ملاحظة
هذ المقروط يجي مرمل و ما يتفتتش اثناء القلي
المقادير
4كاس سميد احرش
2مغارف فرينة
كاس سمن المدينة ذايب و بارد
ربع كلعقة قهوة ملح
ماء و ماء الزهر
تمر للحشو+قرفة
زيت للقلي
عسل
الطريقة
حضري الحشو نقي التمر زيديلو شوية قرفة و مغرف سمن و اعجنيه ممكن تفوريه اذا كان قاصح
خلطي السميد و الفرينة و الملح و بسيهم بالسمن خليه يرتاح ساعة باش يشرب المادة الدسمة و يجي مرمل
من بعد رشيه بالماء و ماء الزهر حتى تتحصلي على عجينة عادي تاع المقروط
دايما حربوش وسطه التمر المحضر بواسطة طابع المقروط اضغطي عليه قطعي و سوي الشكل
لازم الزيت غزير سخنيه و اقلي على نار ماهادية بزاف ما معتدلة شوية ما تقلبيش الحبات خليه يولي ذهبي
تكوني مسخنة العسل و الماء الزهر
مباشرة من المقلة للعسل خليه يتشرب مليح ما تنزعيهش من اعسل حتى تكوني قليتي الجزء الثاني من الحبات
كتجي تقدميه عسليه في عسل مسخن وحدو بدون ماء الزهر اغطسي برك و حطيه في كيسات ذهبي او فضي
باين يشهـــــــــــــــــي
ممكن المقادير لو سمحتي ؟
باين يشهي يعطيك الصحة ممكن تحطي الوصفة
اشهى بك رنى نريق
رائع اختى بارك الله فيك
اولا شكرا اختي على الموضوع ولكن اين الوصفة يابنت بلادي
زظظ
ارجوكي الوصفة
درتوا خطرة تفتتلي في المقلاة
و الله يبارك يعطيك الصحة مقروضك باين بنين
ما شاء الله اختي شهد جاك روعة
هههههايل و اكيد لما يكون من ايد مختصة في المقروط اسمها شهد…
ارجوكي المقادير و الوصفة يعطيك الصحة وصفاتك كلها ناجحة
بنات راني حطيت المقادير ممكن تتطلع عليهم حظ موفق انشالله
|
المشاركة الأصلية كتبت بواسطة عروبة
 ارجوكي الوصفة
درتوا خطرة تفتتلي في المقلاة و الله يبارك يعطيك الصحة مقروضك باين بنين |
هذ المرة اكيد ما يتفتتلكش
|
المشاركة الأصلية كتبت بواسطة crono
اشهى بك رنى نريق
|
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الله يسلمكم يالغاليات شكرا على الحضور الطيب
روووعة نشتي مقروط المقلة,في العيد لاكنا من الحيين نجربو ان شاء الله.و مقروط لمنقش اللي درتيه مديت الوصفة لختي جرباتو وقاتلي قوليلها يعطيك الصحة جاها هايل.
قلتلها لوكان صورتيهلي قتلي خاطيني التخدام نتاعكم 
:d:d