيك توريلنا نتاعكم و وش ديرو فيه ؟؟ نستفادوا من بعض
|
المشاركة الأصلية كتبت بواسطة miri_27
ya3tik elsaha ya jarti la3ziza khmosse 3la elchelfiyate allah yebarek
|
الله يبارك فيك يا بنت بلادي العزيزة خاطر انا اصلي من عين الدفلى بصح حياتي قع في شلف
ام مريم .. لينات ..ام رياض ..سماح و سارة و رغاد الاسلام
الله يبارك فيكم .. جربوه ماتندموش خفيف و بنين
|
المشاركة الأصلية كتبت بواسطة remadna
الله يبارك
يشهي يعطيك الصحة 7 صفار كاملين دهنتي بهم؟ |
يسلمك رمضانة يسعدني مرورك
لالا راني نحيت 3 صفار من 7 حبات
يعني في العجينة درت 4 كاملين و 3 بياض و زدت مع الصفار شوية قهوة