انا دورك وجدت عشايا و الحمد لله
حبيت نطلب منكم وصفة تاع بوراك في الكوشة ماشي مقلي
كل عضوة اختنا العزيزة تحط لنا وصفة جديدة
ربي يجازيكم خير و انتظر وصفاتكم رمضان كريم و الله اكرم
السلام عليكم انا تقريبا في رمضان ديما نديرو في الفور نفرش اوراق البوراك و ندهن بشوية زيت او زبدة ونفرش بطاطا مقلية دوائر ونقطع معدنوس و لحم مرحي طايب و زيتون اخضر مقطع رقيق و فرماج نكسر بيض ونغلق نديرها زي البسطيلة و نديرها في الفور حتى تحمار تجي بنينة و تشبع اوقات نديرها غير هي و الشربة وسلاطة
ممممممم بااين ملييح و لذيييذ , رائع يا اخت 
وااصلي :d
السلام عليكم
شوفي اختي نعطيك طريقة هذي وانا عن نفسي نديرها بزاف لان الوالدين ما يحبوش المقلي واخوتي العكس يحبوه مقلي وهذي الطريقة معتمدينها في البيت
تحكمي اوراق الديول وتعمريها بالحشو لي عندك وتلفيها عادي ثم تستفيها في بلاطو مدهون بشوية زيت وبعدها تدهني البوراكات كذلك بالزيت بواسطة بانسو وتدخليهم للفرن حتى يحمارو
|
المشاركة الأصلية كتبت بواسطة حورية38
 السلام عليكم
شوفي اختي نعطيك طريقة هذي وانا عن نفسي نديرها بزاف لان الوالدين ما يحبوش المقلي واخوتي العكس يحبوه مقلي وهذي الطريقة معتمدينها في البيت تحكمي اوراق الديول وتعمريها بالحشو لي عندك وتلفيها عادي ثم تستفيها في بلاطو مدهون بشوية زيت وبعدها تدهني البوراكات كذلك بالزيت بواسطة بانسو وتدخليهم للفرن حتى يحمارو |
يعطيك الصحة أختي أنا ندير هذي الطريقة و يحي البوراك بنين و صحي
راني سبق و حطيت طريقتي في تحضير البوراك، الرابط من هنا
شكرا لكم على المعلومة و منها ناكلو البوراك ونربحو صحتنا
رمضان كريم sabine1988
السلام عليكم ورحمة الله وبركاته
حياكن الله أخواتي ، أنا لأول مرة أضع وصفة في هذا المنتدى الغالي أسأل الله العظيم أن تنال إعجابكم
هذا بوراك ترك هاااااااااااااااااااااايل زوجي يموت عليه ، هو يطيب في المقلة ولكن جرباتو خالتو في الفور قالتلي يخرج مليح
هذي هي الوصفة :
250 غ فرينة
2 حبات بيض
4 مغارف كبار زيت
مغرفة سكر
ملح
نصف كيس خميرة كميائية
وتلمي العجينة بالحليب الدافئ
مقادير الحشو :
لحم مرحي
جبن
زيتون أخضر مقطع
الطريقة :
تحلي العجينة مثل ما تحلي سوفلي يعني تقطعيها دوائر ، وتحطي الحشو في الوسط وتغلقي عليها
ثم تديريها في البيض و الخبز المرحي
وبعدا تقليها
والله هايلة
وخيرا جزاك اختي ام عبد الرحمن ان شاء الله ينجحلك وتفرحي بيه