مقروط اللوز ساعدوني بليز

السلام عليكم راني حابة منكم المقادير نتاع مقروط اللوز اداك اللي يجي فيه السكر من الفوق بصح ياريت تكون وصفة مجربة هو والمقروط المعسل

وين راكم يالبنات واش ماكانش مساعدة منكم؟؟؟؟؟؟؟؟؟؟؟؟؟؟؟؟؟؟؟؟؟؟؟

???????????????????????????????????????????

3 كيلات لوز مرحي و تعاودي ترحيه مرة اخرى مع كيلة سكر عادي و تضيفي الفاني و تبلي مرة ببيضة ثم بصفار بيضة و هكذا
لازم العجينة ما تجيش طرية لان البيض كي يكون بزاف راح يجري العجينة و تجي يابسة في طيابها
نرش بالفرينة طاولة العمل ثم نشكل حربوش و نقطع معينات، و لازم نقطع بالشوية باش تجي الحبة شابة و ما تحبطش
نتركها من الافضل ليلة كاملة ثم تطهى

نتركها تبرد ثم نديرها في عسيلة خفيفة ثم تقطر في كسكاس ثم توضع في كيس به سكر ناعم لمدة ربع ساعة
تخرج و توضع في حاويات ورقية

شكرا بصح كي نخليها ليلة كاملة ماتفسدش؟؟؟؟؟؟؟؟؟؟؟؟؟

ani dert makroud allouz
w dork chwia nhatlek la recette

شكرا بارك الله فيك

اقتباس:

المشاركة الأصلية كتبت بواسطة maiar ani dert makroud allouz w dork chwia nhatlek la recette

راني ناوية ان شاء الله ندير مقرود اللوز هذا العيد تعيشي حنونة قوليلي واش حال المدة اللي يبقى فيها طري و ما ينشفش يعني نديروا قبل العيد بكم يوم ممكن قبل اسبوع و يبقالي طري و الا نخليه قبل بيومين و ايضا الطياب نتاعوا هو مايخدش وقت في الكوشة نورمالمون مايطولش و اذا عندك اي نصيحة تتعلق بيه قدميهالي ربي يعيشك

و بارك الله فيك و الله يحفظك

الوصفة الي قدمتها الاخت شابة لكن زيدي مبشور وعصير الليمون

اقتباس:

المشاركة الأصلية كتبت بواسطة ماما ليث الوصفة الي قدمتها الاخت شابة لكن زيدي مبشور وعصير الليمون

تقصدي الوصفة هذي

او التي في الصورة و شكرا لك

مساء الخير حبيبتي
انا نمدلك هذي الوصفة درتها في شوفة ديالي و جاني يهبل ماشاء الله
في هذا الرابطhttps://www.djelfa.info/vb/showthread.php?t=1005881
ان شاء الله تنجحي فبها و مقروط اللوز عمري اذا درتو و صح فتورك

السلام عليكم أختي الغالية

mlllllmmùmùmmml

اقتباس:

المشاركة الأصلية كتبت بواسطة الواثقة بالله 23 السلام عليكم أختي الغالية مرة لقيت وصفة تاع مقرود اللوز هنا في المنتدى و جربتها جاتني رااااااااااااااائعة رح نكتبهالك ان شاء الله تعجبك لانو الرابط تاحا معنديش 3 كيلات لوز يكون ناشف ثلاث أيام في جريدة "انا عملت بيه طول يعني شيحتو في الفرن عادي من غير ما ياخد لون و في نفس الوقت يكون شايح" اللوز لازم يكزن مرحي مليح بودر خلاص كيلة غير صبع سكر عادي " انا استعملت سكر ارطب" قشور ليمون حبتين كبار او اكثر لانو مقرود اللوز يحب القارص اذا عندك خلاط كهربائي زيدي ارحي اللوز مع بشور الليمون و السكر باه يدخل الطعم في بعضاه مليح 2 صفار بيض و تخلطي بالشوية حتى تتحصلي على عجينة شوية طرية و اذا مكفاوش 2صفار زيدي بالبيضة كاملة حتى تتلم السر في نجاح كل الحلويات الجزائرية لازم العقدة ترتاح 4 ساعات على الاقل "انا خليتها ليلة كاملة في الثلاجة في ساشي " ساعديتني خلااااااااااااااااااص في الخدمة و تجي رائعة و متخافيش عليها مفيهاش الخميرة يعني ميصرالها والو شكلي منها حربوش و دردري الفرينة شوية فوق الطاولة ثم قطعي هداك الحربوش الى معينات قيس 2 اصابع حاولي تعملي كل المعينات قد بعضاهم استعملي مسطرة او ابقاي قيسي بالحبة الاولى لي قصيتيها دخليه الفرن 10 دقائق فقط لازم يجي شوية وردي من تحت متحمريهوش و من الفوق يشيح من غير ما ياخد لون حضري سيرو من قبل بمدة باه يبرد في عقلو كيلة ماء زهر +2 كيلات سكر ارطب حطيهم فوق النار حتى يولي السيرو تاعك كيما الزيت خليه يبرد خلاص " على برا" باه استعمليه كي يخرج المقرود من الفرن خليه يبرد حتى هوثم غطسي الحبات في السيرو و خرجيهم و تكوني دايرة السكر الارطب في ساشي غطسي فيه الحبات لمدة 7 دقائق انا السكر حطيتو في صحن عادي مش في الساشي و سكرتهم مرتين و من بعد زيدي حطي سكر ارطب في صفاية و اضربيها بملعقة باه يهبط السكر فوق حبات المقرود يجي شكلهم رائع أهم حاجة يكون السكر نوعية رفيعة استعملي سكر المرجان اذا استعملتي سكر مش مليح يفسدلك المقرود خلاص حطي المقرودات في كيسات لونهم وردي أو أزرق فاتح يجي روعة و رشي فوقهم ملمع غذائي brillant alimantaire فضي اللون صدقيني وصفة ناجحة و رائعة موفقة غاليتي

الله يعطيك ما تتمناي و تحبي و يفرح قلبك و يزيح همك و يرزقك من كل خير

صحى رمضانك و عيد سعيد مسبقا

يعطيك الصحة