السلام عليكم
انانعرفها البسيسة نفسها الروينة
نخدموها بالقمح والتمر اليابس المرحين مع بعض طبعا
ونخلطوها باللبن ولا الماء كل واحد والرغبة النتاعو
هذه اكلة شعبية للشاوية خاصتا في رمضان
وهي اول شيئ يفطرو به
ويحبها زوجي كثيرا
اتمن ان اكون فهمت قصدك اختي
البسيسه حنا عندنا نرحيو القمح و الحمص مقلي في الطاجين و تخلطيها مع الزبدة و العسل و تجي شوية جارية و نديروها خاصة للنافس و جامي سمعت بسيسة ما كانش فيها زبدة
حسب واش نعرف اختي البسيسة تجي بالزبدة ولا الدهان في منطقتنا البسيسة هي الروينة مرمز مبسة بالدهان و التمر او العسل او السكر
الروينة احنا في منطقتنا نأكلها بالسكر فقط
البسيسة كيما قالت الاخت ام ضياء الدين بالقمح والتمر اليابس نرحيين نبلوهم بالماء.
اما بالنسبة اللي نخدموها بالعسل والزبدة هي الروينة
مرحبا أختي
في جهتنا كاين أنواع :
1/ الروينة : أ/ قمح مقلي و مرحي رطب +سكر + ماء أوحليب
ب/قمح مقلي و مرحي + عسيلة +زبدة أو دهان + حلوة الترك + اللوز ( يديروها بزاف ناس الشرق)
2/ الكعبوش أو الصدر ( يقولوها ناس بوسعادة ) :
غرس مغسول ومقطر مليح + تشيشة انتاع الطمينة مقلية بلون ذهبي إلى بني + دهان أو زبدة + كوكاو أو لوز و يتعجن مليح
حتى تولي تقديري تشكليه
3/ البسيسة : نفس الطريقة السابقة ولكن تجي مبسسة بزاف متكثريش فيها الغرس بحيث متقدريش تشكليها في يدك
4/ الرفيس : فطير أو مذكر أو مبسسة (دقيق + ملح + زيت + ماء ،يعجن جيدا و يطيب في الطاجين ) وهو سخون يفتوه شوية و يعجنوه مع الغرس كي يتخلطو مليح يضيفولهم الدهان انتاع لعرب
حنا في منطقتنا نسموها الروينة و هي القمحنقلوه فالتاطين من بعد نرحوه و نغربلوه و نديرولها السكر و شوية فلفل أسود و شوية ملح و نخلطوهل بالماء الدافئ و ناكلوها و هده عندنا يضاربو عليها في ماكلتها
شكرا لمروركم الكريم وعلى المعلومات حبيباتي
|
المشاركة الأصلية كتبت بواسطة insaf_aicha
 حسب واش نعرف اختي البسيسة تجي بالزبدة ولا الدهان في منطقتنا البسيسة هي الروينة مرمز مبسة بالدهان و التمر او العسل او السكر
|
|
المشاركة الأصلية كتبت بواسطة miri_27
الروينة احنا في منطقتنا نأكلها بالسكر فقط
|
|
المشاركة الأصلية كتبت بواسطة meriem.213
البسيسة كيما قالت الاخت ام ضياء الدين بالقمح والتمر اليابس نرحيين نبلوهم بالماء.
اما بالنسبة اللي نخدموها بالعسل والزبدة هي الروينة |
نحن عندنا فى الجلفة
البسيسة تصنع كتالى .. دقيق مثل نتاع طمينة و زبدة او سمن وتمر غرس
نحمض دقيق ونصبو على الغرس ونجمعو مليح ثم ندير الزبدة ونمزجهم مليح ونشكلهم كويرات
اما روينة نحمص القمح ونرحيه مثل دقيق املس ونضيف سكر وشوية ملح وسمن او زبدة وماء نخلطهم مثل الكريمة
اختي حنا البسيسة نديروها بالقمح و الحمص و العدس تحمصيهم في الطاجين ثم ترحيهم و ديري الزبدة و العسل و الجلجلانية و تخليها شوية جارية و نديروها خهصة للنافس